Бурханы өвч зэвсэгЗагвар

Бид итгэлийг энэхүү энгийн тодорхойлсон: Бурханы адил аашилж аяглах бол үнэнийг хэлж байгаатай адил.

Үнэн бол итгэлээр дүүрэн амьдралаар амьдрах асуудад тэр чигээрээ бэхлэгддэг зүйл мөн. Хэрэв та үнэнийг огт мэдэхгүй бол үүнтэй нэгдмэл байдлаар хэрхэн аашилж аяглахыг та хэзээ ч мэдэх боломжгүй. Тиймээс Бурханы зан чанарын үнэн ба Түүний Үг итгэлийг маань цэцэглэн, өсөх боломжийг олгох үндэс суурийг олгодог.

Бурханы үнэн нь Бурханд итгэх итгэлийг үнэ цэнэтэй болгож байдаг зүйл мөн. Үнэнгүйгээр, итгэлийнхээ бамбайг өлгөх бат бэх зүйл бидэнд байхгүй байх байсан. Тиймээс Бурханы үнэнийг мөн Түүний Үгэнд илчлэгдэх Бурханы талаарх үнэнийг мэдэх нь итгэлийнхээ дагуу хариуцлагатай амьдрах болоод бамбайгаараа хамгаалагдсан байхын үр нөлөөг амсахад үнэхээр амин чухал аж.

Бурханы дуу хоолойг тод, зөв сонсох нь ямар чухал болохыг тодруулалгүйгээр итгэлийн талаар авч ярих нь дутуу дулимаг зүйл байх болно.

Хэрэв бид болгоомжтой байхгүй юм бол, итгэл нь маш амархан тэнэглэл- итгэлийн нэрээр үйлдэгдсэн бодлогогүй, ойворгон, тэр ч бүү хэл томоогүй, аюултай зан араншин болон хувирах боломжтой. Гэвч жинхэнэ итгэл үүнийг амьдралдаа хэрхэн хэрэгжүүлэхэд Түүний Ариун Сүнс хэрхэн таныг удирдахын хамт Бурханы бичигдсэн Үгс дээр үргэлж яг таг суурилсан байх ёстой. Итгэл болоод тэнэглэлийн хоорондын ялгааг та хэрхэн тодорхойлох вэ? Энэ хоёрын хоорондын хил хязгаарыг давахаас юу хамгаалж байдаг вэ?

Итгэгч болохынхоо хувьд үүнийг залбиралтайгаар эрж хайх үедээ бидэнд зориулсан Түүний зүг чигийг мэдэх эрх мэдэл бидэнд болгогдсон байдаг. Тэрээр бидэнд үнэнийг харуулах, бидний хийх дараагийн алхамд зориулсан Түүний зүг чигийг өгөх дээр Тэрээр итгэмжтэй байх болно. Үнэн хэрэгтээ, итгэлийн бамбайгаар хамгаалагдсан амьдралын хойноос эрэлхийлэх үедээ тэнцвэрийг хадгалсан хэвээрээ байхад минь бидэнд туслахын тулд тэрхүү дараагийн алхамд бат итгэлтэй, нотолсон байх нь үнэхээр чухал.

Та Бурханы үнэнийг эсвэл Бурханы амлалтыг аль хэдийнээ тодорхой мэдсэн бол үүнтэй яв цав нийцсэн арга замаар урагшлах цаг ирээд байна. Анхааралтайгаар сонс-мэдрэмжүүд чинь үйлдлүүдийг чинь эцэслэн тодорхойлох хүчин зүйл байж хэзээ ч болохгүй. Мэдрэмжүүд нь өөрчлөгддөг бөгөөд гадаад өдөөгчөөр өдөөгддөг зүйл аж. Итгэлээр үйлдэгдсэн үйлдлүүд нь үүнээс хамаагүй бат бөх, тогтвортой зүйлд бэхлэгдсэн байх ёстой.

Бидний Бурхан бол үнэн бөгөөд Түүнийг дагах нь юутай ч зүйрлэшгүй зүйл.

Тэрээр үргэлж бидэнтэй хамт байдаг-Сатаныг хүч чадлаараа хамаагүй давсан-санаа зовсон залбирлуудыг минь сонсож, Өөрийнхөө айдас үгүй амлалтуудыг дахин дахин баталгаажуулж, Түүний зүг чигээр бат бэх алхахад минь хэрэгтэй дараагийн хоромхон төдийн гэрлийг өгч байдаг. Хуяг дуулгаа өмс, цэргүүдээ. Бид итгэлээрээ алхаж байна.