Апп-ийг аваарайБурханы өвч зэвсэгЗагвар
Үнэн хэрэгтээ, Ефес 6-р бүлэгт түүний тодорхойлсон сүнслэг байдлын өвч зэвсэг бол үнэндээ давталт-өөр арга замаар тодорхойлсон-захидлын эхний хэсэгт Паулын тайлбарласаар ирсэн зүйл аж. Өөрсдөд нь байгаа гэж огт мэдээгүй зүйлсээ тэд хэрхэн "өмсөх" эсвэл "агсах" боломжтой вэ? Тэдний-болоод бидний хувьд хийх эхний алхам бол-бидэнд өгөгдсөн сүнслэг эх сурвалжуудыг ашиглах байдлаар сүнсний хараагаа нээх бөгөөд тэгснээрээ тэдгээрийг олж харах боломжтой болох юм.
2 Хаад 6-р бүлэг дэх Елиша ба хараагүй зарцын түүх бол Библи дээрх хамгийн дуртай түүхүүдийн маань нэг мөн. Догшин хэрцгий Арамын хаан болоод Израилийн хооронд тулаан болох гэж байлаа.
Елишагийн зарц сонин хачин зүйлийг олж харсан. Эхэндээ тэрээр зөвхөн дайсныг л олж харж байсан нь айдас, түгшүүрээс өөр зүйлийг авч ирээгүй нь гарцаагүй.
Гэвч тэрээр тэр даруйдаа бүхнийг өөрчлөхүйц сүнслэг байдлын бодит байдлыг олж хардаг: түүнд олж харахаас нь хамаагүй их зүйл өгөгдсөн бөгөөд түүний төсөөлж чадахаас ч хамаагүй илүү зүйл түүний төлөө ажиллаж буйг олж хардаг. Түүний нүдээрээ олж харах зүйл нь харж чадахгүй зүйлтэй огт тохирохгүй байлаа. Елишагийн залбирал дайсантай тулалдахад хэрэгтэй эх сурвалж, хүч чадал түүнд байгаа болохыг олж харахад нь түүнд тусалсан.
Өөртөө итгэлтэй, ялалтаар дүүрэн байхын тулд "харах" чадвартай байх ёстой.
Ефес 1-р бүлэгт Бурханы бидэнд өгсөн бэлгүүдээс цөөн хэдийг л Паул онцолжээ. Үүнээс ч олон байгаа бөгөөд бэлэг тус бүр сүнсний өвч зэвсгүүдтэй тусгайлан холбогддог. Эдгээр нь дайсныг хүлэх чадварт хэрхэн хоорондоо зохицдог болохыг ойлгох хамгийн эхний түлхүүр бол алсын хараа юм. Хэрэв та эдгээрийг бүрэн таньж мэдээгүй, эдгээр нь танд боломжтой болохыг мэдээгүй бас дайсантай тулах дайнд ялахад ямар чухал болохыг нь ойлгохгүйгээр эдгээрийг ашиглаж чадахгүй.
Ялалт эндээс эхэлдэг. Өнөөдрөөс эхэлж байна. Алсын харааны төлөөх залбирлаас эхэлдэг.
Тэгэхээр Эзэнээс нүдийг тань бүр мөсөн нээж өгөхийг гуйхад Паултай нэгдэгтүн, тэгснээрээ дайсны үйл ажиллагааг олж илрүүлээд зогсохгүй амьдралд тань байх түүний зэвсгийг авч хаях, ялан дийлэхэд Бурханы өгсөн зүйлийг бүрэн таньж мэдэх болно.
Бичээс
Энэ төлөвлөгөөний тухай
Таны эргэн тойронд үл үзэгдэх тулаан өдөр бүр тасралтгүйгээр өрнөж байдаг, энэ нь үл үзэгдэхүйц, үл сонсогдохуйц хэдий ч амьдралын талбар бүрт мэдрэгддэг. Хорон муугийн төлөө зүтгэгч дайсан нь таны хувьд чухал зүйлс болох зүрх сэтгэл, оюун бодол, гэрлэлт, үр хүүхэд, харилцаа, тэвчээр, мөрөөдөл, хувь тавиланг юу ч үгүй үгүйрүүлэн сүйтгэхээр оролдож байдаг. Гэвч таныг анзаараагүй бас зэвсэглээгүй байх үеийг хүлээж байгаад барьж авах нь түүний тулааны төлөвлөгөө юм. Хэрэв та салхинд туугдахаас залхаж, сонор сэрэмжээ алдсан мэт санагдаж байгаа бол энэ чимээгүй цагийн судлал танд зориулагдсан болно. Дайсан хувцсаа тохируулж өмссөн эмэгтэйтэй тулгарах үедээ үргэлж хөөрхийлөлтэй байдлаар ялагддаг. Бурханы өвч зэвсэг бол итгэгчдэд байдаг библилэг тодорхойлолтоос илүүтэйгээр үүнийг агсах, ялалтыг гарцаагүй олж авахын тулд хувьчилсан стратеги төлөвлөгөөг боловсруулах үйлдэл билээ.
More
