Бурханы нигүүлсэл Загвар

Нигүүлслийг хэрхэн үзүүлэх вэ

Бурхан цорын ганц Хүүгээ—хүн бүрийг хамруулан энэ дэлхийг аврахын тулд загалмай дээр нас баруулахаар илгээсэн. Энд та ч бас багтдаг. Өө сэвтэй, төгс бус байдлынхаа хамт Түүн дээр ирэхээс өөр ямар ч сонголт бидэнд байхгүй болохыг мэдэж байх үедээ Бурхан үүнийг үйлдсэн. Гэсэн хэдий ч, Тэр Өөрийнхөө Хүүг илгээн, биднийг Өөрийнхөө хүүхдүүд хэмээн нэрлэдэг. Энэ бол нигүүлсэл мөн.

Бусдад нигүүлсэл үзүүлэх нь уучлалтай нягт холбоотой. Бурханаас хүлээн авсан тэр л нигүүлслийг бусдад хэрхэн үзүүлэхийг бид мэдэх үедээ нигүүлслээр дүүрэн хүмүүс болж хувирдаг. Нигүүлслээр дүүрэн бас эргэн тойрныхоо хүмүүст өгөөмрөөр үүнийг өгдөг хүмүүсийг та таньдаг байх. Нигүүлслээр дүүрэн хүмүүсийг олоход тийм ч амар байдаггүй—ялангуяа ийм хүн болоход амаргүй нь тодорхой—хэдий ч ийм хүмүүсийг олох үедээ тэдэнтэй хамт байхыг л бид хүсдэг. Нигүүлсэл тэднийг бүрэн өөрчилсөн учраас мөн энэ үйл явцад бусдыг өөрчлөх нигүүлслийг тэд хүсдэг.

Нигүүлслээр дүүрэн хүмүүс…

...бусад хүмүүсийн эмх цэгцгүй амьдрал өөрсдийнх нь амьдралд нөлөө үзүүлэх үед зөөлөн бас илүү уучламтгай хүмүүс байдаг.
...тэмцэлдэж буй хүмүүсийг дорд үздэггүй.
...шархалсан хүмүүстэй хамт хажууд нь алхдаг.
...бусдад тэвчээртэй хандан, тэдний төлөө тэмцэлдэхээ болин хэзээ ч бууж өгдөггүй.
...уучлахдаа түргэн, хорслоос татгалздаг.
...хэн нэгний зүрхний эргэн тойрон дахь тоосгон ханыг нураахаас айдаггүй.
...хажуу дахь хүмүүстэйгээ өөрсдийнх нь гэм адилхан болохыг ухаарсан байдаг.

Бидний төлөө Өөрийнхөө Хүүг илгээсэнтэй адил биднийг тийнхүү үр хүүхдээ золиосол гэж Бурхан биднээс хүсэж байгаа юм биш. Хүмүүсийг хайрласан шиг хайрлахад л Тэр биднийг дууддаг. Түүнээс хүлээж авсан тэр л адилхан уучлалыг бусдад санал болгохыг энэ багтаадаг. Тэдний нөхцөл байдлыг шүүхгүйгээр хэрэгцээтэй үед нь тэдэнд туслахыг энэ мөн хэлдэг. Нигүүлслээр дүүрэн хүмүүс болох бол бидний хийх сонголт болохоос үүнд хүрэх замдаа бидний мэдрэх ямар нэгэн мэдрэмж биш.

“Хөршөө хайрлах,” амаргүй зүйл хэдий ч үүнийг хийх чадвар чадамжийг Бурханы нигүүлсэл бидэнд өгдөг. Нигүүлслээр дүүрэн хүн болохынхоо хувьд хаана байгаагаа үнэлж цэгнэхэд зориулж цаг гарга. Өсөх бас сайжрах боломж хаана байгааг харуулж өгөхийг Ариун сүнснээс асуу.