Зорилго уруугаа алхан орЗагвар

Итгэл доторх тэвчээр

Биднээс өмнө өнөөгийн бидний мэдэх дэлхий ертөнцийг бий болгохоор өөр өөр зорилгын төлөө дуудагдсан маш олон гайхалтай баатрууд амьдарч байсан.

Нельсон Мандела, Тереза эх, тэр байтугай Бетани Хэмилтон (хөгжлийн бэрхшээлтэй байсан ч зорилго, дуудлагадаа хэзээ ч бууж өгөөгүй) гэх мэт нэрсийг дурдаж болно.

Бид тэдгээр гайхалтай удирдагч нараас, тэднийг баатар болгож чадсан маш олон шинж чанаруудаас суралцаж болно. Хэдийгээр, дээр дурдсан гурван хүнээс “Зорилго уруугаа алхан орох” нь чухал гэдгийг харж болох ч нэг чухал зан чанарт анхаарлаа хандуулаасай гэж хүсэж байна энэ бол итгэл дотроо тэвчээртэй байх юм!

Бид сөрөг зүйлсээр дүүрэн ертөнцөд амьдарч байгаа энэ үед тэвчээртэй байх нь хэцүү байж болох юм - ялангуяа Христитгэл болон Бурханд хандах хандлага. Гэхдээ нэг зүйлийг та баттай мэдэх хэрэгтэй тэр бол Бурхан таны талд! Бүтээгч нэгэн таныг дуудаж, зорилго өгсөн бол үүндээ заавал хүрэх болно. Энэ нь танаас том юм шиг санагдаж болох юм… Гэхдээ би таныг эш үзүүлэгч Иеремиаг Бурхан хэрхэн дуудсан талаарх түүхээр урамшуулмаар байна.

Иеремиа 1-р бүлэгт (товчхондоо) Бурхан Иеремиаг түүний хүмүүст төдийгүй ҮНДЭСТЭНД эш үзүүлэхээр дуудсан - аймшигтай даалгавар биш гэж үү?. Гэхдээ Бурхан Иеремиаг энэхүү зорилгынхоо төлөө зэвсэглэж, даван туулах баталгааг өгсөн (Иер1:9-14). Үнэндээ, Иеремиа зорилгодоо хүрэхэд их хүнд байсан ч, Бурхан Иеремиад Би чамайг хэзээ орхихгүй бөгөөд мартахгүй гэж амласан.

Энэхүү хэсгээс бид хэдийгээр даалгавар хэцүү мэт санагдаж байсан ч, Бурхан таныг зорилгодоо хүрэх хүртэл бүрэн баталгаа өгч чадна. Иеремиа тэвчээртэй байсны улмаас Бурхантай хамт амжилтад хүрснийг бид харж болно. Бид дайсанд зөвшөөрөл өгөхгүй л бол тэр Бурханы тогтоосон зүйлд гар хүрч чадахгүй. Бурхан таныг зорилгодоо хүрэхийн тулд дуудсан. Учир нь Тэр танд итгэдэг мөн таныг тодорхой зүйлийн төлөө бүтээсэн. Тэр тантай хамт байгаа бөгөөд тэнгэрийн улс тэр чигээрээ таны талд! Тиймээс тулаандаа орж, дайсны худал үгс, урам хугаралтыг сонсолгүйгээр урагшилсаар бай. Тэвчээр бол таны амьдралд өгсөн Бурханы зорилго биеллээ олохыг харах түлхүүр юм!

Үүнийг уншиж байгаа та, энэ дэлхийд хэрэгтэй баатар болж чадах тул, Иеремиад өгсөн Бурханы амлалтыг сонсон зүрхэндээ хүлээн аваарай. “Тэд чиний эсрэг тулалдах боловч Би чамайг чөлөөлөхөөр чамтай хамт байгаа тул тэд чамайг дийлэхгүй, гэж Эзэн тунхаглаж байна”. (Иер1:19)

Бичсэн: Ашли Майер