Хүүхдүүдээ Бурханы дизайны дагуу хүмүүжүүлэх өдөр бүрийн чимээгүй цагЗагвар

АЛДАГДСАН БАС ОЛДСОН

Алдагдсан хүүгийн тухай түүхэнд, тэрслүү бага хүүгээ сэргээхийн тулд эцэг нь том хүүгээсээ төлөөсийг гаргуулдаг. Яагаад? Бага хүүгээ явахаас ч өмнө эцэг нь өөрийнхөө өмч хөрөнгийг эн тэнцүү хуваасан байсан. Дүү нь өөрийнхөө хувийг зарцуулаад дууссан байсан бөгөөд одоогийн байгаа бүхэн нь том хүүгийн хувь нь байсан. Эцэгийнх нь хувьд дүүг нь сэргээхийн тулд том ахаас нь ямар нэгэн зүйлийг гаргуулах хэрэгтэй байсан бөгөөд иймээс ч ах нь ихээр уурласан. Тэрээр хайрын дагуу биш харин шагналыг олж авахын тулд л эцэгтээ үйлчилж байсан болохыг түүний хандлага илчлэн харуулдаг.

Эцэг эх болохынхоо хувьд, Тэнгэрлэг Эцэгтээ хандах хандлага маань ихэнхдээ үүний адил байх гээд байдаг. Христитгэлт бус эцэг эхчүүд тийм ч их хүч хөдөлмөр гаргахгүй байхад манай л хүүхдүүд хүнд хэцүү асуудалтай тулгарч байдагт бид дургүйцдэг. Бид өөрсдийгөө агуу ивээл ерөөлийг хүлээн авбал зохих хүмүүс хэмээн боддог бөгөөд бид Бурханд өөрсдийгөө хэрхэн итгэмжтэйгээр сүмд явж, залбирч бас Библиэ уншдаг болохоо сануулдаг. Хачирхалтай нь, бид өөрсдийнхөө хүчээр олж авсан мэт боддог учраас нигүүлслийг хүлээн авахад дуулгавартай байдаг эсэх маань хамгийн ихээр саад болдог.Гэсэн хэдий ч үүнд л жинхэнэ ахын мөн чанар оршиж байгаа юм. Сургаалт зүйрлэлд гардаг ахаас огт өөр, тэр л Ах бидэнтэй харилцаатай байхаар эрж хайж бас тийм харилцаатай байхыг хүсч эрмэлздэг Нэгэн байдаг. Тэрээр тэнгэрийн улсаас энэ дэлхийд ирж улмаар биднийг тэнгэрийн улс дахь гэрт маань авч очиход шаардлагатай байсан төлөөсийг өөрийнхөө хүслээр төлсөн Нэгэн. Есүс биднийг "олоход"шаардлагатай яг ямар зүйлийг Өөрийн хүслээр хийсэн болохыг ойлгоход л бүх учир оршиж байгаа юм.

Түүний ивээл ерөөлийг өөрийн хүчээр олж авахын тулд биш харин үүний хариу үйлдэл болгон Бурханд дуулгавартай бай.