Хүүхдүүдээ Бурханы дизайны дагуу хүмүүжүүлэх өдөр бүрийн чимээгүй цагЗагвар

БУРХАНААС ЭМЭЭХ

Эцэг эх байх тал дээр таны хамгийн ихээр айдаг зүйл юу вэ? Хичээл сургуульдаа амжилт гаргахгүй байх уу? Нийгмийн хувьд хүлээн зөвшөөрөгдөхгүй байх уу? Мансууруулах бодис хэрэглэх үү? Сексийн хувьд цэвэр ариун бус байх уу? Айдас бол хүчтэй хөдөлгөгч хүч бөгөөд хэрэв бид болгоомжтой байхгүй бол айдсаасаа болж хүүхдийн хүмүүжлийн талаархи шийдвэрүүдийг гаргах аюултай. Хүүхдүүдийгээ ойлгох, шийтгэл оногдуулах болон Бурханд итгэх итгэлээр хүүхдүүдийнхээ асуудлуудыг шийдвэрлэхийн оронд магадгүй бид тэднийгээ хянаж тэр ч бүү хэл тэдний амьдралыг зохицуулж эхлэхийг оролдох болно. Энэ нь хэсэгхэн хугацаагаар бидний сэтгэл түгшихийг багасгах хэдий ч бусдаас хамааралтай эсвэл тэрслүү хүүхдүүд болгон тэднийг маань хувиргах аюултай.

Эзэнээс эмээх нь Бурханыг Бүтээгч болохыг бас хүмүүсийг Түүний бүтээл болохыг нь хүлээн зөвшөөрөхөөс эхлэдэг. Энэ нь гол үндсэн суурь учир нь бид өөрсдийнхөө мэргэн ухаан ямар их хязгаарлагдмал болохыг ойлгох хүртлээ бид Бурханаас хамааралтай байхын оронд өөрөөсөө хамааралтай байх гээд байдаг талтай. Бид Түүний хэмжээлшгүй эрх мэдэл болон эрхэм дээд чанарыг ойлгох үедээ бид өөрсдийнхөө хяналт хязгаартай болохыг хүлээн зөвшөөрч улмаар эцэг эх байх зовлонтой эсвэл айдас төрүүлэм асуудлуудад ч хүртэл бид Түүнд итгэх боломжтой болдог. Биднийг харж чадахгүй үед Тэрээр мөнхийн зорилгыг олж хардаг гэдэгт бид итгэх болно.

Бурханы зан чанар болон өөрсдийнхөө байр суурын талаар бид үнэн зөв ойлголттой байх үед хүүхдийн хүмүүжлийн талаар гаргах шийдвэрүүд маань ухаалаг байх болно.