Luke 10

Jesu etuma bathu bali makumi ali kutendeka ana babili

1Shule kwa ikoku, She kashalula bamwe bali makumi ali kutendeka ana babili, kabatuma bubili nge bubili kuyenda mbeli kukwe, ku nzi mmwe ne mmwe ne magalo mamwe ne mamwe kwaakabe akafanila kuyenda. 2#Matewu 9:37, 38Kabadwa kati, “Kuvuna kukulu, koga bavuni bashomanana. Ndizo, kumbilani mweni we nnda, atumile bashingi mu kuvuna kukwe. 3#Matewu 10:16Yendani, ndomutuma se pkhwizana pakati kwe phele. 4Musisenge ikwama tje mari, kene gobhodo kene khwebana, kakale musiyite wamunolebesa mu zila. 5Ha mungina mu nzi, kutanga muti, ‘Kunyalala ngakubepo mu nzi iwoyo.’ 6Ha kuli yapo nthu una kunyalala, kunyalala ikoku kowobe munli, koga ha kusina, kunyalala ikoku kowobgwilila kumuli. 7#1 Bakorinta 9:14; 1 Timoti 5:18Mugale mu nzi iwoyo, muja mung'wa tjabanomupa, ngobe nshingi wakafanigwa nge mbhayilo uwe. Musitongo dwa mu nzi mmwe mu yenda ku mmwe. 8Ha mu ngina mu nzi, bakamuamutjila, ijani tjamapiwa. 9Podzani bagwele ba ipapo kakale mu babudze muti, ‘Bushe gwe Ndzimu gwamusedzelela.’ 10#Mishingo 13:51Koga ha mu ngina mu nzi ngono bakasimuamutjile, yendani mu zila dzawo muti, 11#Matewu 10:7-14; Mako 6:8-11; Luke 9:3-5‘Ne hwuluba ye nzi iwoyo yanamatila mu makumbo edu toishashamula, guli butendeki gwe kuti amuzotiamutjila. Koga zibani woku, bushe gwe Ndzimu gwasedzelela.’ 12#Kutangisa 19:24-28; Matewu 11:24; Matewu 10:15Ndomubudza nditi, mu zhuba ilelo kusumikilisiwa kwe Sodoma kowobe kulelu kupinda kwe nzi iwoyo.”

Mizi isingagalemoyo

(Matewu 11:20-24)

13 # Isaya 23:1-18; Ezekiele 26:1—28:26; Jowele 3:4-8; Amosi 1:9, 10; Zakhariya 9:2-4 “Yee mme wee! Wapalala iwe nzi we Korazini! Yee mme wee! Wapalala iwe nzi we Bhetisaida! Ha matjenamiso akashingwa mu muli akabe ashingwa mu nzi we Tire ne Sidoni bathu baikoko banobe bakashandukila ku Ndzimu ntolo, bakaambala masaka bali gele mu nlota. 14Koga mu zhuba le kusumikilisiwa kwe bathu be Tire ne Sidoni kowobe kulelu pana kwenyu. 15#Isaya 14:13-15Nawe nzi we Kapenaume, apa unomilidzigwa kudzimu kene? Aa, unowodelusigwa pasi, ku bugalo gwe bafi.

16 # Matewu 10:40; Mako 9:37; Luke 9:48; Johani 13:20 “Iye unomuhwa unohwa imi, na iye unomulamba unolamba imi, ngono iye unondilamba unolamba iye wakandituma.”

Kubuya kwe bali makumi ali kutendeka ana babili

17Bali makumi ali kutendeka ana babili bakashanduka nge kushatha, bakati, “She, ne meya mibi inotihwa ha tiyitjemela nge zina lenyu.”

18Kadabila eti, “Ndabona Satani ewa se lupenyo gwe vula edwa pezhugwi. 19#Njimbo 91:13Ndakamupa simba kutshamba nyoka ne makungubudza ne kukunda masimba wose e tjita, akuna tjinowomukubadza. 20Koga musishathe ngekwa ikoku, kuti meya inomuhwa koga shathilani kuti mazina enyu akakwagwa kudzimu.”

Jesu akashatha

(Matewu 11:25-27; 13:16-17)

21Mu tjibaka itjetjo, Jesu wakabe akashathiswa nge Meya yakayengemala kabe eti, “Ndomuboka, Tate, She we kudzimu ne shango, ngobe makasumbikila zwithu izwezwi batjenjedu ne banohwisisa, koga mukazwizumbunulila zwitole. Ee, Tate, ngobe oku kwakabe kumushathisa.

22 # Johani 3:35; Johani 10:15 “Zwithu zose zwakapiwa imi ndi Tate. Akuna unoziba kuti Nkololo ndiani, kuzhe kwa Tate, kene kuti Tate ndiani kuzhe kwe Nkololo na ibabo Nkololo baada kubazibisa.”

23Ipapo katendebukila ku badiyiwa babe, ngono kati ku bali asingahwiwe nge bathu, “Bakakombolegwa ibabo banobona tjamunobona! 24Ngobe Ndomubudza nditi, balebesambeli banjinji na bomambo bakayemula kubona tjamunobona, koga bakasitjibone ne kuhwa tjamunohwa koga bakasitjihwe.”

Tjifaniso tje Nsamariya wakalulwama

25 # Matewu 22:35-40; Mako 12:28-34 Ipapo mmwe n'diyi we nlayo kamilika kulika Jesu, kati, “N'diyi, ini tjandakafanila shinga kubona butjilo gusingapele?”

26Jesu kadabila eti, “Ini tjakakwagwa mu nlayo? Iwe unoubala tjini?”

27 # Matama 6:5; Zwipo 19:18 Iyebo kashandula kati, “Kwakakwagwa kuyi, ‘Ida She Ndzimu uwo nge moyo uwo wose nenge meya iyo yose nenge masimba awo wose nenge nkumbulo uwo wose’ kakale, ‘Ida mbakidzani uwo sekwa unozwida.’ ”

28 # Zwipo 18:5 Jesu kadabila eti, “Washandula zubuyanana. Ita ikoku, ndizo unowotjila.”

29Koga nge kushaka kuzwilulwamisa, kabhuzwa Jesu kati, “Ngono mbakidzani wangu ndiani?”

30Jesu kati, “Mmwe nlume wakabe edwa ku Jerusalema edelukila ku Jerikho, kashangana ne batoleli, bakantolela thundu, bakanloba ngono bakayenda bansiya ali pejo nge lufu. 31Kukashingikala kuti mpirisiti mmwe atobele zila iyeyo, ngono kati ebona nlume iwoyu, kanyenyeledza kapinda. 32Sa ikokobo, Nlevi kati epinda bo ipapo kambona, kanyenyeledza kapinda. 33#2 Zwiyitikalo 28:15Koga Nsamariya wakabe ali mu gwendobo, kaswika pakabe pana nlume iwoyu kati embona kanhwila zogwadza, 34kayenda kunli, kalapa mabanga awe nge kuadila mafuta ne nkumbi we zhambi, kudwapo kaasunga. Kudwa ipapo katathisa nlume iwoyo mu zomba#10:34 zomba: Kodwiwa ng'ombe inotathiwa ne Ikalanga. iye kan'yisa ku ng'umba ye bezi kwaakan'yengelako. 35Tjimuka kadusa maloso mabili e siliva kaapa ntjengeti we ng'umba ye bezi. Kati kunli, ‘Un'yenge, ngono ndowoti ndibuya akulipa kwaunowobe washingisa pezhugwi kwa ikoku.’ ”

36Jesu kawidza eti, “Sekwa unobona, ndiupi waibaba bathu batatu, wakalakidza ana ludo nge malebeswa ku nlume wakabe ashangana ne batoleli?”

37N'diyi we nlayo kashandula eti, “Iwoyo wakanhwila zogwadza.” Jesu kati kunli, “Yenda unoyita sa ikokobo.”

Jesu unokumba Mata na Mariya

38 # Johani 11:1 Jesu ne badiyiwa babe bakati bali mu zila yabo, bakaswika pamwe nzi bakaamutjigwa nge nkadzi unoyi Mata. 39Mata wakabe ana nnung'una uwe edang'wa Mariya, wakatikagala pasi pejo ne makumbo a She kahwilila matama awe. 40Koga Mata wakabe elemegwa nge nshingo ne kululwamisa kwakabe kwakafanila thamwa. Kazha kuna Jesu ngono kambhuzwa kati, “She, amuna hanya ha nnung'una wangu endisiya ndishinga nshingo ndoga kene? Mumbudze andibhatshe.”

41She kadabila eti, “Mata, Mata, iwe ate uli gedzikane kakale unodziyidzika nge zwithu zwinjinji, 42koga tjing'ompela tjithu tjinoshakika, Mariya washalula tjakwako, itjo tjaasingawotolegwa.”

നിലവിൽ തിരഞ്ഞെടുത്തിരിക്കുന്നു:

Luke 10: KBTP

ഹൈലൈറ്റ് ചെയ്യുക

പങ്ക് വെക്കു

പകർത്തുക