1. Mose 32
32
Ea Jakob un Esau sikj trafen
1Tiedich dän näakjsten Morjen stunt Laban opp. Hee kust siene Grootkjinja un Dajchta; hee säajend dee un neem Aufscheet von an. Soo reisd hee trigj no sien Tus.
2Un Jakob jinkj sienen Wajch. Dan kjeemen Enjel von Gott no am. #1Mo 28,12 3Aus Jakob dee sach, säd hee: Dit es Gott sien Häa! Doawäajen nand hee dee Städ Mahanajim.
4Esau wia dan en Seir, en daut Launt Edom. Un Jakob schekjt Mana veropp no sienen Brooda Esau, #1Mo 36,8 5met dise Norecht: Sajcht mienen Harn, Esau: Dien Deena Jakob lat die weeten, ekj sie bie Laban jewast gaunz bat nu, 6un nu hab ekj Vee, Äsels un Schop, Deena un Kjäakjsches. Un nu kom ekj die, mienen Harn, entjäajen un mucht goot oppjenomen woaren.
7Un de Mana kjeemen trigj no Jakob un säden: Wie troffen dienen Brooda Esau, un dee kjemt nu die to trafen. Un hee haft 400 Mana met sikj. 8Dit jeef Jakob een grootet beduaren un hee enjst sikj. Hee deeld siene Menschen un uk siene Schop, sien Vee un siene Kameelen en twee Häaden. 9Hee docht, daut wan Esau de eene Häad traft un dee ombrinjt, dan kaun de aundre Häad flichten.
10Un Jakob bäd: Du, mien Grootvoda Abraham sien Gott, un mien Voda Isaak sien Gott, du, Har, dee du to mie sätst: Go trigj no dien Launt un dien Frintschoft un ekj woa die halpen, #1Mo 31,3.13 11ekj sie nich daut kjlanste beskje von aul daut wieet waut du mie, dienen Deena, en truhoatje Leew un en Metleet jewäsen hast. Ekj haud je mau bloos mienen Stock enne Haunt aus ekj äwa disen Jordan jinkj, un nu hab ekj twee groote Häaden von Vee un Menschen. #2Sam 7,18 12Mien Jebäd es, daut du mie von mienen Brooda Esau siene Macht bewoaren muchst. Ekj hab Angst, daut hee woat komen un ons aula, met Frues un Kjinja toop, ombrinjen. 13Oba du hast vesproaken daut du halpen woascht un miene Nokomen woascht soo väl moaken aus doa Saunt aum Mäa es, daut nich to talen es. #1Mo 28,13-14
14Dee Nacht, aus hee daut Loaga oppjestalt haud, neem hee waut von daut, waut hee metjebrocht haud, aus een Jeschenkj fa sienen Brooda Esau. 15Hee neem 200 Kosen met 20 Bakj, 200 Schop met 20 Bakj, 1630 Malkjkameelen met äare kjliene, 40 Kjieej met tieen Bolles, un 20 Äsel Koblen met 10 Hinjsten von de Äsels. 17Hee stald Deena aun äwa jieda eene von dise Gruppen un bestald aun dee: Got jie veropp, un lot jieda Häad een bät hinja dee gonen, dee ver am es. 18To dee gaunz väaschte säd hee: Wan mien Brooda Esau junt traft, un hee dan frajcht: Wäm jehia jie, wua go jie han, un wäm sien Vee joag jie? 19dan sajcht am: Dit jehieet dienen Deena Jakob un dee sent een Jeschenkj fa sienen Harn, Esau. Hee selfst kjemt ons hinjaraun. 20Hee säd uk daut selwje to dee waut de tweede un de dredde Häaden juagen, un to jieda eenen von de Deena, dee de Häaden von Vee juagen: Jie sellen krakjt daut selwje sajen wan jie Esau trafen, 21un jie sellen onbedinjt sajen: Jakob, dien Deena, kjemt hinja ons. Jakob docht: Veleicht kaun ekj am tofräd stalen met de Jeschenkja, un dan wan hee mie sitt, woat hee mie oppnämen. 22Soo kjeem daut, daut daut Jeschenkj veropp jinkj, un hee noch dee Nacht en sien Zelt bleef.
23Un en dee Nacht neem Jakob uk siene Frues, Kjäakjsches, un siene alw Kjinja äwarem Jabok Riefa. 24Hee neem siene Menschen un aules waut hee haud äwa däm Stroom. 25Un Jakob bleef dee Nacht auleen un een Maun rausseld met am dee Nacht, bat jrod verem Morjenlicht. #(25-29) Hos 12,4-5 26Aus de Maun ensach, daut hee Jakob nich dol kjrieech, schieed hee am aun de Hoft aun, daut am de Hoft biem rauslen vewrekjt. 27De Maun säd: Lot mie gonen. Daut well doagen. Un Jakob säd: Ekj lot die nich gonen, buta du jefst mie eenen Säajen. #Mat 15,22-28 28Un de Maun säd: Woo heetst du? Un hee säd: Jakob. 29Un dan säd hee: Du saust nich mea Jakob heeten. Du saust Israel #32,29 Daut bediet dee waut met Gott sträft ooda Gott sträft heeten, wiels du hast met Gott un met Menschen jesträft un hast jewonnen. #1Mo 35,10; Jer 20,7 30Un Jakob säd to däm: Saj mie doch woo du heetst. Oba jana säd: Wuarom frajchst du no mienen Nomen? Un dan jeef hee am eenen Säajen. #Rech 13,17-18 31Un Jakob nand de Städ, Pnuel, #32,31 Daut bediet Gott sien Jesecht un säd: Ekj hab Gott ver mie jeseenen, un doch es mien Läwen jeschoont. #2Mo 33,20 32Aus de Sonn oppjinkj, jinkj hee von Pnuel, oba hee jinkj lom wäajen siene Hoft. 33Bat dän vondoagschen Dach äten Israeliten nich daut Fleesch von de Hollinj vom Schinkjen, wiels hee Jakob aun de Hoft aunschieed.
നിലവിൽ തിരഞ്ഞെടുത്തിരിക്കുന്നു:
1. Mose 32: PB
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Plautdietsch Bible © 2003 Kindred Productions and United Bible Societies Association, Inc.
