Mattayo 9
9
1Akwesile mchombo, wamjombweche waiche ku musi kwao. 2Na mkulola, wapelechele jua ngao kugona jo mchindanda. Ni Isa achilolaga imani yao, wasalile msiene ngao, mtima wenu uwe ukulungwa, mwanangu, mtiochesywe thambi sienu. 3Ni wakulemba wasasile mmtima mwao, mnajisi aju. 4Nombe nao Isa achilolaga kuganisya kwao, awelechete, kwa chichi mkuganisya gangalumbana mmtima mwenu? 5Yapi ya kwaluka, kuwelecheta mtiochesywe thambi sienu, nambo kuwelecheta, jimani, jimajimani, 6nambo mmanye Mwana wa Adam ni welewo asiene machiri mchilambo kutiochesya thambi? Wasalile jua ngao, jimani, mlitwiche chindanda chenu mjende mnyumba mwenu. 7Atiosile, ajawile mpika ku nyumba kwao. 8Achaonaga wandu wajinji alapile, wajinichile Mulungu watosile machili mpela aga kwa wandu.
9Pe watiosile kwekula Isa wawene mundu jua kutama forthani, wawilasilwe Mattayo. Wasalile, mgagule. Atiosile, wakagwile.
10Yaliji pe wateme pasi mnyumba, waiche mapublikano wajinji ni wajinji asiene thambi, wateme pampepe ni Isa ni wa kwajiganya kwao. 11Mafarisayo pe wawene wasalile wa kwajiganya wao, ligongo liachi mjiganyi wenu alimkulia na mapublikano na asiene thambi? 12Achipilikanaga Isa wasalile, wajumi wangasaka jua mtela nambo wa kulwala. 13Jendani mkalijiganye ligongo lia malowe aga, ngusaka chanasa na muno ngati sadaka; ligongo ngajisa kwawilanga asiene wambone, nambo asiene thambi wasileche.
14Wajisilile wa kwajiganya wa Yohana wasalile, ligongo liachi uweji ni Mafarisayo tukutawa makati ga majinji, nambo wa kwajiganya wenu wangatawa? 15Isa wasalile, asiene kulombela akukombola kulila, awaga ambuje jua kulombela nombe nao? Nambo mowa tigajise patasache kujigalwa nao ambuje jua kulombela, mowa gegala tatawe. 16Ngapagwa mundu jua kutaga chiwisa cha nguo ja mbisi mchitakulo cha chiwisale, ligongo jatajilwe kulipanganya kulijononga chitakulo, ni jipapwiche kupunda kupapuka. 17Na muno wandu ngataga mvinyo ja mbisi mwipende lie wisale, nambo lipende kupapuka ni mvinyo kwasika, lipende liajonasiche, nambo kutaga mvinyo ja mbisi mwipende lie wisi, ni siosepe siwili silimkulama.
18Pe waliji achasalilaga malowe aga, alimkwisa jua mkulungwa jumo, wajinichile, wasalile, mwanache jua mkongwe juangu sambanapano auile, nambo mjisaga mwe mbichile mikono, tapole. 19Watosile Isa wakagwile ni wa kwajiganya wao.
20Ni jua mkongwe waliji achilwalaga ni kutioka miasi yaka likumi kwisa jiwili, waiche pa nyuma pakwe, wakwaiye ukunje wa itakulo yao. 21Ligongo asasile mmtima mwao, naga naukwayaga ukunje wa itakulo yao, timbole. 22Isa wagalowiche, wawene, wasalile, mtima wenu na uwe wa ukulungwa, mwanangu, imani yenu imposisye, ni jua mkongwe waposile kutanda saa jejila. 23Isa pe waiche ku nyumba kwa jua mkulungwa, wawene wa kwalijila ni wandu wajinji achitendaga ungulu, wasalile, 24mtioche, mwanache nganawa, agonile pe. 25Wasechelele. Wandu wajinji pe wamasile kutioka, ajinjile, watosile mkono wao, mwanache wajime. 26Siajenele habari sielesi, chilambo chila chose.
27Nombe nao Isa pe waliji achitiokaga kwekula, watusuche meso wawili wakagwile walisile, wawelechete, mtutendele chanasa, mwe Mwana wa Daud. 28Pe waiche mnyumba watusuche meso wajisile, Isa wasalile, mkwitichisya ngukombola kutenda elee. Wasalile, elo, ambuje. 29Wakwaiye meso gao, achisalaga, kwa chisao cha imani yenu, mkole. 30Meso gao gaonukwiche, Isa walajisye, wasasile, mlolechesye akajamanyilila mundu. 31Nambo watiosile wasasile chilikati cha chilambo chila chose.
32Nombe nao pe wamasile kutioka wapelechele mundu jua ngawelecheta msiene mbepo. 33Wasiwinjile mbepo, juejula jua ngawelecheta jula wawelechete. Walapile wandu wajinji, wawelechete, nganaoneka mnope yelee Misraeli. 34Mafarisayo wasasile, kwa wakulungwa wa mbepo kuwinga mbepo.
35Wasiungwile Isa misi jose ja mikulungwa ni ja minandi, wajiganisye mmasunagogi mwao, watagulile anjili ja uchimwene, waposisye chilwele chose ni kulwala kose, kuli kwa wandu. 36Pe wawene wandu wajinji, watendelele chanasa, ligongo waliji alasile ajasanjiche mpela ngondola wangali wa kuchinga. 37Wasalile wa kwajiganya wao, kuuna kwa kulungwa, ni wa kupanganya masengo wanandi; 38Mweji mwajuje Ambuje wa kuuna, wapeleche wa kupanganya masengo kwa kuuna kwao.
നിലവിൽ തിരഞ്ഞെടുത്തിരിക്കുന്നു:
Mattayo 9: YAO1880
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1880.
