Mattayo 10
10
1Wawilasile wa kwajiganya wao likumi kwisa wawili, wapele machili pe nani pa mbepo wangalumbana, wawinje, ni waposye chilwele chose ni kulwala kose.
2Mena gao mitume likumi kwisa wawili ni agaga; ku ndanda Siman wawilasilwa Petro, na Andrea mpwao; Yakob wa Zebedayo ni Yohana mpwao; 3Filipo ni Bartolomayo, Tomaso ni Mattayo publikano, Yakob wa Alfayo ni Lebayo wawilasilwe Thadayo, 4Siman Kananita ni Yuda Iskariota watosile.
5Isa watumile awa likumi kwisa wawili, walajisye, mwetala mwa makosyo mkasimjenda, na muno ku musi kwa Wasamareita mkasimjinjila; 6jendani kaje kwa ngondola wasochelele wa nyumba ja Israeli. 7Mjendaga mtagulileni, mkasale, uchimwene wa kwiunde uwandichile. 8Mwaposye wa kulwala, mwaponyeni asiene ukoma, mwaukule wauile, wawinje mbepo, mpatile lulele, lulele ni mtole. 9Kasimtola thahabu, na muno ndalama, na muno shaba mmsaku mwenu, na muno kasako ka kanandi ka ulendo, 10na muno mwinjilo jiwili, na muno ilatu, na muno chikongo; ligongo jua kupanganya masengo ngakolusya kukola yakulia yao. 11Ni wose kwinjilamo mmusi, wakulungwa ambi wanache mwausye wani wenemo ni wambone; mtame kumangwao mpika pa timtioche. 12Mchijinjila mnyumba mtola salaam, 13ni nyumba njiwa, salaam jenu jinjile mwenemu, naga ngawa jambone, salaam jenu jaujile. 14Nombe nao wangakaribuchisya mweji, na muno wangagapilikana malowe genu, mtiokaga mnyumba kula ao mmusi kula mkununde luunda lua makongolo mwenu. 15Amin ngwasalila, chilambo cha Sodomani Gomorra tichisolechwe liua lia kupokolanya kupunda we musi ula.
16Mlolechesye, ngwatuma mpela ngondola chilikati cha mbwa sia mwikonde, mwe soni na makalamuko mpela lijoka ni mwangaluma mpela njuwa. 17Mlolechesye kwa wandu, ligongo tiwatole kwa lukumbi ni kwa masunagogi tiwapute. 18Timpelechwe pa ujo pa liwali ni wachimwene kwa ligongo liangu; kwa ushahidi kwao ni kwa makosyo. 19Ni mweji petasache kwatola kasimsosye mganisyaga uli ao malowe gachi timsale, timpelwe saa ila ila timsache kusala; 20ligongo ngati mweji wa kwasalaga, nambo Roho wa Atati wenu itisaleo mwenu.
21Ni mpwao tatole mpwao aue, ni atati atole mwanache; ni wanache tiwatiochele wa kwaweleka kwao waulaje. 22Timchimwe na wandu wose kwa ligongo lia lina liangu, nambo jua tasache kukawa mpika kumala talamwe. 23Pe tawawinjepo pu musi umope mbutuche mpika wune. Amin ngwasalila, ngammalila misi ja Israeli, mpika pa taichepo Mnwana wa Adamu.
24Jua kwajiganya ngapunda mjiganyi, na muno kapolo ngapita ambuje wakwe. 25Ikumjenda jua kwajiganya kuwa mpela mjiganyi juakwe, ni kapolo kuwa mpela ambuje juakwe. Ni waga wawilasile msiene nyumba Beelzebul ngati kupunda wewala wali mnyumba mwao.
26Mkajimwajogopa ligongo pangali lilowe liasisiche liangaunuka; na muno liasisiche liangamanyika. 27Ninasalilaga mchipi, mlisale muusi; ni mlipilikanaga mmawiwi litagulileni pe nani pa nyumba. 28Na muno mkajimwajogopa wa kulagao chiilu ngakombola kuulaga mtima, a heri mwajogope wakukombolao kusochelesya ni chiilu ni mtima mmoto. 29Ngasumanya ijuni iwili kwa lipesa limope? Ni jimope juao ngagwa pasi pangawa ni Atati wenu; 30ni umbo sia mtwe wenu siwalanjiche siose. 31Mkajimjogopa soni, mkusalala mweji kupunda ijuni ia yinji.
32Nombe wose wa kuungama uneji pa ujo pa wandu, none tiwaungama pa ujo pa Atati wangu wali kwiunde. 33Nombe wose wa kunganya pa ujo pa wandu, none tiwakanile pa ujo pa Atati wenu wali kwiunde.
34Mkaganisye nyisile kwisa nayo amani ku chilambo; nganinisya kwisa nayo imani, nambo upanga. 35Nyisile kwachisya mundu ni Atati wao, ni mwanache jua mkongwe ni amao, ni akwegwe ni akwegwao; 36ni wa kuwengana wa mundu tawe wewala wa kutama nao. 37Jua tasacheju Atati ao amao kupunda uneji ngambata. 38Ni juangatola msalaba wao akagwile pa nyuma pangu ngambata. 39Jua kupatajo mtima wao tausochelesye, ni jua kusochelesya mtima wao kwa ligongo liangu, taupate.
40Jua takundejo mweji amgundile uneji, jua tamgunde uneji wakundile wandumileo. 41Jua takundejo nabii kwa lina lia nabii, tapate metulo ja nabii; nombe nao wa kwakunda asiene wambone kwa lina lia wambone, tapate metulo ja asiene wambone; 42nombe nao jua tamwesieju jumo juao wanandi awa chikombe cha mesi ga kusisima pe kwa lina lia wa kwajiganya, amin ngwasalila, ngasiasowa metulo jao.
നിലവിൽ തിരഞ്ഞെടുത്തിരിക്കുന്നു:
Mattayo 10: YAO1880
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1880.
