यूहन्ना 21

येशू सात चेलनके ठिन दिखानो

1तओ पिच्छु येशू, तिबेरियास समुन्दरके ढिँगै चेला ठिन अपनएके प्रकट करी। और जा अइसे भओ: 2सिमोन पत्रुस और दिदुमस कहान बारो थोमा, और गालीलको काना गाउँको नथानेल, और जब्दियाके दुई लौंणा और बाके चेला मैसे दुई जनै औ इकट्ठा रहएं। 3सिमोन पत्रुस बिनसे कही, “मए मछ्री मारन जातहओं।” बे पत्रुससे कहीं, “हम फिर तेरे सँग अएहएं।” जहेमारे बे जाएके नैयाँमे चढिगए, पर बो रातके बे कुछु नाए मार पाइं।

4अग्ले दिन सुबेरे भोरभए येशू समुन्दर किनारे ठाणो। तहुँफिर चेला नाए चिन पाइं कि जा येशू हए। 5तओ येशू बिनसे कही, “मेरे प्यारे लौंणा, का तुमर ठिन कुछ खानके ताहीं हए?” बे जबाफ दइके कहीं, “नाए हए।” 6येशू बिनसे कही, “नैयाँके दहिना घेन जार फेँकओ, तओ तुम मच्छ्री पाबैगे।” येशूको कहो भओ ठाउँमे बे जार फेँकीं। तओ मछ्री इत्नो पणिगए, कि बे जारए नाए तानचिके। 7जहेमारे जा देखके येशूके प्रेम करन बारो चेला पत्रुससे कही, “जा त प्रभु हए।” जब सिमोन पत्रुस जा सुनी कि “बा प्रभु हए,” तओ बो अपन बाहिरी कुर्ता पैँधलै जो बो काम करत पेती उतारदइ रहए, और समुन्दरके पानीमे कुदपणो। 8और चेला नैयाँमे चढके मछ्री भरो जारके तानके किनारे लाइं। बे किनारेसे जद्धा दुर नाए रहएं, लगभग सओ मिटरके दुरीमे रहएं।

9जब बे किनारेमे उत्रे, तओ बे कुइलाको अंग्रा और बो उपर मछ्री और रोटी देखी। 10येशू बिनसे कही, “जो माछ्री तुम अभए पकणे हओ, उन मैसे कुछ लाओ।” 11तओ सिमोन पत्रुस नैयाँमे चढाके एक सओ त्रिपन्न बणी-बणी मछ्री भरी जार किनारे ल्याइ, और इतना माछ्री रहए, तहुँफिर जार नाए फटि। 12येशू बिनसे “खानके आओ!” कहिके बुलाइ। बहेबेरा कोइ फिर चेला “तुम कौन हओ?” कहिके येशूसे पुँछनके हिम्मत नाए करी। बे चिनगए रहएं कि बा प्रभुए हए करके। 13येशू आगीके ढिँगै जाएके रोटी लैके बिनके दइ, और उइसी करके मछ्री फिर दइ।

14जा तिस्रो चोटी रहए, कि येशू मरो भओ मैसे जिन्दा हुइके चेलनके ठिन देखा पणो।

पत्रुसके येशूको अन्तिम हुकुम

15खानु खाएके येशू सिमोन पत्रुससे पुँछी, “ए सिमोन, यूहन्नाको लौंणा, का तए सचमे जे दुस्रेनसे जद्धा मोके प्रेम करत हए?” बो येशूसे कही, “हाँ प्रभु, तुम त जानतए हओ, कि मए तुमसे प्रेम करत हओं।” येशू बोसे कही, “मिर भेंणनके रेखदेख कर।”

16येशू फिरके दुबारा बोसे पुँछी, “ए सिमोन, यूहन्नाको लौंणा, का तए मोके प्रेम करत हए?” पत्रुस येशूसे कही, “हाँ प्रभु, तुम जान्तए हओ, कि मए तुमसे प्रेम करत हओं।” येशू बोसे कही, “मिर भेंणनके रेखदेख कर।”

17येशू फिर बासे तिसरो चोटी कही, “ए सिमोन, यूहन्नाको लौंणा, का तुम मोके प्रेम करत हओ।” पत्रुस दुखित हुइगओ, काहेकी बा तिसरो चोटी फिर बोसे अइसे पुँछी, “का तुम मोके प्रेम करत हओ?” और बो बासे कही, “हे प्रभु, तुम सब कुछ जानत हओ कि मए तुमसे प्रेम करत हओं।” येशू बोसे कही, “मिर भेंणनके रेखदेख कर। 18नेहात्तओ मए तुमसे कहात हओं, जब तए जवान रहए, तओ अपन करेहाँओँमे फेटा बाँधत रहए, और जहाँ इच्छा लागत रहए हुनै जात रहए। पर जब तए बुढो हुइजएहए, तओ तए अपन हातके फैलाबैगो और कोइ औ तोके बाँध लेहए तओ तोके हुवाँ लैजाबैगो जहाँ तए नाए जानके चाहैगो।” 19येशू जा बात बतानके ताहीं कही, कि पत्रुस कैसे मरैगो और परमेश्वरकी महिमा करैगो; और इतका कहिके बोसे कही, “मिर चेला बननके ताहीं मिर पिच्छु लागो रहो।”

येशू और बाको प्यारो चेला

20पत्रुस पिच्छु घुमके, बो चेलाके पिच्छुसे आत देखी जौन येशूके प्रेम करत रहए, और जो खानु खान पेती येशूके ढिँगै बैठो रहए और बो झुकके पुँछी, “हे प्रभु, तुमके पकणान बारो कौन हए?” 21बोके देखके पत्रुस येशूसे कही, “हे प्रभु, जाके सँग का हाल होबैगो?” 22येशू पत्रुससे कही, “अगर मए चाँहत हओ, कि जा मेरे लौटन तक जिन्दा रहाबए, तओ तोए का होतहए? तए मिर चेला बनो रहो।”

23जहेमारे जा बात बिश्वासी ददाभइयनमे फैलीगओ, कि बो दुस्रो चेला नाए मरैगो। तहुँफिर येशू बोसे जा नाए कही रहए, कि जा नाए मरैगो, बल्कि जा कही रहए, “अगर मए चाँहत हओ, कि जा मेरे लौटन तक जिन्दा रहाबए, तओ तोए का?”

समाप्ति

24यूहन्ना बहे चेला हए जौन जे सब देखी, और गवाही दइ हए। और जौन आदमी जे बातके लिखी हए और हम जान्त हएं, कि बोकी गवाही सच्ची हए।

25येशू औ फिर बहुत काम करीहए। अगर बे सब संसारको उत्पत्तिके बारेमे एक-एक करके लिखोजैतो कहेसे लिखे भओ, किताब सारा संसारमे फिर नाए अपैतो।

നിലവിൽ തിരഞ്ഞെടുത്തിരിക്കുന്നു:

यूहन्ना 21: THRNT

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.

राना थारु नयाँ नियम നെക്കുറിച്ച് കൂടുതലറിയുക