यूहन्ना 21-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

खानु खाएके येशू सिमोन पत्रुससे पुँछी, “ए सिमोन, यूहन्नाको लौंणा, का तए सचमे जे दुस्रेनसे जद्धा मोके प्रेम करत हए?” बो येशूसे कही, “हाँ प्रभु, तुम त जानतए हओ, कि मए तुमसे प्रेम करत हओं।” येशू बोसे कही, “मिर भेंणनके रेखदेख कर।” येशू फिरके दुबारा बोसे पुँछी, “ए सिमोन, यूहन्नाको लौंणा, का तए मोके प्रेम करत हए?” पत्रुस येशूसे कही, “हाँ प्रभु, तुम जान्तए हओ, कि मए तुमसे प्रेम करत हओं।” येशू बोसे कही, “मिर भेंणनके रेखदेख कर।” येशू फिर बासे तिसरो चोटी कही, “ए सिमोन, यूहन्नाको लौंणा, का तुम मोके प्रेम करत हओ।” पत्रुस दुखित हुइगओ, काहेकी बा तिसरो चोटी फिर बोसे अइसे पुँछी, “का तुम मोके प्रेम करत हओ?” और बो बासे कही, “हे प्रभु, तुम सब कुछ जानत हओ कि मए तुमसे प्रेम करत हओं।” येशू बोसे कही, “मिर भेंणनके रेखदेख कर।

नेहात्तओ मए तुमसे कहात हओं, जब तए जवान रहए, तओ अपन करेहाँओँमे फेटा बाँधत रहए, और जहाँ इच्छा लागत रहए हुनै जात रहए। पर जब तए बुढो हुइजएहए, तओ तए अपन हातके फैलाबैगो और कोइ औ तोके बाँध लेहए तओ तोके हुवाँ लैजाबैगो जहाँ तए नाए जानके चाहैगो।”

येशू बिनसे कही, “नैयाँके दहिना घेन जार फेँकओ, तओ तुम मच्छ्री पाबैगे।” येशूको कहो भओ ठाउँमे बे जार फेँकीं। तओ मछ्री इत्नो पणिगए, कि बे जारए नाए तानचिके।

सिमोन पत्रुस बिनसे कही, “मए मछ्री मारन जातहओं।” बे पत्रुससे कहीं, “हम फिर तेरे सँग अएहएं।” जहेमारे बे जाएके नैयाँमे चढिगए, पर बो रातके बे कुछु नाए मार पाइं।