Wenía 2
2
1Aská akĩ naí shavá, mai shavá aká ãwẽ aweyakĩ shovimakĩ mashteki. 2Anosho 7 shavánamã teneki. 3Aská ashõ aaivo shavánamãsevi “anõ eséyati”, ikĩ chinãsho vana roapa ivo netãsho eneki. Awesáma, naaivo shaváro katsése shovimakĩ mashtevai anõ ãwẽ teneti.
Yora askái shoviti ikĩ yoã
4Naaivo yoã vanaro, wenía yoã, naí askái shoviti ikí, mai askái shoviti ikí aká ivo yoã. Aatiã, mai, naí aká shovimatiãro Yavé ivo Yovepa 5oi imama, yora piti vanaya yama akátõsho, piti vaná yama, nii akárasĩ yama aká. 6Askásho mai okeshose niskã tachiinainaki mai metxá apawa. 7Askánamãsho Yavé ivo Yovepa, maĩsho vene shovimashõ wenímakĩ. Aská avaikĩ ãwẽ rekĩnamã veshõ akĩ chinã vimaki. Ãwẽ aská aká vene ãwẽ chinãyai weníi.
8Askávai txipo wai “Eden” atõ aká ivo vari oákiri shovimashõ, vene ãwẽ wenímaa ivo anõ nitxĩki. 9Nitxĩvaíki iwi õsi õsipakĩ shokõki, wetsarasĩro yoíkavo, wetsarasĩro piá ivorasĩ aká. Aaivo wai matxi, vimi ravévakĩ nakika shokõki, wetsaro awetima akaya vimi, vimi wetsaro, roapatõ yosĩyase, ichnárasĩni yosĩyase aká ivo.
10Aaivo wai Edennamã anõ vanárasĩ vestẽa waka revo vosoa, aaivo enépakéro, waka 4 ashá asháa. 11Txitákairo waka ãwẽ ane Pisom, aaivoro Havilá mainamã tapia, machi siro ouroyãwa ivonamã. 12Aaivo mainamã mai siro ichnámavo, askánamã karovi pae keská, bdélio ivo aya, shasho ichnáma onix ivo aya aká. 13Waka wetsaro Giom, aaivoro Cuxe mainamã tapia. 14Askámaĩnõ, waka wetsa ivoro Tigre, aaivoro Assíria mainamã vari oátõ tapia. Askámaĩnõ waka wetsaro Eufrates aká.
15Aská ashõ Yavé ivo Yovepa vene Eden wainamã vesomashõ nitxĩki, piti ave merámanõ iinã. 16Askávai aa vene tanamakĩ. “Vimirasĩ katsése mĩ piá roase, 17askámaĩnõ vimi, roapa ãwẽ yosĩyase, ichnárasĩ ãwẽ yosĩyase aká ivoro piroa. Awesáma, aaivo mĩ piáro, mia vopikatsa”, akĩ.
18Askávai txipo, “vene arí niá anõmase ẽ oĩa, ãwẽ avé niti aa keská ivo ashõnõ”, ikí. 19-20Aská akĩ, katseki maĩ yoinavorasĩ, yoini peiyavorasĩ aká shovimashõ, ave ane netãpakenõ iinã Adão kawivarãshokĩ. Aská akĩ ãwẽ kawivarãshomaĩnõ, yoinikã anerasĩ netãpakéki, iná aká, yoini peiyavo, nĩi yoinavo aatíi. Askámẽkĩ, ãwẽ avé niti yama. 21Askáinã, Yavé ivo Yovepa Adão oshá naíka imavaíki, oshai ãwẽ rakámaĩnõ, ãwẽ pichi wetsa tsekãkãvaíki namĩ vestoki. 22Aská ashõ ãwẽ pichi wetsa ãwẽ tsekãkãa ivõ aĩvo shovimashõvaíki vene ewevaĩshoki. 23Aská oĩinã Adão vanai. “Naaro ẽ shaõsho wenía, ẽ namĩsho wenía aká. ‘Aĩvo’#2.23 Hebraicõ vanaro “aĩvo” ikíro “Issa”, “vene” ikíro “Is” akĩ anenõ. Awesáma, enõsho shoviasho ẽ ikí”, ikí.
24Askásho, vene, aĩyashõ ãwẽ papa, ãwẽ ewa aká enekésho ãwẽ aĩnĩ yora westíse keskámtsãwa. 25Askái vene ãwẽ aĩ aká, ravé txĩto, ravĩi tanaimai shokovo.
നിലവിൽ തിരഞ്ഞെടുത്തിരിക്കുന്നു:
Wenía 2: YKV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Active: © Wycliffe Bible Translators, Inc. All rights reserved
