MATHAI 3
3
Baptisma Paekkung Johan Lokthuihhaih
(Mrk 1:1-8; Luk 3:1-8; Jhn 1:19-28)
1Tona tue ah Baptisma paekkung Johan loa tacawt moa Judea prae praetanghaeng#3:1 Praetanghaeng tihae praeparak tiaibaloa tawparak tiaibaloa savuet taw tiah doeh thuih thaih. ah phak moa tamthang lok thuih amtong. 2“Van Poenghaih loa a hnaih boah pongtoah zaehaih dawnpakhuem o lai ah,” tiah a thuih.#Mat 4:17; Mrk 1:15 3Tahma Isaiah mah,
“Kami longto loa praetanghaeng ah a hangh,
‘Angraeng hanih lam tuh oh,
A caehhaih han lam to
patoeng oh,’ a tih,”
tiah a thuihkoehhaih loa Johan hae ni.#Isa 40:3
4Johan ih hniikhuk loa kala-uk amui hoiah akongh ih ni; a kaengah moihin kaengkaeh to angzaeng moa anih ih buh loa pakhu cangkhrong hoi khoitui ni.#2 Sang 1:8 5Anih khaeah Jerusalem vangpui banghoi, Judea prae bum vang kruek banghoi, Jordan tuiva taenghaek prae boih bang hoitoah kaminawk to angzoh o. 6Angmahcae zaehaih ih to taphong o moa Jordan tuiva ah to baptisma a paek.
7Johan mah Farasi kaminawk hoi Sadusi kaminawk to anih khaeah baptisma hak hanah kangzo o to a hnuk na-ah, “Pahui kangpraengnawk, ka pha hankoi Sithaw danpaekhaih thung hoitoah na loih thaih tih, tiah amimah maw na thui? #Mat 12:34; 23:33 8Na zaehaih na dawnpakhuem o to tuinuenh hoiah amtuengsak oah. 9‘Abraham loa cunkung saeza ni,’ tiah thuihhaih hoiah raekhaih to ka loih o tih, tito dawn o hmah. Sithaw mah hi hlungnawk hae Abraham catawn ah a sak thaih.#Jhn 8:33 10Thingkung pakhruk hanah takung ah saka patoem roeh boah. Athaih kahoih ka thaii ai thingkung boih loa pakhruh ueloa hmai ah thum tih.#Mat 7:19 11Nangcae zaehaih dawnpakhuem o boah tito panoek hanah kaimah loa tui hoi baptisma kang paek o, to-e kai hnuk ih kangzo han kami mah loa Cai Pakhra hoi hmai hoiah na paek o tih. Anih loa kai ponghdoeh katingai a lenh aep; anih ih khokbuen ka sinh han boe doeh kamcuk ai. 12A ban hoiah cang hawhhaih paqa to a sinh moa cang loa haw boih tih. Cangtak to loa sapai thungah haeng ueloa canghii to loa kamrim thai ai hmai kabae thungah va tih,” tiah a naa.
Jesuh Baptisma Hakhaih
(Mrk 1:9-11; Luk 3:21-22)
13Tona tue ah Jesuh loa Galili hoitoah Jordan tuiva ah Johan khaeih baptisma hak hanah angzoh. 14To-e Johan mah angmak pae, “Kai bae loa nangmah baptisma paek han ka om loa, nangmah to kai khaeah nangzoh lat?” tiah a naa pae.
15Tocadoeh Jesuh mah, “Vaihi loa hitiah sak ah om rae soe. Kawmawtiah Sithaw mah sak han a kuek ih loa hitiah sak king han oh,” tiah pathim pae. Topongah Johan mah doeh paroi pae.
16Jesuh loa baptisma a hak pacoeng rumhoi tui thung hoi-ih a tacawt. Tona-ah van to am-ong moa Sithaw ih Pakhra to pahuu batiah ka zawk tathuk moa a nuiah ka cuk to a hnuk. 17Topacoengah van bang hoitoah lok maeto mah, “Hi loa ka palung duek ih ka Capa ni, Anih nuiah palung kanghoe parai,” tiah a thuih.#Gen 22:2; Sam 2:7; Isa 42:1; Mat 12:18; 17:5; Mrk 1:11; Luk 9:35
നിലവിൽ തിരഞ്ഞെടുത്തിരിക്കുന്നു:
MATHAI 3: AKNT2023
ഹൈലൈറ്റ് ചെയ്യുക
പങ്ക് വെക്കു
പകർത്തുക
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fml.png&w=128&q=75)
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Asang Khongso New Testament in Eastern Khumi © Bible Society of Myanmar, 2023.