युहन्ना 10

गुवाल्यु अने मेंडाआ दृष्टांत

1आय तुमाहा खोरोज-खोरोज कोहो का जो कोडू मेंडवाडाआ बाआड़ने जाता दीहरी वोलरोत चोढीत जातलू तो चोर अने लुटारू होय. 2पोन जो बाअणामोरोत विसमे जात्लू तो मेंडाआ गुवाल्यु होय. 3त्यांकोअता राखवालदार बायणो उगडवित्लू अने मेंढे तिया आवाज होमलित्ले तो मेंढराना नाव घेऊन हादत्लू अने तियाहा बारथे लेत जात्लू. 4तो आपाआ आखे मेडांहा जांहा बारथे काडत्लू तेहलाम तियाआ आगाडी-आगाडी तो चालीलो अने तियाआ मेंढे तियाआ फासाडी-फासाडी चालते रोतेहे काहाके ते तिया आवाज ओलखीत. 5मेंढे कोडनीबि अनोळखाती नाहा ला पालीत तियाआ अनुसरण कोईत नाहा ते त्यापोरोत सेटे जातेहे काहाके ते तियाअ ओलखाळनाहा आवाज उलखित्लू नाहा. 6येशु तियाहा ओ दाखलू आप्यू पण ते होम्जीलो सेकेले नाहा का येशु कि कोयु होय.

येशु हाजु गुवाल्यु होय

7यापो येशु तियाहा फासी कोइतलु, आय तुमामे खोरो कोयु होय का मेंढाकोअता बाअणो आय होय. 8ते आखे माआ पेल्योओ आव्ये ओते, ते सूर अने डाखू ओते परंतु मेंढावाही तियाआ होमल्यु नाहा. 9आय बाअणो होय अने जो कोडु मारोत प्रवेश कोअत्लू ताहा तियाआ उद्धार जोडे अने जागे तार आवे अने बारथे जाइअलो अने तियाहा खाआलाकाजे जोडीत. 10सूर आवत्लू तो-तो फक्त चोरी, खून अने नाश कोइला कोअता आवत्लू परंतु आय याकोअता आवयू होय का मांहोहो जाअखो जीवोन जोडे. 11“हाजू सारणारू आय होय, हाजू सारणारू आपाआ मेंढाकोअता जीव आपुहू शकतो”, 12पोन पाडाआ मजदूर तो सारणारू नाहा अने मेंढे तियाआ स्वतःआ कायनाओत जांहा कोयु आवत्लू तो तियाहा पालीत नाहीत जात्लू अने लांडगा मेढापो उडी टाकीत तियाहा दाणादाण कोअत्लू. 13काम कोअनारे नाहीत जात्लू काहाके तो काम कोनारीइ होय काहाके तियाहा मेंढाआ कालजी कायना ओतो 14हाजू गुवाल्यू आय होय आपाआ मेडांहा आय ओलखीत्लू अने माआ मेंढे माहु ओलखीत. 15तेहलूज ओलखीत जेहलो परम बाह्हू माहु ओलखीत्लू अने आय परम बाह्हाहा ओलखीत्लू माआ मेंढाकोअता आय जीव आपोहो. 16माआ फासी मेंढे होय जी मेंडा गोठाम नाहा माहु तियाहा पण घेऊन आवजी होय ते पण माआ वांणी होमीजीलो अने आव गोठाम आविलो एक उवे फासाडी आखाआ एकुच सारणारू होय. 17परम बाह्हू माहु याकोअता प्रेम कोअत्लू का आय आपाआ जीव आपोहो आय आपाआ जीव आपोहो याकोअता का आय तियाहा फासी-फासी लेऊ शकतो ओ मापोरोत कोडु लेऊ शकत नाहा. 18पोन आय स्वतः माआ इच्छावाहि आपित होय तो माहु आपलो अधिकार होय ऐ आज्ञा माहु माआ परम बाह्हू त्यापोरोत मिल्यू होय. 19याआ शब्दापोरोत यहुदी अधिकारी माय एक फासी फुट पोड्यी 20वारुज कोहू लागाडीत ओ गांडू ओवयू होय यामे दुष्टात्मा लेतजा वास कोअयु होय तुमु ह्याआ काहा एकता? 21किबी दिहरे मांहे कोयु, ओ शब्द एगदा एहलो मांहाआ ओवुहू शकत नाहा का ज्याहा दुष्टात्मा वास कोल्यु होय खरोज ए कोडु दुष्टात्मा लागल्यो कोडु आन्दालाहा डोआं आपुहू शकत नाहा.

यहूदीई अविश्वास

22फासाडी यरूशलेमरोत फासो स्थापिला तिवार आवयू ओतु अने तेदीही हियालामे ओते. 23येशु मंदिरोम सुलैमान देवडीपाही फिरीत ओतु. 24तेहलाम यहुदी अधिकार्यांवाही तियाहा कोंडीत अने कोयु, “तू आमाहा कोयोजा संशयामे पोअनारू, जर तू ख्रिस्त होय ताहा आमाहा उघड कोआ.” 25येशु उत्तर आप्लु, “आय तुमामे कोयु होय अने विश्वास कोईत नाहा जे काम आय माआ बाह्हाआ नावामेहे कोअत्लू यामे तो स्वता साक्षी होय.” 26पोन तुमु मांहे विश्वास कोईत नाहा काहाके तुमु माआ मेंढावालामरोत नाहा. 27माआ मेंढे माआ आवाज ओलखीत अने आय तियाहा ओलखीत ते माआ फासाडी आवत्ले, 28आय तियाहा अनंत जीवोन आपोहो तियाआ केधीज नाश उवे नाहा अने कोडु तियाहा मापोरोत मागित लेऊ शकत नाहा. 29माहु तियापो हक्क आपणारो माआ परम बाह्हू आखाप रोत महान होय माआ बाह्हाप रोत तियाहा कोडु बुअसित शकत नाहा. 30माआ बाह्हू अने आय एक होय. 31फासाडी यहुदी अधिकार्यांवाही येशुहू देउलाकोअता डोणो विसित. 32येशु लेतजा तियाहा कोयु, बाह्हाप रोत आय तुमामे अनेक हाजो काम देखाडीलाआ होय तीयामरोत कोडला कामा कोअता तुमु माहु डोणो देही होय? 33यहुदी अधिकार्यांवाही उत्तर आप्लु, आमाहा ताहु कोडनीबि हाजा कामा कोअता डोणो वांहि देत कोईत नाहा ताहा यकोअता कोअनारू होय का तू परमेश्वरोओ निंदा कोईत होय अने तू फक्त एक मांहु होय, स्वतःहा परमेश्वर घोषित कोईत होय. 34येशु तियाहा उत्तर आप्लु, नाहाकोत ओ तुमाआ नियमांमे लेखिलो नाहा का, आय कोयु का तुमु आखे ईश्वर होय? 35नाहाकोत ईश्वर इंही तियाआ माहुंहु कोयु नाहा ज्याहा परम बाह्हाआ संदेश मिल्यू होय? अने धर्म शास्त्राआ भंग कोअयु जाऊ शकत नाहा. 36नाहाकोत ओ तुमु तियाआ कोअता पवित्र कोयु होय ज्याहा माआ निंदा बाह्हू स्वतःहा याआ जगात मोक्ल्यीत होय फक्त याकोअता का कोयु आय परमेश्वरोओ पोऱ्या होय 37जर आय माआ बाहाआ काम कोईत नाहा ताहा माआ विश्वास कोअहू नाहा. 38पोन जर आय माआ बाहाआ काम कोईत होय ताहा जर तुमु मापो विश्वास कोईत नाहा ताहा तियाअ कार्यापो ए विश्वास को ज्यापो तुमु ओ अनुभव कोहू सेकेहे अने ओलखुहू शकहू का माआ बाह्हू मामेह होय अने माआ बाह्हामे आय होय. 39योपो यहुदियाआ तियाहा कैदी बोनाडीला कोअता एकवा फासी प्रयत्न कोअयु पोन येशु तियाआ आथे निहित गोल्यो. 40येशु फासाडी यरदोन नदीच्या तिवोल तियाअ जाग्तली जातलू गोल्यो जीही पालील्यो योहान बाप्तिस्मे आपित ओतु येशु तीही उबलु 41जास्तीज मांहे तियापो आव्ये अने तियाहा कोयु, योहान लेतजा जाखो आश्चर्य काम कोअयी नाहा परंतु याआ माहुबारामे योहान लेतजा जे कोयु ओते ते आखे खोरोज निकलीलू. 42फासाडी त्याजागे जास्तीज माहु येशुपो विश्वास कोअयु.

നിലവിൽ തിരഞ്ഞെടുത്തിരിക്കുന്നു:

युहन्ना 10: NOINT

ഹൈലൈറ്റ് ചെയ്യുക

പങ്ക് വെക്കു

പകർത്തുക