लूका 10

सत्तर चेलाकूके कुकूल

1इनी बातो गा बादोन प्रभु यीशु नी सत्तर चेलाकूके कालाम्केकू एठा जो-जो पुरान एठा जगा लिंजेन, येटेन डीचनी सेने गा योजना आरुके डा। देटेन दिकुके बरी - बरी खिंजटे हेजा सम्मान कुल्केकु। 2एठा डीचनी दिकुके मंडीके, आनाजो खिटी घोनेच होय, पेनो मुंजीरीकु थोळाकु का होय, इनिघल्जी खिटी गा स्वामी टे बिनती डायेकी कि देटेन हेजा खिटीन कामय दडा घल्जी मुंजरीकूके कुलकू। 3सेने; डोगे इंज आपेके मेंडाकू रोंगो डोंगोरा सिटाकु तलननी कुल्कोम्बा! 4इनिघल्जी न पाकीट, न झोरा, न बुट्टा सायोम; एठा न कोरा गा जेकाकेका नमस्कार केच? 5जो तुनी काभी उरा गेन सेने, पेला मांडे, कि इनी उरा लिंजेन कल्याण डायु, 6अगर देटेन जेका काल्यान गा लायको होंगा मेटे अमागा आशीर्वाद दिया लिंजेन रुकातिंजूबा, बान तो आपेगा आशीर्वाद हिराबा। 7दियागा पाओना आरुका थंदळे। एठा जो चोचकाभी दिकुटे घाटाएन डीका जोमे, चोयाकी मुंजरीकून इकुगा मुंजरी घाटायु होना उरा-उरा बाकी हिंदळी, 8एठा जो पुरान ओले, एठा देटे गा कुरकू आमके मनेन कोम्बा, मेटे अदा अमा सम्मान डोएबा डीका जोमे! 9डेटेगा बेमारी कु के साजाकु एठा दिकुके मांडे, “परमेश्वर गा राज्य आपेगा मेरान हेन होय।” 10पेनो जो पुरान सेने, एठा जब डेगा कुरकू आमके मनेन कोम बाने, मेटे डी पूरा गा हाटीन सेने डो मांडे, 11आलेगा पूरा गा धुल्ला भी, जो आलेगा नंगान घैय्ये होय, आले आपे सम्मान कुठाकीबा होय, एठाभी इनी मालूम्जाकी, कि परमेश्वर गा राज्य आपेगा मेरान हेन होय? 12इंज आपेके मंडीवाकी, डी दिन डी पूरा गा हाल टे सदोम गा हाल सेसेन लायको होंगा।

मन बन इखाट मिंकू लिंजेन धिक्कार

13धिक्कार होय आम लिंजेन खुराजीन शहर! धिक्कार होय आम लिंजेन बैतसैदा शहर! जो अचम्बो कामय आमेननी डाके, अगर दिकु सोर एठा सैदा शहरेन डाके टासो, मेटे देटेन कासु आंगी उरीटे कापरेन होप येंडाटे पेलाका पश्चाताप डाके धारे। 14पेनो न्याय गा दिन आपेगा हाल टे सोर एठा सैदा शहर गा हाल सेसेन लायको होंगा, 15एठा हे कफरनहूम शहर, चोच आपे स्वर्ग टाएन ऊचाऊबा मेना? आमनी पातल टाएन इटान बोचोगुवा। 16जो आपेगा आजोम्बा होय, देटेन इंजगा आजोम्बा होय “जो आपेके बेकार मेंबा होय, देटेन इंज्के बेकार मेंबा होय। एठा जो इंज्के बेकार मेंबा होय, देटेन इंजा कुकूल मिंकूके, बेकार मेन्बा होय।”

सत्तर चेलाकू गा डाबोलटे हेजे

17दिकु सत्तर चेलाकू हेंडो खुशीटे मंडी लज्जे, “हे प्रभु, भूतोकु भी आलेगा बातो मनातिंजे जब आलेनी दिकुके अमा जीमू टे हुकूम जीके।” 18यीशु नी दिकुटे मंडीके, “जब भूतोकुनी आपे बातो मनातिंजे, मेटे इंज्नी शैतान के अचानक स्वर्ग टे बिजली बोचो रोंगो बोचोटे डोकेनेच। 19इंज्नी आपेके बिंजकु एठा किडींजकु कुकाचलातिंज गा एठा दुश्मान गा सेबाई शक्ती लिंजेन हाक जीके होय। एठा तुनिका चीजो टे चोचका हानि बान डाऊ। 20पेनो खुशी बाकी ममानातिंज भूतोकु आपेगा हुकूम आजोम्बा होय। पेनो इनिघल्जी खुशी मनातिंजे कि आपेगा जीमू स्वर्गेन ओल्के होय।”

कोण द्वारा बाटे के ओट

21डीका टेमोन यीशु नी पवित्र आत्मा गेन खुशीटे भेटटेन एठा मंडीके, हे स्वर्ग बाटे बदळा एठा पृथ्वी गा प्रभु, इंज अमागा धन्यवाद डाएवा मेना, कि आमनी इनी बातो के ज्ञानी एठा सामझदार कुरकू टे उखुटे डोके, एठा जो कुरकू आनपाळ कुरकू गा रोंगो होय दिकु लिंजेन ओटके होय। सच्चो होय स्वर्ग बाटे, चोयाकी आमेन इनिका अच्छा लगातिंजे। 22इंजा स्वर्ग बाटे गा वोजीटे इंज्के सेबाई सोपातिंज्के होय। स्वर्ग बाटे गा आलवा जेका कोण के बान हाडाई एठा न जेका स्वर्ग बाटे के हाडाई होय, एठा बस कोण एठा इनिजगा अलावा कोण अदा कास कुरकू के स्वर्ग बाटे बारेन गघाल चाहतावा। 23एठा चेलाकू कोनेन इखाट मन टे मंडीके, धन्य होय डी मेट, जो इनी बातो जो आपे दोडोवा मेना दोडोवा होय। 24चोयाकी इंज आपेटे साच्चो मंडीवाकी, कि घोनेच्का परमेश्वर गा कोनेटे मंडीमिठाच एठा राजाकु मंडीके, देटेन कि जो मंडी आपे दोडोवा होय, डी डोगे पेनो बान डूगु, एठा जो मंडी आपे आजुम्बा, दिकु आजुमे पेनो दिकु बान आजुमडूका

म्या अच्छा सामरी गा उदाहरण

25म्या दिन जब यीशु कुरकू के शिक्षा जिऊ लक्के डा, म्या मूसा गा नियम गा गुरूजी बिटजे इनी मंडीटे दियागा अंदाजो दडा लज्जे, “हे कास गुरु हमेशा गा जीवन घाटाऊ घल्जी इंज चोच डाए?” 26यीशु नी डीचके मंडीके, मूसा गा नियम गेन चोच ओल्के होय? आम डीके चोथान समझातिंजेवा होय? 27डीचनी जवाब जीके, “आम प्रभु आमगा परमेश्वर टे अमा सेबाई मन एठा अमा सेबाई जान एठा अमा सेबाई शक्ती एठा अमा दिमाग गा सेंग्गोन प्यार डोए। एठा अमा मेराकुटे अमा रोंगो प्यार डोए।” 28यीशु नी दियाटे मंडीके, “आमनी सही जवाब जीके, येनोगोका डाए, मेटे आमेन हमेशा गा जीवन घाटाऊवा।” 29पेनो डीचनी हेजा कामय के साही ठहरातिंजू घल्जी यीशु टे कोम्बराके, “मेटे इंजा मेराकू जे होय?” 30यीशु नी म्या कहानी गा द्वारा जवाब जीके, “म्या कोरो यरूशलेम शहर टे यरीहो शहर गेन चेल्के डा, डाकु कुनी दिया लिंजेन हामला डाके दियागा कपळे एठा हरेक चीजो दियाटे रुटिये। मुंडा-मुंडाटे डीचके बेवसोका आराटे ओले।” 31डाबोलटे येनोगो डायेन, डीका कोरा टे म्या यहूदी याजक चेल्के डा, पेनो डीचके धोटे बिना मदत डाका बना ओले। 32इनिका रिती रोंगो लेवी जाटो गेन टे म्या लेवी (मंदिर गेन कामय दडामिठाच) डी जगान हेन, एठा देटेन भी बिना दियागा मदत डाका बना ओले। 33पेनो सामरी कुरकू ईरिया म्या कोरो येटेन घायाल्के डा देटेन हेन एठा डीचके धोटे आस्वान हेन। 34एठा दियागा मेरान हेंडो डीचनी दियागा गाए लिंजेन जैतून सुनूम एठा अंगूर रेस्सो येंडाके एठा डाबोलटे दियागा गाए गेन पट्टीनौर टोलके एठा हेजा सवारी लिंजेन पेळेचटे धर्मशाला गेन सईय्येनेच एठा दियागा सेवा डाके। 35दूसरा दिन जब डीच सेने गेन डा, मेटे डीचनी बरी दिनार (बरी दिन गा मुंजीरी) कोलाटे धर्मशाला गा मलिको के जीके एठा मंडीके, “इनिजगा सेवा डाए एठा जो चोचकाभी आमगा येठाभी घाऊवा देटेन इंज हिराकेन बादोन जेबा।” 36“मेटे यीशु नी दियाटे कोम्बराके, दिया लिंजेन डाकु कु द्वारा हामला डाके डा, जो डी कोरा टे चेल्के डा दिकु तलाटे दिया मेराकू जे ठहरातिंज्के?” 37डीचनी मंडीके, “दियाका दियागा लिंजेन दया हेन।” यीशु नी डीचके मंडीके, “सेने आम भी येनोगोका डाए।”

मार्था एठा मरियम

38यीशु एठा दियागा चेलाकू म्या सेंग्गोन सेंदरा लक्के डा एठा दिकु म्या गाँवेन आदिरजे। जब दिकु देटेन आदिरजे, मेटे मार्था जीमू म्या जापाएनी हेजा गा उरान दिकुगा स्वागत डाके। 39दियागा म्या बोकजाई टे डा दियागा जीमू मरियम डा। देटेन प्रभु गा नंगानौर गा मेरान सुबन टे दियागा शिक्षानौर के आजोम डा। 40पेनो मार्था आटा होंदार-होंदार चिंता लज्जे एठा यीशु गा मेरान हेंडो मंडी लज्जे, “हे गुरु, चोच आमेन म्या भी चिन्ता बाने, कि इंजा बोकजाई इंज्के सेबाई कामय दडा गा घल्जी एकलाका आराकेमी होय? इनिघल्जी डीचके इंजा मदत दडा घल्जी मंडीकी।” 41यीशु डीचके जवाब जीके, “हे मार्था, मार्था, आम घोनेच बातो घल्जी चिंतावा होय एठा घबरातिंजूवा होय। 42पेनो म्याका बातो जरुरी होय, मरियम नी डी बातो के चिनाये होय, एठा इनी बातो के दियाटे लेंक्कीन डाए बाने।”

നിലവിൽ തിരഞ്ഞെടുത്തിരിക്കുന്നു:

लूका 10: GOKNT

ഹൈലൈറ്റ് ചെയ്യുക

പങ്ക് വെക്കു

പകർത്തുക