Zenez 10
10
Bann desandan Noe
1Apre deliz, bann garson Noe, Sem, Kam ek Zafet gagn boukou zanfan. Ala lalis zot bann desandan:
2Bann garson Zafet apel Gomer, Magog, Madai, Yavan, Toubal, Mesek ek Tira. 3Bann garson Gomer: Askenaz, Rifat ek Togarma. 4Bann garson Yavan apel Elisa, Tarsis, Kitim ek Rodanim. 5Zotmem anset bann nasion ki viv lor lakot. Tousala bann desandan Zafet. Zot groupe dan zot pei dapre zot langaz; dan zot nasion dapre zot klan.
6Bann garson Kam apel Kous, Misraim, Pout ek Kanaan. 7Bann garson Kous: Seba, Avila, Sabta, Ragma ek Sabteka. Bann garson Ragma apel Saba ek Dedann. 8Kous osi papa Nemrod, premie gran gerye lor later. 9Nemrod enn gran saser divan LESEGNER. Akoz samem ena enn koze ki dir: “Setel Nemrod, enn gran saser divan LESEGNER.” 10Bann premie gran lavil dan so rwayom: Babel, Erek ek Akad, dan pei Sinear. 11Nemrod sorti dan sa landrwa la e li al dan Asiri. Laba, li batir lavil Niniv, Reobot ek Kela. 12Li batir osi lavil Resenn, ant Niniv ek gran lavil Kela. 13Misraim anset bann abitan Loud, Anem, Leab ek Naftou, 14Patros, Kaftor, ek Kaslou, kot bann Filistin sorti.
15Kanaan papa Sidon, so premie garson, ek Het. 16Kanaan, li osi anset bann Zebizit, Amorit, Gigarsit, 17bann Ivit, Arkit, Sinit, 18bann Arvadit, Semarit ek Amatit. Apre sa, bann desandan Kanaan disperse partou. 19Zot teritwar pran depi Sidon, Gerar, ziska Gaza, e depi Sodom, Gomor, Adma ek Seboim, ziska Lesa. 20Tousala bann desandan Kam. Zot groupe dan zot pei dapre zot langaz; dan zot nasion dapre zot klan.
21-22Sem, gran frer Zafet, limem anset Eber ek tou so bann desandan. Bann garson Sem apel Asour, Arpaksad, Loud ek Aram. 23Aram papa Ous, Oul, Geter ek Mas. 24Arpaksad papa Sela, e Sela papa Eber. 25Eber ena de garson. Premie la apel Peleg, ki vedir divizion. Dan sa lepok la bann abitan later divize. Frer Peleg apel Yoktann. 26Yoktann papa Almodad, Selef, Azarmavet, Yera, 27Adoram, Ouzal, Dikla, 28Obal, Abimael, Saba, 29Ofir, Avila ek Yobab. 30Zot teritwar pran depi Mesa, pas par Sefar, ziska bann montagn dan les. 31Tousala bann desandan Sem. Zot groupe dan zot pei dapre zot langaz; dan zot nasion dapre zot klan.
32Tousala desandan bann garson Noe dapre zot klan ek zot pep. Apre deliz, zot desandan mem ki finn peple partou lor later.
നിലവിൽ തിരഞ്ഞെടുത്തിരിക്കുന്നു:
Zenez 10: KMOTPOR
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Kreol Morisien OT Portions © Bible Society of Mauritius, 2020.
