Lukasi 19
19
Na wingilaga na wavitaga mu Yeriko. 1Na lolaga, 2wavagiho mugosya homwene witanagwa Zakeo, nawe 3wavagi muhanya wʼihongo na wavagi musavi. Na wakovaga kumuvona Yesu ati ali nani, alisi wavagi akakovolile kunguno ya mbuto ya vanhu, kwisi wavagi muguhi musimo. 4Na wapelelaga kumbele na walinaga ku mukuyu, kigele amuvone, kunguno mwenuyo wavagi akuvita henaho. 5Alisi Yesu, aho wafikaga henaho, walangamilaga na wamuwilaga, Zakeo, usoke wanguwangu, kwisi yandima walelo kudila mu numba yako. 6Na uyu wasokaga wanguwangu, na wamwanukulaga na kudeha. 7Na aho vayivonaga, vose vingʼungʼulaga, vuhaya, Uyu wakagenihaga ha munhu mukenaguzi. 8Alisi Zakeo wegelaga na wamuwilaga Guku, Ibudika lya nsavo zyane ndivapa vapina, na ulu namuyengaga umo kinhu kimo ndimusyokezya kanne. 9Alisi Yesu wamuwilaga, Lelo vupizya wafikile mu numba yeniyi; kwisi mwenuyu mwene ali mwana wamwa Abrahamu. 10Kwisi Mwana wa Munhu wizaga kukikova na kukipizya chenicho chazimilile.
11Na aho venavo vayigagwa yeniyi uyu wongezaja kuyomba mu mukolani, kunguno wavagi bihi na Yerusalema, na kunguno viganikaga ati vutemi wa Mulungu vukwigela itungo lyenili. 12Na wayombaga, Munhu mbati, muhanya, wajaga ku chalo kule kupiwa vutemi na kusyoka. 13Na wavitanaga vakumba vakwe na wavapaga fipande ikumi fya dhahabu na wavawilaga, Musuluzye nago kusika ndisyoka. 14Alisi vazengi vakwe vamugayaga na vayitumizaja nhombe hanuma nawe, vuhaya, Tukatogilwe mwenuyu ave mutemi kwigulya niswe. 15Na yakwilaga, aho waliwamalaga kuwanukula vutemi, wasyokaga na walagilaga ati, vitanwe hawakwe vakumba avo wavapaga mapesa, kigele amaniche vusulu wa kusuluzya kwavo. 16Wa mbele wizaga na wayombaga, Guku kipande chako cha dhahabu chagadaga fingi ikumi. 17Na uyu wamuwilaga, Wavezya, mukumba musoga, kunguno wavagi mujamu mugati na kinhu kido, ukuvi mukovozi kwigulya na makaya ikumi. 18Na wa vuvili wizaga na wayombaga, Guku, kipande chako cha dhahabu chagadaga fingi fitano. 19Na uyu wamuwilaga mwenuyo savasava, Naʼho mwene uve kwigulya na makaya atano. 20Na ungi wizaga na wayombaga, Guku, lolaga henaha kiliho kipande chako cha dhahabu hochene nakitungila mu kitambala. 21Kwisi nakogohaga veve, kunguno uli munhu mudaki, ulikisolela icho ukatulile, na ulikimbula icho ukavivile. 22Na uyu wamuwilaga, Ku mulomo gwako nkukuyangula veve mukumba muvi. Wamanikaja ati ndi munhu mudaki, na ndikisolela icho nkatulile, na ndikimbula icho nkavivile. 23Kuki ukagafilile mapesa gane ku meza zya vabadila mapesa, na nene, ulu nizaga, mbe 24nasolaga gane na vusulu? Na wayombaga ku venavo vimile bihi, Mupuzaji kipande chakwe cha dhahabu na mumupe mwenuyo ali nafyo ikumi. 25Vamuwilaga, 26Guku, ali nafyo ikumi. Ndimuwila inwe, homwene ali nacho akupiwa, alisi homwene akavile nacho, icho ali nacho kikwingiwa hawakwe. 27Na venavo vanisi vane hovene vavagi vakatogilwe nave mutemi kwigulya navo, muvalete henaha na muvavulage hambele nane.
28Na aho wamalaga kuyomba genaya watongelaga kumbele kuja ku Yerusalema. 29Na yakwilaga aho wegelaga ha Betifage na Betania ha lugulu lulitanwa lwa Maguta, wavatumizaja vavili va vahemba vakwe 30na wahaya, Muje ku kakaya kali ha welekela winwe, na ulu mulingilamo mukuyivona mwenumo mpunda ndogosa yitungilwe, yitali kudamilwa na munhu; muyitungule na muyilete. 31Na ulu umo akumuvuzya, Kuki muliyitungula? Haho muyombe giki, Guku aliyifunda. 32Na avo vatumwa vajaga na vavonaga kitisi wavawilaga. 33Alisi aho vavagi valiyitungula mpunda ndogosa, venekili vavawilaga, Kinahe, muliyitungula mpunda 34ndogosa? Alisi navo vayombaga, Guku aliyifunda. 35Na vayifilaga kumwa Yesu; na aho vazyanzaga myenda zyavo kwigulya na mpunda ndogosa, haho vamwikazaja Yesu kwigulya. 36Na aho wavagi ajile, vazyanzaga myenda zyavo mu nzila. 37Na aho wegelaga kukulumunka kwa Lugulu lwa Maguta, mbuto yose ya vahemba vavukizaja kudeha na kumugongola Mulungu na muzwi muhanya, kunguno ya milimo yose ya nguzu 38hoyene vayivonaga na vayombaga, Adosiwe mutemi homwene aliza mu lina lyamwa Guku! Kuhola kwilunde na lukumo mwigulya! 39Na vamo va Vafarisayo vavagimo mu mbuto ya vanhu, vamuwilaga, Muhembeki, uvadakile vahemba vako. 40Nawe witavukaga, uhaya, Ndimuwila inwe, ulu venava valihulika, haho mawe gakulila.
41Na aho wegelaga na wayivonaga kaya, wayilililaga 42uhaya, Ulu mbe wagamanikaja ha lusiku lwako lwenulu genayo galisikaho ha kuhola kwako, alisi lelo gakwivisilwe veve. 43Kwisi nsiku zikwiza kwigulya naʼho vanisi vako vakwesela itumba ihanya lya kukupilima veve, na vakukuzingilizya na vakukutinga ha malwande gose na 44vakukubomola, veve na vana vako muwako, na venava, kuleka ngʼo iwe limo kwigulya na iwe lingi muwako kunguno wavagi ukalimanikizye itungo lyenilo lya kuvonelwa kisa kwako.
45Na wingilaga mwisengelo na wavukizaja kuvapezya 46vaguzya, wavawilaga, Yitonilwe, numba yane yive numba ya kulomba, alisi mwayivezaja ipilinga lya vasambo.
47Na wahembekaga nsiku zyose mwisengelo; alisi vahozya vahanya na vamanicha fitabu na vahanya va 48chalo vakovaga kumuvulaga, alisi vakakiwine cha kwita, kwisi vanhu vose vadimanaga nawe kumudegeleka.
നിലവിൽ തിരഞ്ഞെടുത്തിരിക്കുന്നു:
Lukasi 19: Nym51
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Nyamwezi New Testament © Bible Society of Tanzania, 1951.
