Lukasi 18
18
1Na wavawilaga mukolani ati yavadima kulomba 2hanahana vuduhu kuzova, wayombaga, Mu kaya mbati wavagiho muyanguzi homwene akamogohile Mulungu 3na akamukuzizye ngʼo munhu. Na mukima musimbe wavagimo mu kaya yeniyo na wizaga kuwakwe, uhaya, Umbezezye chane hambele na mukandi wane. 4Alisi wakanaga mbele na mbele; alisi haho wayombaga mu moyo gwakwe, Nulu nkavile kumogoha Mulungu ninga 5kumukuzya ngʼo munhu, alisi kunguno musimbe uyu alinducha nkumuvezezya mwenuyu chakwe, naleke kukoya nawe hanahana. 6Na Guku wayombaga, Degelekagi kitisi muyanguzi mwenuyu wa chaha aliyomba! 7Kinahe, Mulungu akulema kuvavezezya venavo chavo hovene valahilwe nawe, na hovene valimulilila halimi na havuziku, ninga akuvi kitisi mudizu hambele navo? Ndimuwila. 8inwe ati, akwanguha kuvavezezya chavo. Alisi kinahe, ulu Mwana wa Munhu aliza, akulivona isanizyo mu liwelelo?
9Na mukolani gwenugu wavawilaga vamo, hovene visanizaja venekili ati vali vagololoku na vavavengelezaja vangi. 10Vanhu vavili valinaga kuja kwisengelo 11kukalomba, umo Mufarisayo na ungi wʼihongo. Mufarisayo wimaga kumbele na walombaga giki, Mulungu, ndikulumbila kunguno nkavile kitisi vanhu venavo vangi: vasambo, vigomu, vasihya, ninga kitisi wʼihongo mwenuyu. 12Ndifunga mu yuma yimo kavili, na ndifumya ifungu lya ikumi ku nsavo zyane zyose. 13Alisi wʼihongo wimaga kule, na akakovolile kulangamila kwilunde, sumbwa witulaga ha kikuva chakwe, uhaya, 14Mulungu, umbonele nene mukenaguzi kisa! Ndimuwila inwe, mwenuyu wasyokaga ku numba yakwe wagololilwe kukila mwenuyo, kwisi kila umo aliwikulilizya. mwenekili akudoheleziwa; na homwene aliwidohelezya mwenekili akukuliliziwa.
15Na vamuletelaga velele avakumye; alisi aho vahemba vayivonaga yeniyi vavadakilaga. 16Na Yesu wavitanaga hawakwe, uhaya, Muvaleke vana vado vizeho hawane na muleke kuvahangilizya, kwisi ku venava vutemi wa Mulungu vuliho. 17Loleyene ndimuwila inwe, homwene akavile kuwanukula vutemi wa Mulungu kitisi mwana, mwenuyu kwingilamo ngʼo na hado ngʼo.
18Na muhanya umo wamuvuzaja, uhaya, Muhembeki musoga, niteki kigele nasalike vuzuvuku wa hanahana? 19Yesu wamuwilaga, Kuki ulinitana nene musoga? 20Kuduhu musoga sumbwa umo duhu: Mulungu. Mikumo ulizimanicha, Uleke kusihya, uleke kuvulaga, uleke kwiva, uleke kusangilwaho vulamba, umukuzye nso na noko. 21Alisi uyu wayombaga, Gose genaya nagalindilaga vukumbu na vuyanda wane. 22Aho Yesu wigagwa yeniyi, umuwila, Wasigazaja kinhu kimo, ugaguzye gose ago uli nago na uvagavulile vapina, na ukuvi na nsavo nhanya mwilunde, na wize undonde. 23Alisi aho wayigagwa yeniyi, wasayaga munogwene, hwisi wavagi na nsavo ningi. 24Yesu wamulolaga na wayombaga, Ii, kitimbu ku venavo vali na nsavo 25kwingila mu vutemi wa Mulungu! Kwisi kili changu munogwene twangavulende yivite mu linso lya lusindano, kukila musavi ingile mu vutemi wa Mulungu. 26Alisi avo hovene vigagwa vayombaga, Nani haho alikovola kupiziwa? 27Nawe wayombaga, Icho kili kigaka ha vanhu kilikovolwa na Mulungu. 28Alisi Petro wamuwilaga, Lolaga, iswe twagalekaga gose giswe na 29twakulondaga veve! Na uyu wavawilaga, Loleyene ndimuwila inwe, kuduhu umo wayilekile numba, ninga mukima, ninga muduguye, ninga vavyazi vakwe, ninga 30vana kunguno ya vutemi wa Mulungu, homwene kupiwa ngʼo ka vuyaga mu matungo genaya na mu matungo galakiza vuzuvuku wa hanahana.
31Na wavegezaja hawakwe avo ikumi na vavili na wavawilaga, Lolagi, tulilina kuja ku Yerusalema, na gose gakufikila hogene gatonilwe na vafumbuzi kunguno ya Mwana wa Munhu. 32Kwisi akupanwa mu makono ga vapagani na akuyeywa na akutulagulwa na akutugilwa mate; 33na avo vakumutulagula milanga na vakumuvulaga, na ha lusiku lwa vudatu akuhembuka. 34Na venava vavagi vakayimanikizye yeniyi ninga hado ngʼo, na muhayo gwenugo gwavagi guvisilwe hambele navo, na vakayimanikizye yeniyo yayombagwa.
35Na yakwilaga aho wegelaga Yeriko muhofu wavagi alikala ha nzila kwilombelezya. 36Na aho wigagwa ati 37vanhu vingi valivita wavuzaja ati yeniyi ki? Navo vamuwilaga ati Yesu wa Nazareti alivitaho. 38Na uyu wahamukaga, uhaya, Mwana wamwa Davidi, umbonele 39kisa! Na avo vatongelaga vamudakilaga ahulike sele, alisi nawe walilaga munogwene, Mwana wamwa Davidi, 40umbonele kisa! Na Yesu wimaga na walagilaga atongekwe hawakwe. 41Aho wegelaga, wamuvuzaja, Veve 42ulikova nakwitileki? Nawe wayombaga, Guku, navone hangi. Na Yesu wamuwilaga, Uvone hangi! luhigi lwako lwakupizizye. 43Na itungo lili wavonaga hangi, na wamulondaga alimukumucha Mulungu. Na vanhu vose aho vavivonaga vamugongolaga Mulungu.
നിലവിൽ തിരഞ്ഞെടുത്തിരിക്കുന്നു:
Lukasi 18: Nym51
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Nyamwezi New Testament © Bible Society of Tanzania, 1951.
