Lukasi 17
17
1Alisi wavawilaga vahemba vakwe, kili kigaka ati wivonya vukuleka kwiza, alisi musyolo ku mwenuyo homwene alivuleta. 2Kwisi yilimuvelela ulu mbe iwe lya kusyela litungwe mu nhingo yakwe na atagwe mu nyanza, kukila amuvonye umo mugati na venava vado. 3Mwikomye inwe venekili! Ulu muduguyo alikukenagulila, 4umuhane; ulu alinogoleka, umutondole. Na ulu alikukenagulila ka mpungati lusiku lumo na ka mpungati alisyoka kuwako na alihaya, Ndinogoleka, haho umutondole.
5Vatume vamuwilaga Guku, Wongezye luhigi kuwiswe! 6Alisi Guku wayombaga, Ulu mbe mwavagi na luhigi kitisi mbiyu ya haradali, mbe mukuguwila mukuyu ugu, Widubule henaha na wihambe mu nyanza, nago gukumudonhoka inwe. 7Alisi nani mugati ninwe ali nawe mukumba alilima ninga alidima, homwene akumuwila ulu alifuma ku mugunda, Wegele itungo 8lili na wikale? Kinahe, uyu kumuwila ngʼo, Uvezye chakulya nalye, winyepe na umboneche kusika nalyaga na nanwaga; na haho naʼho mwene ulye na unwe? 9Kinahe, mwenuyo akumulumbila mukumba, kwisi 10witaga genayo duhu walagilagwa? Sisyo inwe vene ulu mwamalaga kuvezya gose mwalagilagwa, muyombe, Tuli vakumba vakagelanilile, twitage genaya duhu twatondilwe kwita.
11Na yakwilaga aho wajaga ku Yerusalema ati wavitaga mugati na Samaria na Galilaya. 12Na aho wingilaga mu kaya mbati vasangaja nawe vagosya ikumi va 13mbizi, hovene vimaga kule na vahamukaga, vuhaya, 14Yesu, Kalondo, utuvonele kisa. Na aho wavavonaga, wavawilaga, Muje, mukiyoleche inwe venekili hambele na vahozya vahanya. 15Na yakwilaga aho vajagako vapilaga. 16Alisi umo mugati navo, aho wavonaga ati wapilaga, wasyokaga na wamukumukaja Mulungu na 17muzwi muhanya, na wasukambaga na wakundamaga ha magulu gakwe na wamulumbilaga, na mwenuyu wavagi Musamaria. 18Alisi Yesu witavukaga, uhaya, Kinahe, ngʼo ikumi wapizivagwa, kuhe avo kenda? Vakawinwe vangi hovene vasyokaga kumupa Mulungu 19lukumo, sumbwa mugeni mwenuyu? Na wamuwilaga, Uvuke, uje, luhigi lwako lwakupizaja. 20Alisi aho wavuzivagwa na Vafarisayo, Vutemi wa Mulungu vuliza itungo ki? wavitavukaga, uhaya, Vutemi wa Mulungu vukavile kwiza mugati na kwilolela, 21ninga vanhu kuyomba ngʼo, Lolaga henaha ninga kwenuko, kwisi lolaga, vutemi wa Mulungu vulimo mugati muwinwe.
22Alisi wavawilaga vahemba vakwe, Nsiku zikwiza aho inwe mukutamanilwa kuluvona lusiku lumo lwa nsiku 23zya Mwana wa Munhu, na inwe kuluvona ngʼo. Na vakumuwila inwe, Mulole kwenuko! Mulole henaha! Muleke kujako na kupelelako. 24Kwisi kitisi lukuva lulikema na lulimulika kwilunde kufuma lwande lumo kusika lwande lungi, sisyo Mwana wa Munhu akuvi ha lusiku lwakwe. 25Alisi hambele aduke kingi na ataganiziwe na vuvyalwa wenuvu. 26Na kitisi yakwilage mu nsiku zyamwa Noa, sisyo sisyene yilave mu nsiku zya Mwana wa Munhu. 27Valyage, vanwage, vatolage na vatolagwe, kusika lusiku ulo Noa wingilaga mu lyato na likamilamasenga lizaga na lyavazimizizye vose. 28Na kitisi yakwilaga mu nsiku zyamwa Loto, valyage, vanwage, vagulage, vaguzale, vahambage, vazengage, 29alisi ha lusiku lwenulo Loto wafumaga mu Sodoma gwatonyaga moto na kibiriti kufuma kwilunde na gwavazimizizye vose; 30sisyo sisyene yikuviho ha lusiku lwenulo Mwana wa Munhu akufumbulwa. 31Na ha lusiku lwenulo homwene ali ku numba higulya na fiseme fyakwe filimo mu numba aleke kwika kufisola; na homwene ali ku mugunda nawe mwene aleke kusyoka. 32Mumwizukile mukima wamwa Loto. 33Homwene alikova kuzipizya myuye zyakwe akuzizimizya; 34na homwene akuzizimizya akuzipizya. Ndimuwila inwe, mu vuziku wenuvo vavili vakuvi valilala ha vulili vumo, umo akwanukulwa na mwiye akulekwa. 35Vakima vavili vakuvi valisya hamohene, umo akwanukulwa na mwiye akulekwa. 36Vavili vakuvi valiko ku 37mugunda, umo akwanukulwa na mwiye akulekwa. Na vitavukaga na vamuwilaga, Kuhe Guku? Nuyu wavawilaga, Uko mulambo guliko, kwenuko kwene mavesi gakwisumbyako.
നിലവിൽ തിരഞ്ഞെടുത്തിരിക്കുന്നു:
Lukasi 17: Nym51
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Nyamwezi New Testament © Bible Society of Tanzania, 1951.
