Lukasi 16
16
1Alisi wavawilaga vahemba vakwe, Wavagiho munhu musavi, nawe wavagi na kasika lufungulo, na mwenuyu wavulagwa hambele nawe ati, alizitagagula nsavo zyakwe. 2Na uyu wamwitanaga, umuwila, Muhayo ki gwenugu ndigwa kunguno yako? Ufilete fitabu fya vukasika wako, kwisi ukakovolile hangi kuvi kasika lufungulo. 3Alisi kasika lufungulo wayombaga mu moyo gwakwe, Niteki, kwisi guku wane alimpuzya vukasika? Nkakovolile kulima, na ndi na nsoni mu kwilombelezya. 4Ndimanicha yeniyi nkwita, kigele vananukule mu manumba gavo, ulu napuzivilwe vukasika. 5Na wavitanaga vatondwa vose vamwa gukuye 6hekeheke, na wamuwilaga wa mbele, Veve ulitondwa zinga kumwa guku wane? Nawe wahaya, Matanaki igana ga maguta. Na uyu wamuwilaga, Solaga cheti 7chako, wikale na utone wangu makumi atano. Haho wamuwilaga ungi, Naʼho veve ulitondwa zinga? nawe wahaya, Ngelo igana zya ngano. Wamuwilaga, Solaga cheti chako utone makumi mnane. 8Na uyo guku wamukumaja kasika lufungulo muyengani ati, witaga kivalaganu, Kwisi vana va liwelelo lyenili vali vavalaganu muno hambele na mugana gwavo kukila vana va lumole. 9Na ndimuwila inwe, Mwivezezaje inwe venekili vanwani mugati na mapesa ga vuyengani, kigele ulu galimala, vamwanukule inwe mu manumba gakavile kusila. 10Homwene ali mujamu mugati na kinhu kido, ali mujamu mugati na kinhu kihanya chene; na homwene ali muyengani mugati na kinhu kido, ali muyengani mugati na kinhu kihanya chene. 11Ulu mukavile vajamu mugati na mapesa ga vuyengani, nani akumupa inwe ga loleyene? 12Na ulu mukavile vajamu mugati na kinhu cha vangi, nani akumupa inwe kinhu 13kinwe venekili? Kuduhu mutumami alikovola kuvatumamila vaguku vavili, kwisi ninga akumugaya umo na akumutogwa ungi, ninga akudimana na umo na akumuvengelezya ungi. Mukakovolile kumutumamila Mulungu na Nsavo.
14Alisi Vafarisayo, hovene vazitogagwa nsavo, vagigagwa gose genaya na vamufusaga. 15Na wavawilaga, Inwe muli venavo valiwigongola venekili hambele na vanhu, alisi Mulungu aliyimanicha myoyo yinwe; kwisi icho kili kikumuku hambele na vanhu kili ivipyo ivi hambele na Mulungu. 16Ngʼhama na vafumbuzi zyavagiho kusika hamwa Yohana; na vukumbu nʼitungo lyenilo mhola ya vutemi wa Mulungu yilitaniziwa, na vose valingilamo na nguzu. 17Kili changu ilunde na liwelelo gazimanguke kukila kabado ka ngʼhama kazimile. 18Homwene alimutavula mukima na alimutola ungi alisihya; na homwene alimutola mukima atavulilwe na mugosi alisihya.
19Wavagiho munhu musavi azwalile mwenda musoga gwa za na bafuta, na wikalaga nsiku zyose na lukumo na kudeha munogwene. 20Na mupina mbati, lina lyakwe Lazaro, atulilwe ha muvita gwakwe, okalile na malonda; 21na watamanilagwa kwiguta na genayo gagwaga ha kulila kwa musavi; na mawa gene gizaga na galambilaga malonda gakwe. 22Na yakwilaga ati mupina wafwaga na wajanagwa na vamalaika mu matango gamwa Abrahamu; alisi musavi mwene wafwaga na wazikagwa. 23Na aho wavagi aliduka ha vafwile walangamilaga na alimuvona Abrahamu kufuma kule na Lazaro ha matango gakwe. 24Na wahamukaga, uhaya, Vava Abrahamu, umbonele kisa na umutumizye Lazaro akadibye mhelo ya lyala lyakwe mu minzi na alunedeche lulimi lwane, kwisi ndiduka vusatu mu moto gwenugu. 25Alisi Abrahamu wayombaga, Mwana, wizukile ati veve wapivagwa tusoga twako ha ngelo yako, na Lazaro wapivagwa tuvi, alisi lelo uyo alihulikiwa, 26naʼho uliduka vusatu. Na kukila genaya, mugati niswe ninwe hasihu hahanya hakindikilwe, sisyo venava valikova kwambuka kufuma henaha kufika kuwinwe vakakovolile, ninga venavo va kwenuko 27kwambuka ngʼo kufika kuwiswe. Alisi uyu wayombaga, Haho ndikulomba vava, umutumizye ku 28numba yamwa vava, kwisi ndi navo vadugu vatano, kigele ave musangilwaho kuwavo, kwigela ngʼo venava vene vafike henaha ha mavusatu. 29Alisi Abrahamu wayombaga, Vali na Mose na vafumbuzi, vavigwe venava. 30Alisi uyu wayombaga, Byololo, vava Abrahamu, sumbwa ulu umo wa vafwile alija kuwavo, haho vakupiluka moyo. 31Alisi wamuwilaga, Ulu venava vakavile kwigwa Mose na vafumbuzi, haho venava kusanizya ngʼo, ninga ulu umo ahembuke ku vafwile.
നിലവിൽ തിരഞ്ഞെടുത്തിരിക്കുന്നു:
Lukasi 16: Nym51
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Nyamwezi New Testament © Bible Society of Tanzania, 1951.
