Lúqá Dí Injíl 21
21
1TE us nigáh karke daulatmandáṉ núṉ vekhiá, paí apníáṉ nazráṉ haikal de ḳhazáne vichch pai páṉde sán. 2Te ikk garíb bewá núṉ do damṛíáṉ páṉdíáṉ vekhke ákhiá, 3Maiṉ tuhánúṉ sach ákhná háṉ, paí is garíb bewá sáreáṉ thoṉ wadh páyá; 4Kyúṉ jo ihnáṉ sáreáṉ bachat de mál vichchoṉ nazr kítá; par us apní thuṛ vichchoṉ sárí púṉjí, jihṛí us dí hai sí, pá dittí. 5Te jad haikal dí bábat baʼze lok ákhde sán, páí Uh sohne pattharáṉ te chaṛháwíáṉ nál saṉwárí hoí hai, us ákhiá, 6Ih, jo kujh tusíṉ vekhde ho, uh din áwange, jadoṉ is tháṉ patthar utte patthar na chhaḍḍiá jáegá, jihrá ḍeggiá na jáegá. 7Te uhnáṉ uh núṉ ih puchchhíá, Ai Ustád, pher ih galláṉ kad hoṉgíáṉ, te uhnáṉ de hon de wele dá kí pata hai? 8Us ákhiá, Ḳhabardár, paí dhokha na kháo; kyúṉ jo bahutere mere náṉ utte áwange, te ákhange, paí Maiṉ uho hí háṉ; te velá á gayá hai; uhnáṉ de magar na lagnáṉ. 9Te jad laṛáíáṉ te fasádáṉ dí ḳhabar sunoge, táṉ ghábar na jánáṉ; kyúṉ jo ihnáṉ galláṉ dá pahláṉ áuná zarúr hai; us vele aḳhír jhaṭ phaṭ na áwegá. 10Pher us uhnáṉ núṉ ákhiá, paí Qaum qaum utte te bádsháhí bádsháhí utte chaṛh áwegí. 11Te baṛe bhunchál te tháíṉ tháíṉ kál, te maríáṉ paingíáṉ; te asmánoṉ ḍaráuníáṉ chízán te baṛe ájáib nishán záhir honge. 12Par ihnáṉ sáríáṉ galláṉ thoṉ pahláṉ lok tuháḍe utte mere nám dí ḳhátir hatth pánge, te tuhánúṉ dukh denge, te ʼibádatḳháneáṉ de ʼadálat de hawále karange, te qaid karange, te bádsháháṉ te hákimáṉ kol dharwánge. 13Ih tuháḍe laí gawáhí howegí. 14So apne diláṉ vichch pakkí kar lo, paí Asíṉ jawáb den laí pahláṉ fikr na karíe. 15Is laí paí maiṉ tuhánúṉ ajihí zubán te hikmat diáṉgá, jih de agge tuháḍe wairí na bol sakkan, na khalo sakkan. 16Te máṉ piú, te bháí, te sák, te dost bhí tuhánúṉ phaṛange, te tuháḍe vichchoṉ kaíáṉ núṉ marwá chhaḍḍange. 17Te mere nám de sabab sáre lok tuháḍe nál wair rakkhange. 18Par tuháḍe sir dá ikk vál bhí nuqsáníá na jáegá. 19Te apne sabr vichch hí tusíṉ apníáṉ jánáṉ núṉ lukáoge. 20Te jáṉ tusíṉ Yarúshalím núṉ faujáṉ nál gheríá hoiá vekhoge, táṉ ján lo, paí uh dá thih honwálá hai. 21Tad uh, jihṛe Yáhúdíah vichch hon, paháṛáṉ utte bhajj ján; te uh, jihṛe Yarúshalíin vichch hon, kite ḍuráḍe nas ján; te uh, jihṛe pinḍáṉ vichch hon, uh de andar na áun. 22Kyúṉ jo badla lain de uh din ne, jihnáṉ vichch uh sab kujh jo likhiá hoiá hai, púrá howe. 23Par afsos uhnáṉ utte, jihṛíáṉ uhnáṉ dináṉ vichch garbhwáliáṉ, te áyáṉewálíáṉ hon; kyúṉ jo zamín utte baṛí tangí, te is qaum utte gazab paegá, 24Te uh talwár nál mar jánge, te qaid hoke sáríáṉ qaumáṉ vichch pahuṉcháe jánge; te jad toṛí gair-qaumáṉ dá velá púrá na ho jáe, Yarúshalím gair-qaumáṉ thoṉ latáṛiá jáegá. 25Te súraj te chand te táreáṉ vichch nishán nazar áwange; te zamín utte qaumáṉ núṉ musíbat paegí; kyúṉ jo uh samundar te uh díán ṭhállán de shor nál ghábar jánge. 26Te ḍar de máriáṉ te dunyá utte áunwálíáṉ chízáṉ dí uḍík nál lokáṉ dí ján vichch ján na rahegí; is laí paí ásmán díáṉ qudratáṉ hiláíáṉ jángíáṉ. 27Tad uh Ibn i Ádam núṉ baddal vichch qudrat te baṛe jalál nál áuṉdiáṉ vekhange. 28Te jad ih galláṉ hon laggan, tad siddhe hoke apne sir uttáṉ chukko; is laí paí tuháḍí ḳhalásí neṛe á gayí hai. 29Te us uhnáṉ núṉ ikk tamsíl sunáí, paí Anjír núṉ te sáreáṉ rukkháṉ núṉ vekho. 30Uhnáṉ núṉ puṉgar díáṉ hí vekhke tusíṉ ápe jánde ho, paí hun garmíáṉ neṛe á gayíáṉ. 31Use tarah jad ihnáṉ galláṉ núṉ hundiáṉ vekho, táṉ jáno, paí Ḳhudá dí bádsháhí neṛe ái. 32Maiṉ tuhánúṉ sach ákhná háṉ, paí jad tíkar ih sab kujh ho na lawe, ih zamána nahíṉ mukhegá. 33Asmán te zamín ṭal jánge, par meríáṉ galláṉ kadí na ṭalangíáṉ. 34Par hushiár raho, kite tuháḍe dil bahutá khán pin; te nashí hon, te zindagí dí chintá nál bháre na ho ján, te uh diháṛá tuháḍe utte pháhí wáṉgún acháṉakk á pawe. 35Is laí paí uh sárí zamín de sabhnáṉ rahanwáleáṉ utte á pawegá. 36Par har vele jágde raho, te duʼá maṉgo, pai tusíṉ ihnáṉ sáríáṉ chízáṉ thoṉ, jihṛíáṉ hon wálíáṉ ne, bach sakko, te Ibn i Ádam de agge khalo sakko. 37Te roz uh haikal vichch talím deṉdá sí, te rát núṉ báhar jáke us pahár utte, jih dá náṉ Zaitún dá hai, tikdá hundá sí. 38Te sáre lok uh dí sunan laí haikal vichch uh de kol sawere áuṉde sán.
നിലവിൽ തിരഞ്ഞെടുത്തിരിക്കുന്നു:
Lúqá Dí Injíl 21: PNT1927R
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Historical texts published by British and Foreign Bible Society 1917-1927.
