Lúqá Dí Injíl 20
20
1TE uhníṉ diníṉ ikk din, jáṉ uh haikal vichch lokáṉ núṉ taʼlím deṉdá, te Injíl sunáuṉdá dá sí, táṉ ajihá hoiá, paí sardár káhin te faqíh buzúrgáṉ nál uh de maqábil á khalote; 2Te uh núṉ ákhan lagge, Sánúṉ das; túṉ kihṛe iḳhtiyár nál ih kamm karná haiṉ, yá kis tainúṉ ih iḳhtiyár dittá hai? 3Us uhnáṉ núṉ jawáb dittá, Maiṉ bhí tuhánúṉ ikk gall puchchhná háṉ; mainúṉ dasso. 4Yuhanṉá dá baptismá ásmánoṉ sí, yá insán walloṉ? 5Uhnáṉ ápo vichch ih saláh kítí, paí Jekar ákhíe, Asmánoṉ; táṉ uh ih ákhegá, Tusáṉ uh núṉ kyúṉ na maniá? 6Te je ákhíe, Insán walloṉ; táṉ sáre lok sánúṉ márange; kyúṉ jo uhnáṉ dá yaqín hai, paí Yuhanṉá nabí sí. 7So uhnáṉ jawáb dittá, Sánúṉ khabar nahín, paí uh kitthoṉ dá sí. 8Te Yisúʼ uhnáṉ núṉ ákhiá, Maiṉ bhí tuhánúṉ nahíṉ dassdá, paí kihṛe iḳhtiyár nál maiṉ ih kamm karná háṉ. 9Pher uh lokáṉ núṉ ih tamsíl sunán laggá, paí Ikk bande angúr dá bág láyá, te uh núṉ málíáṉ de hatth soṉpke baṛe chir laí pardes ṭur gayá. 10Te bahár sir ikk naukar núṉ málíáṉ kol ghalliá, táṉ jo uh angúr de bág de phaloṉ uh núṉ den; par málíáṉ uh núṉ már kuṭṭke sakkhniáṉ moṛ dittá. 11Te pher us dujjá naukar ghalliá; uhnáṉ uh núṉ bhí már kuṭṭke, te pat láhke sakkhniáṉ moṛ dittá 12Te pher us trijá ghalliá; uhnáṉ lahú luháṉ karke uh núṉ bhí báhar kaḍḍh dittá. 13Tad us bág de málik ákhiá, Maiṉ kí karáṉ? maiṉ apne piyáre puttar núṉ ghalláṉgá; sháyad uh uhdá liház karan. 14Jád málíáṉ uh núṉ vekhiá, táṉ ápo vichch saláh karke ákhiá, paí Ih wáris hai; ih núṉ már suṭṭíe, paí wirsá sáḍa ho jáe. 15Tad uh núṉ bágoṉ báhar kaḍḍhke már suṭṭiá. Hun bág dá málik uhnáṉ nál kí karegá? 16Uh áwegá, te uhnáṉ málíáṉ dá nás karegá, te angúr dá bág hornáṉ núṉ dewegá. Uhnáṉ ih sunke ákhiá, Ḳhudá na kare. 17Tad us uhnáṉ wall vekhke ákhiá, Pher ih kí likhiá hoiá hai, paí uh patthar, jih núṉ rájáṉ nápasand kítá, uhoí guṭh dá sirá ho gayá. 18Jihṛá us patthar utte ḍigge, ṭoṭe ṭoṭe ho jáegá, te jih de utte uh ḍigge, uh núṉ píh suṭṭegá 19Tad sardár káhináṉ te faqíháṉ mauqaʼ labbhiá, paí use ghaṛí uh de utte hatth pan; par lokáṉ thoṉ ḍarde sán, kyúṉ jo uhnáṉ ján liyá, paí us ih tamsíl sáḍe utte ákhí hai. 20Te ih us dí chhai vichch sán, te jásúsáṉ núṉ ghalliá, paí nek bannke uh dí gall phaṛan, táṉ jo uh núṉ hákim de iḳhtiyár te wass vichch kar den. 21Tad uhnáṉ uh núṉ ih puchchhiá, paí ai Ustád, sánúṉ maʼlúm hai, pai túṉ ṭhík ákhná te sikháná haiṉ, te kise dí raí nahín kardá, sagon sachchíáí nál Ḳhudá dá rah dassná haiṉ. 22Sánúṉ Qaisar núṉ jaziyá dená jáiz hai, ki nahíṉ? 23Par us uhnáṉ dá makkar jánke uhnáṉ náṉ ákhiá, 24Mainúṉ ikk dínár vikháo Uh de utte kih dí múrat te harf ne? Uhnáṉ ákhiá. Qaisar de. 25Us uhnáṉ núṉ ákhiá, Bas pher; jo kujh Qaisar dá hai, Qaisar núṉ deo; te jo Ḳhudá dá hai, Ḳhudá núṉ. 26Te uh lokáṉ agge us gall núṉ phaṛ ná sakke, te uh de jawáb thoṉ hairán hoke chup kar gae. 27Tad Sadúqíáṉ vichchoṉ, jihṛe qiámat de munkar ne, kaíáṉ uh de kol áke uh núṉ ih ákhke puchchhiá, paí 28Ai Ustád, Músá sáḍe laí likhiá hai, paí Je kise dá wiáhiá hoiá bhará be-aulád mar jáe, táṉ us dá bhará uh dí wahuṭí núṉ kar lae, te apne bhará laí nasl qáim kare. 29So satt bhará sán; te pahlá wahuṭí karke be-aulád mar gayá. 30Te dujjá bhi; 31Te trijje uh nuṉ kítá; ise tarah satte hí be aulád mar gaye 32Magaroṉ uh zanání bhí múí. 33So qiámat núṉ uh uhnáṉ vichchoṉ kih dí wahuṭí hoegí? Kyúṉ jo uh sattáṉ de ghar wassí sí. 34Te Yisúʼ uhnán núṉ ákhiá, Is dunyá de farzand viáh karde te viáhe jáṉde ne. 35Par jihṛe lok is láiq samjhe gaye ne, paí us dunyá núṉ hásil karan, te murdeáṉ vichchoṉ jí uṭṭhan, uh na viáh karde, ná viáhe jáṉde ne. 36Te uh muṛ nahíṉ mar sakhde; kyúṉ jo uh firishteáṉ jihe ne, te qiámat de farzand hoke Ḳhudá de farzand ne. 37Te ih gall, paí murde uṭháe jáṉde ne, Músá bhí Jháṛíwále zikr vichch dassiá hai, jadoṉ uh Ḳhudáwand núṉ Ibráhím dá Ḳhudá, te Izháq dá Ḳhudá, te Yaʼqúb dá Ḳhudá ákhdá hai. 38Par Ḳhudá murdeáṉ dá Ḳhudá nahíṉ, sagoṉ jiúṉdeáṉ dá hai; kyúṉ jo sáre uh de wáste jiúṉde ne. 39Te kaí faqíháṉ uh núṉ ákhiá, paí Ai Ustád, tú ḳhúb ákhiá. 40Kyúṉ jo uhnáṉ núṉ pher kujh suwál puchchhan ḍá hauslá na piá. 41Te us uhnáṉ núṉ ákhiá, Lok kíkar ákhde ne, paí Masíh Dáúd dá puttar hai? 42Kyúṉ jo Dáúd Zabúr dí kitáb vichch ápe ákhdá hai, paí Ḳhudáwand ne mere Ḳhudáwand núṉ ákhiá, Mere sajje hatth baiṭh, 43Jad tíkar maiṉ tere wairíáṉ núṉ tere pair rakkhan dí chaukí na banáṉ. 44So Dáúd táṉ uh núṉ Ḳhudáwand ákhdá hai; pher uh puttar kíkar hoiá? 45Tad sáre lokáṉ de sundiáṉ us apne shágirdáṉ núṉ ákhiá, paí 46Faqíháṉ walloṉ ḳhabardár raho, jihṛe lammáṉ chogá páke phirná cháhuṉde ne, te bázáráṉ vichch salámáṉ dá te ʼibádatḳháneáṉ vichch pahlíáṉ kursíáṉ, te ziáfatáṉ vichch uchchíáṉ tháṉwáṉ dá shauq rakkhde ne. 47Uh bewáṉ ʼauratáṉ de gharáṉ núṉ nigal jáṉde, te vikhálan laí lammí chauṛí namáz paṛhde ne; ihnáṉ laí ziyádá sazá dá hukm hoegá.
നിലവിൽ തിരഞ്ഞെടുത്തിരിക്കുന്നു:
Lúqá Dí Injíl 20: PNT1927R
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Historical texts published by British and Foreign Bible Society 1917-1927.
