Marko 13
13
(13. Mat 24. Luk. 21,5-36.)
1Ni beni edše kpo ye̱ so̱lemo̱we le̱, ekaselo̱i le̱ ateṅ mokome kē̱le̱ ake̱: Tšõlo̱, kwe̱ te̱i komekome ke̱ tšŭi komekome!
2Ni Iesu here no̱ ni ekē̱le̱ ake̱: Ōna ne̱ke̱ tšũi kpeteṅkplei ne̱? Ašiṅ te̱ kome ye̱ ekroko no̱ ni atšĩṅ atſaṅ ši.
3Ni beni etá ši ye̱ Mũgoṅ le̱ no̱ ye̱ so̱lemo̱we le̱ ṅe̱le̱no̱ le̱, Petro ke̱ Iakobo ke̱ Iohane ke̱ Andrea bile̱ ye̱ afã ake̱:
4Tšōmo̱wo̱ be mli ni aafe nii ne̱, ke̱ be mli ni nii ne̱ fẽ-kwa aaba mli le̱ he okadi.
5Ni Iesu hereame̱ no̱ ni ebõi kē̱mo̱ ake̱: Nyekwe̱a dšogbāṅ koni moko akalakanye.
6Edšake̱ mei pī aaba ye̱ migbe̱i ano̱, ni ame̱akē̱ ake̱: Miṅ! ni ame̱alaka mei pī.
7Ši ké̱ nyenu tai ke̱ tai asãdši ahe le̱, nyekahaoa; edšake̱ dša ne̱ke̱ nibii ne̱ ba kẽ moṅ, ši nāgbē le̱ še̱ko.
8Ši maṅ aate ši awo maṅ, ni maṅtše̱yeli aate ši awo maṅtše̱yeli, ni šikpoṅ-hosomo̱i aaba ye̱ hei sro̱toi, ni hõdši ke̱ haomo̱i aaba. Ene̱mei dši kõmo̱i abõimo̱.
(9-13. Mat. 10,17-22. Luk. 21,12-17.)
9Ši nye le̱ nyelea nyehe no̱kwe̱mo̱; edšake̱ ame̱aṅõnye ke̱-ate gwabō̱i amli, ni aayinye ye̱ kpēhei le̱, ni akenye aadamo̱ lume̱i ke̱ maṅtše̱mei ahĩe ye̱ mi-hewo̱, koni ake̱-yeame̱ odase.
10Ni dša ašie̱ sanekpakpa le̱ atšõ dšeṅmādši fẽ dã. 16,15
11Ši ké̱ ame̱kplanye ke̱-te ame̱yahã le̱, nyekahaoa nyehe nyetoa ye̱ noni nyeawie hewo̱, ni asaṅ nyekayea he ṅko̱mo̱; ši moṅ noni ake̱-ahãnye ye̱ nakai ṅmle̱tſā le̱ no̱ le̱, no nyewiea; edšake̱ dšee nye nyewieo̱ le̱, ši moṅ Mumo̱ kroṅkroṅ le̱ ni.
12Ši nyemi aaṅõ nyemi ahā gbĕle, ni tše̱ hũ aaṅõ bi ahã; ni bii aate ši awo ame̱fo̱lo̱i, ni ame̱aṅõame̱ ame̱hã, ní agbeame̱.
13Ni mei fẽ aanye̱nye ye̱ migbe̱i ahewo̱; ši moni hĩeo̱ mli ke̱-wulaä ši le̱, aahere eyiwala.
14Ši ke̱ nyena *amaṅfõ nihĩnii le̱ ni gbalo̱ Daniel wie he le̱ ake̱ emã heni esaa ake̱ emãa le̱ (†moni kaneo̱ le̱ hã ní eyo se̱!), no le̱ mei ni yo̱ Iudea le̱ adšo foi aya gõdši le̱ ano̱; *Dan. 9,27. †Dan 12.4. 10.
15ni moni yo̱ tšūyiteṅ le̱ akakpleke ši eba šĩa, alo ni ebote šĩa eyako noko;
16ni moni yo̱ ṅmõši le̱ ekakũ ese̱ eyako̱ etade,
17Ši mihã mei ni hīe mũsũ ke̱ mei ní hãa fufo̱ ye̱ nakai gbĩĩ le̱ amli le̱, kpóo!
18Ši nyeso̱lea koni nyefoidšē le̱ akaba ye̱ fẽibe mli!
19Ši nakai gbĩĩ le̱ amli le̱ *amanehũlũ aaba ní anako no̱ dã ke̱-dše̱ dšeṅ ni Nyoṅmo̱ bo̱ le̱ šišidšē mli āhũ ke̱-baši ṅmene̱ṅme̱ne, ni asaṅ anaṅ no doṅṅ. *Dan. 12,1.
20Ni dša Nuṅtšo̱ le̱ fo gbĩĩ le̱ ano̱, ké̱ dšee nakai le̱, ahereṅ helo ko helo ko yiwala; ši halamo̱bii ní ehala le̱ ahewo̱ le̱ efo gbĩĩ le̱ ano̱.
21Ni no mli le̱, ke̱dši moko kē̱nye ake̱: Na, Kristo ye̱ bie̱! lo: Na, eye̱ dse̱i! le̱, nyekahea nyeyea.
22Edšake̱ amalekristoi ke̱ amalegbalo̱i aate ši, ni ame̱atšõ okadii ke̱ nākpe̱nii, koni, kē̱ aaho le̱, ame̱laka halamo̱bii le̱ tete.
23Ši nye le̱ nyekwe̱a dšogbāṅ; na, mikēnye míto.
24Ši no gbĩĩ le̱ amli ye̱ ne̱ke̱ amanehũlũ ne̱ se̱ le̱ hũlũ hĩe aawo duṅ, ni nyoṅtšĕre hũ kpe̱ṅ,
25ni ṅwei ṅulamii le̱ aatšere̱ atſia ši, ni aahoso hewale̱i ní yo̱ ṅwei le̱.
26Ke̱ke̱ le̱ aana gbomobi le̱ ake̱ ēba ye̱ atatui le̱ amli ke̱ hewale̱ ke̱ anumnyam babaō.
27Ke̱ke̱ ni eetšũ *ebo̱foi le̱, ni ame̱abua ehalamo̱bii le̱ anā ke̱-adše̱ kō̱yo̱i edſe̱ le̱ no̱, ke̱-dše̱ šikpoṅ nāgbēhe ke̱-yaši ṅwei nāgbēhe. *Mat. 13,41.
28Nyekasea agbãmitšo abe̱ ni ebuo̱ le̱. Beni enidši le̱ efro̱ke ni ebõi bāifũmo̱ le̱, nyele ake̱ latšābe le̱ éše̱ étã.
29Nakai noṅṅ nye hũ, beni nyeana ake̱ ne̱ke̱ nii ne̱ eba mli le̱, nyenaa nyelea ake̱ éše̱ agbói anā tete étã.
30Le̱le̱ṅ, mīkē̱nye ake̱: Yino̱ ne̱ hoṅ, ake̱ dša nii ne̱ fẽ eba mli dã.
31Ṅwei ke̱ šikpoṅ baho aya; ši miwiemoi le̱ hoṅ eyaṅ.
32Ši no gbĩ le̱ ke̱ no ṅmle̱tſā le̱ moko lee; ṅweibo̱foi le̱ hũ lee, ni bi le̱ tete lee, dša tše̱ le̱ kome ke̱ke̱.
33Nyekwe̱a dšogbāṅ, nyešia kpe ni nyeso̱lea; edšake̱ nyelee beyino ní be le̱ še̱o̱.
34Tamo̱ *nū ko ní edom ešī ewe, ni ehã etšũdsi le̱ hegbe̱ ke̱ mofẽmo nitšumo̱, ni efá agbónākwe̱lo le̱ ake ebu. *Mat 25,14. Luk. 19,12.
35Nohewo le̱ nyesraä; edšake̱ nyelee beyino ni šĩatše̱ le̱ baä: ekole̱ gbe̱ke̱, lo nyōṅ teṅ, lo wuo̱gbe̱mo̱, lo lebi; Luk. 12.38.
36koni ekaba trukā ebaninanye ake̱ nyemīwo.
37Ši noni mikē̱o̱nye ne̱, mei fẽ mikē̱o̱: Nyesraä!
നിലവിൽ തിരഞ്ഞെടുത്തിരിക്കുന്നു:
Marko 13: GBV96
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Bible in Ga © Bible Society of Ghana, 1896, 1992.
