Luka 16
16
Lilim lo kamemetanit lokoŋ lo meddya mede
1A Yesu koti kulyani ko ŋutukanyit kajujumuk adi, Lele kworinit kata lo gwon ko kamemetanit lo meddya mede nanyit. Ŋilo ŋuto a ŋöki ko duma lonyit i komor adi lepeŋ a köŋu tito. 2a kwörinit lo luŋgi lepeŋ, a pije lepeŋ adi, Ŋo a nyo nagon nan a yiŋ i kulya kunök? Kene ken ŋo na saraki konut i konin kune, kogwon do kwoŋ tine yeŋon gwon a kamemetanit. 3A kamemetanit lo kulyani ko mugun adi, Nan koŋdya nyo kogwon duma liŋ ’deke riköddu nan kaŋo i kita? Nan ’bak riŋit kurit, ko koti kwe nio yuyu i ŋoŋolija. 4Nan a den ŋo nagon nan de kökon, anyen ko nan a ’dumaji kaŋo i kita, a ŋutu böŋö wuji nan kase i midijik. 5Nyena a nye luŋgi ŋutu liŋ geleŋ geleŋ logon a kuŋo ŋo ti duma lonyit. A nye pije lo kokwe lo adi, Do a kuŋo muda ko duma liŋ?
6A nye waddi adi, Nan a kuŋö ’burutikö mia geleŋ ti welet. A kamemetanit lo takiŋdye lepeŋ adi, ’Dumuŋdye waraga inot na mori; si ’dakine kak ’de ’de, ko wuŋe adi, ’Burutikö merya mukanat. 7A nye pije lele adi, Ama do köti a kuŋö muda? A nye waddi adi, Nan a kuŋo gugwö lo ’di ’dik mia geleŋ ti ’bolot. A nye takiŋdye lepeŋ adi, ’Dumuŋdye waraga inot na möri, ko wuŋe adi, Gugwö lo ’di ’dik merya budök ti ’bolot. 8A duma lo pupurje kamemetanit loron lo kogwon nye aje koŋdya ko koŋon. Kogwon ŋutu ti na kak a lokoŋ i konesi kase ko ’börik lwölwöŋ ŋutu ti parara.
9Nan takiŋdya ta adi, Tojuline ta ko ŋutu ko tukwörien naron na na kak, anyen ko nye a ’baka a se böŋö wuji ta i midijik na yeŋ nyin. 10Nye logon yiyiniki i ŋo ku ’dik parik lo köti yiyiniki i ŋo jore, ama nye logon ti yiniki i ŋo ku ’dik parik lo köti ti yiniki i ŋo najore.
11Nyenagon ko ta ti bulö yiniki i tukwörien naron na na kak, ta bubulo yiniki ada i tukwörien na to ’diri?
12Köti ko ta ti yiniki i ŋo ti leŋe, a ŋa mo lo tiŋdi ta ŋo nagon a kasu? 13#Mat 6.24Lele köliŋönit ’bayin logon bubulo kitakiŋdya ŋutu murek; kogwon kode nye maŋdu lele a nyaŋi lele, kode nye twöju lele a lauŋdye lele. Ta ti bulo kitakiŋdya ko Ŋun ko tukwörien.
Kulye jamesi ti Yesu
(Köti Matayo 11.12-13; 5.31-32; Marako 10.11-12)
14A Parusijin logon nyanyar gurut kulo, ko yiŋge kine kulya liŋ, a se kweni ’e kweni ’e Yesu ’dö ’döju. 15A Yesu kulyani ko lepeŋat adi, Ta kilo a se logon to ’buddya ’börik ko ŋutu i komor, ama Ŋun deden töilyet kasu, kogwon ŋo nagon ŋutu bubu parik na Ŋun maman parik kanyit i metet.
16 #
Mat 11.12, 13 Saresi ti Mose se ko ŋo na wur nebijin köju kunu kata tojo ko diŋit na Yoane, nyena suluja i ŋinu diŋit Loŋe Lo ’but lo Tumatyan na Ŋun a tokuoji, a ŋutu liŋ geleŋ geleŋ ri ’diaddi ’borik i lupö lukata. 17#Mat 5.18Ama ki ko kak pölilyo i likin Iwolwoŋ ’doro na kotet geleŋ na leta geleŋ i Saresi. 18#Mat 5.32; 1 Kor 7.10, 11ŋuto logon yaŋdu nakwan nanyit, a yembi nene, nye a luŋ lepeŋ. Ŋuto logon yemba ŋuto nagon a yanya na nye a luŋ lepeŋ.
Lilim lo ŋuto kwörinit se ko Lajaro
19Lele kworinit köju kata logon jupu boŋgwat na ’bule ti waratat naparere, a nye nyesi nyesu abur perok liŋ.
20A lele lomeri gwe kata logon karin kanyit a Lajaro logon ko ’dikasin jore, a nye iŋge topiriki i kotumit na ŋilo ŋutu. 21A nye ’deke ’dekan tunyei ko pitönö ti kinyojin na ’do ’do kak ko kwörinit i misa, iŋkoi, a ’dioŋjin woröni i dadaŋgu na ’dikasin kanyit kune.
22A gwe sona a lomeri lo twane twan, a malaikajin ’dokoddi lepeŋ ki yu tojo ko Abarayama i merete, i pirit na bubula, a kworinit lo koti lo twane, a nukani nuka. 23a na tomieni nye i pirit na mulöko nu, a nye diŋe ki, a meddi Abarayama gwon pajo, ko Lajaro kanyit i merete. 24a nye gwine adi, Pon Baba Abarayama, wone konyen ko nan, ko sunyuŋdye Lajaro anyen nye boŋö ko sukiŋdyö kwe na morinet lonyit i pioŋ i toligga na ŋedep liŋ, kogwon nan lo totomie i na kimaŋ.
25Ama a Abarayama waddi adi, Ŋuro liŋ, yiyiuŋdye adi, Koju i gwiliŋit inot do wuju ŋo na ’but kunok, a Lajaro wuji ŋo narok; ama soŋinana nye lo kolumbö sukani suka ni, a do ŋilo tomieni tomie. 26Wat kine ŋo liŋ, wi duma a goroki i kiden nikaŋ ko ta, anyen ŋutu lo gwon ni logon ’dek laŋaddu kasu ŋini kilo boŋö gwon ti bulo laŋaddu, koti anyen lele ŋuto gwon ti bulö laŋuŋdya kayaŋ ni. 27a nye kulyani adi, A ko sona pon baba, nan mo ’yu do anyen do boŋö sonyoddu Lajaro ko baba mede, 28kogwon nan gwon ko luŋasirik mukanat, anyen nye böŋo tu kukuju se parik an se koti ko ’dur i na pirit tomiet. 29Ama a Abarayama waddi adi, Se kulu gwon ko Saresi ti Mose se ko ŋo na wur nebijin kune, ti se yiŋge lepeŋat. 30Ama a nye waddi adi, ’Bayin pon baba Abarayama; ama ko lele lo lo twatwa a tu ko lepeŋat yu, a lepeŋat mo löpuŋge toilyet. 31A Abarayama waddi adi, Ko se ti ’bon yiŋga Saresi ti Mose se ko ŋo na wur nebijin kune, ma ’di ködyö ko lele ŋuto a ŋien i twan a se tine lopukuŋdyö.
നിലവിൽ തിരഞ്ഞെടുത്തിരിക്കുന്നു:
Luka 16: BBE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bari Bible © United Bible Societies, 1979.
