Hanana Enjil 9
9
Bag. 9.
1Wide ter nogbungon zol tinenna turton dugur wekki nalsum. 2Tenna hirani tekki isigsan: „Wo rabi, ni zenbigi awum? Ino? Wala tinen? Wala timbab? Ikke dugran uskitakkingad.“ 3Yesu rudesum: „Wala in zenbigi awkomnum, wala tekk uskeli. Ama artina awdi tedder binew an. 4An̄dogor dan aigi ishinelna awdigi awar, ugres engon. Ugu bitan, tedder zol eske awid wekkongi bawmunum. 5Ai elgon alamir eringon ai alamna nur ter erim.“ 6Ingi werosirgi ariddogor tufos jumbudted sibe wekki awos dugurna misichigi tekked kasos wetirsum: 7„Silwamna dolir ju ewir.“ — Silwamgon ishinbul ane teran. — Teddo jurgi tenna misichigi ewiringad analingon rejae tasum.
8Kan arichi wide ter dugranos abeddingon naleli wesan: „Eleken in ter termunu indo tegos abeddel?“ 9Werigon wesan: „Ter term an.“ Echeli werigon wesan: „Ila, ter galigm an.“ 10Ama ter wesum: „Ai ter terrim.“ Tekki wetirsan: „Mine enna misichi kustakkisande?“ 11Man rude wide wesum: „Zol wekki Yesuw eran. Ter sibe wekki awos wide anna misichigi kasos wedensum: ‚Silwamna dolir jurgi ewir an.’ Tedder jurgi ewirsin kello nalsim.“ 12Tekki wetirsan: „Won man saïre?“ Ter wesum: „Ai aïyirminim.“
13Owolloton dugr esingi kiyed Farisichinai tasan. 14Yesu sibegi awirgi tenna misichigi kasisinna ugros samte esum. 15Farisichigon tekki isig wetirsan: „Mine er analin?“ Ter wetidirsum: „Sibe wekked anna misichigi kasossinn aharro ewirsim. Wide anallin.“ 16Bagid wer Farisichirton wesan: „In zol artindimnum, mine samtegi ahafademeningad.“ Echeli weri wesan: „Won mine zol zenbikol wer eske ayachi in galgiligi bawin?“ Wide ittiwrin barer bagbusan. 17Wide dugurki wetirsan: „Won er enna kidir mingi tedder wen, enna misichigi kussinna joro?“ Ter wesum: „Nebim an.“ 18Yahudichi amnekomnan ter dugr esingi wide misigi elsingi, tekki uskeligi uwedtaïr isigirranbokon. 19Tirgi isig wetidirsan: „In inna tod terre, ir awerun dugran uskitakkisum an? Won mine eleken analin?“ 20Tekki uskeli rude wesan: „Ar aïyirrun in anna tod ter engi, wide dugran uskitakkisingi. 21Ama mine eleken analingi aïyirmunun, wala tenna misichigi kuselgi. Ter dulum. Tekki isigwe! 22Ter tennewertin joro bibainin.“ In weregi tekki uskeli wesan Yahudichigi sarkos. Mine Yahudichi ittiwrigodon urki digred agsan, ter on zol wer shehedekin tekki komisbul term an, jamarton turtakkin an. 23Inin joro tekki uskeli wesan: „Ter dulum. Tekki isigw“ an.
24Owittiged dugr esingi uwetir wide wetirsan: „Artigi mejide. Ari iyirrun in zol zenbikol engi.“ 25Man rudergi wide wesum: „Ter zenbikol ekin, ai aïyirminim. Ama haja wekki iyirrin, ai dugr esingi, wide eleken anallingi.“ 26Tekki wetirsan owittiged: „Mingi ekked awum? 27Wide mine enna misichigi kusirsum?“ Rudetidirsum: „Irgi wetidiroskosim, wala iri agijirmunun. Mingir owittiged gijrarki abirigru? Wala iri abirigrun tenna hiraniyandungi?“ 28Tekki didirgi wetirsan: „Er manina hiranum. 29Ama ari Musena hirani erun. Ari iyirrun Musegodon arti bainsingi. Ama ing ankin, ar aïyirmunun ter sayerton engi.“ 30Id rude wetidirsum: „Inder inna were ajibum, ir tekki sayerton engi aïyirmunun, won ter anna misichigi kusel. 31Won ari iyirrun arti zenbikolgi agijiyirmeningi. Ama wer on artigi tegyekin wide tenna amurki awkin, in zolgi agijirtirin. 32Dunyana kelloton gijirtakkikomnum dugran uskitakkibul wer misigi elsingi. 33In on artinaitonmenkin, eskergi haja wekki bawkomnum.“ 34Rude wetirsan: „Er zenbi sudted uskitakkisum enna jita maleged. Wide er argi bikurkidina?“ Tolergi bochigir osossan.
35Yesu gijirsum tiri tekki bochigir turossangi. Tekki eledirgon wide wetirsum: „Er aamnena artina todted?“ 36Man rude wesum: „Ni terre, wo anna tirti? Tekked amn erin.“ 37Yesu tekki wetirsum: „Er tekki nalsum. Wide ekkodon abainil teran.“ 38Wide id wesum: „Ai aamnerin, wo anna tirti.“ Wide sejdetirsum.
39Yesu wesum: „Dinadnai ai tasim in alamir, dugrigi nalw an, wide analeligi dugranw an.“ 40Ingi gijirsan Farisichi tekkodon dareli. Wide wetirsan: „Argon aba dugri erua?“ 41Yesu tirgi wetidirsum: „Ir on dugri ekokrun, indogor zenbi wer dakomnum. Ama eleken ir awerun: ‚Ar anallu an.’ Inin joro inna zenbi idder kewidbun.“
നിലവിൽ തിരഞ്ഞെടുത്തിരിക്കുന്നു:
Hanana Enjil 9: XNZ1912
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1912.
