Joannostir 5
5
Džeļ, 5.
1Pošļi dava isis Judengo svenkos, Te jāvdža Iisusos ane Ijerusaļima.
2Iisi ane Ijerusaļima ke bakrengīri porta moribnaskīro, savo Juditkes denas goli Vifezda#5, 2 lačo džesko khēr., ke saji isis pandž čhakirde andredžabnaskīre.
3An lenge pašle bāro giniben nasvale, korore, langale, telešučine, žakirindoi paņingesko čhalaiben.
4Hai Rasko Jaņolos po brīži nojāvelas ano moribnaskīro te začhalavelas paņing; te kon pšeršo nodžalas ano paņing pošļi paņingesko čhalaiben, dova visaščolas, mejalas sav nazvaliben javindoi.
5Doi isis mānuš, ano nasvaliben lačapes trijanda te ohto berš.
6Iisusos, dikhel les pašles te uzdžinindoi, so jov doi hāra pašlo, rakirla leske: kamesa jās sasto?
7Nasvalo otphendža Leske: jake, Raija; ne mange nāni mānuš, savo andremukhel man an do moribnaskīro, kedi čhaladžolapes paņing, ne kedi me dojāvava, vār uže nogija angil mange.
8Iisusos phenela leske: ūšti, le tīro čhiben te dža.
9Te jov zāras jača sasto, te lija pesko čhīben, te gija. Isis dava ano kurkesko dīves.
10Pe dava Judi phendle visačkirdeske: da dīves kurko; načhebi les tuke čhiben.
11Jov otphendža lenge: kon man saščakirdža, dova mange phendža: le tīro čhīben te dža.
12Lestīr phučle: kon dova dasav mānuš, savo phendža tuke: le čhiben tīro te dža?
13Visačkirdo hai nadžindža, kon Jov: Iisusos zagija maškir do mānušenge, saje doi isis pe do štetos.
14Pošļi dova Iisusos lača les ane khangīri te phendža leske: dik, tu visaščandijan; nagrehini butir, sobi najačel tusa so hindedīr.
15Da mānuš gīja, te viphendža Judenge, so Iisusos dova isi, kon les kerdža sastes.
16Te līne Judi goiņinen Iisusos, te rodīne domaren Les vašo dova, so Jov kerdža dasaj buti ano kurko.
17Iisusos phendža lenge: Dād Mīro žin kana kerla, te Me kērava.
18Te oščo butīr rodīne domāren Les Judi vašo dova, so Jov na feņu kurkesko dīves nasvenčini, ne Peskīre Dādeske dela goli Davles, te kērindoi Pes ravnes Devēlesa.
19Pe dava Iisusos phendža: lašņes, lašņes phenava tumenge: Čhāvo niso našti kērel Kokoro Pestir, keļi nadikhela Dād so kerla: hai so kerla Jov, dova Čhāvo nin kerla.
20Hai Dād miļini Čhāves te sikavela Leske sāro, so kerla Kokoro; te sikavela Leske bāredīr buča dalendir, jake so tume dživinenatumen.
21Hai sir Dād džangavela opre mūlen te džidžakirla, jake Čhāvo džīdžakirla, kones kamela.
22Hai Dād te nasendini nikones, ne sāro senduma otdija Čhāveske,
23Sāre merožinen Čhāves, sir rožinena Dādes. Kon narožini Čhāves, dova narožini Dādes nin, kon Les bičadža.
24Lašņes, lašņes rakirava tumenge: kon Mīro lav šunela te pačala Doleske kon Man bičadža doleske isi sajek džīben; te po sendos najavela, ne pšegija šmerčatir ano sajek džīben.
25Lašņes, lašņes rakirava tumenge: javela brīža, te kana isi, kedi mūle šunena glos Davleske Čhāveskīri te, kedi šunena, džīdžona.
26Hai sir Dādeske isi džīben Kokoreske an Peske, te jake dija Čhāveske džīben Kokoreske an Peske.
27Te dija Leske moca vilidžal sendos nin, vašodova so Jov isi mānušano Čhāvo.
28Nadžīvinentumen vaša dava; hai javela brīža, an saji sāre, saje isi ano grobi, šunena glos Davleske Čhāveskīri.
29Te vidžana auri lačo kēribnaskīre ano opre uštiben po džīben, ne hindo kēribnaskīre — ano opre uštiben po senduma.
30Me niso našti kērav Kokoro Mandir. Sir šunava, jake sendinava; te sendos mīro isi čačo; te Me narodava Mīri voļa, ne voļa bičaibnaskīri Man Dādeskīri.
31Keļi Me švatkina Kokoro Mandir, togi švatkuma Mīro nāni lašņo.
32Isi vār, sav švatkini Mandir; te Me džinav, so lašņo do švatkuma, savo jov švatkini Mandir.
33Tume bičadle ko Ioannos; te jov švatkindža lašņumastir.
34Ne Me na mānušendir lava švatkuma; ne dava rakirava vašo dova, sobi virakhentumen hindipnastir.
35Jov isis aizhačkirdi švatlo momoli, švatlindoi; ne tume kamdle tikni brīža pohotņakirentumen ke lesko švatluma.
36Mange isi baredīr švatkuma Ioannoskīrestir; buča, saje Dād dija Mange mekērav, da kokore buča Mandir kerde, švatkinena Mandir, so Dād bičadža Man.
37Te bičaibnaskīro Man Dād Kokoro zašvatkidža Mandir. Ne tume ni glos Leskīri ņigdi našundle, ni Leskīre jakha nadikhle.
38Te nāni tumenge lava Leskīre jačhibnaskīre an tumenge; vašo dova so tume napačana Doleske, Sajes Jov bičadža.
39Viroden čhinibena: hai tume dufinena druh lenge dolen sajek džīben; ne jone švatkinena Mandir.
40Ne tume nakamena javen ke Me, sobi jāl tumenge džīben.
41Nalava slava mānušendir;
42Džinav tumen: tumenge nāni an kokorenge miluma ko Dēvel.
43Me jāvdžom an Mīre Dādesko lav, te nadolena tume Man; ne keļi vār jāvela an pesko kokoresko lav les tume dolena.
44Sir tume vašti pačan, kedi jek vavrestir dolena slava, ne slava, saji isi jeke Davlestir, na rodena?
45Nadufinen, so Me tumen dava, skarga āngil Dāvleske; isi pe tumenge skarga dibnaskīro Moisejos, pe koneske tume žakirna.
46Keļi tume pačandīnesis Moisejoske, togi pačandīnesis Mange nin; vašo dova so jov čhindža Mandir.
47Keļi leske čhinibnange napačana, sir pačana Mīre lavenge?
നിലവിൽ തിരഞ്ഞെടുത്തിരിക്കുന്നു:
Joannostir 5: LET1933
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© British and Foreign Bible Society 1933, 2016
