METIU 8
8
Jisunii mei hangniniigo tii mbi kapyii
(Mrk 1.40-45; Luk 5.12-16)
1Mpounii zang gam teito tat hum sek-kii, meimoinii mpou-tai swi wotakle; 2sateichii Julo, Mpara katiimei hangninanii Mpouda gong kok-kumsii tamle, “Bangpii nangnii mazhiisei leponii n-gu tiimatei wobuile.”
3Teito mpounii bah ntaapat mpougo dengsii tamle, “Inii mazhii takle, matei wolo.” Sateichii teisek-kii mpounii Mpara tiisii kalei tei matei wotakle. 4Teito Jisunii mpou dakii tamle, “Nang meidakado tam mpat sulo; nlenii tat tulo Atingmei dakii maasii gopum tei mangou ailo, sateichii ahnyii dakii sakchyii pyiitang karam jangpii, Moses mah ajaitingshang taiswisii karat tang karam pot tei pyiitoi ailo.”
Jisunii Rom ki kadimeiki kaleimei hangniniigo tii mbi kapyii
(Luk 7.1-10)
5Sateichii Mpounii Kaiparnam ki liit kalutai, saryiimei mei-hai phyii- ryii kasatmei hangninanii Mpouda gong matasii tamle, 6“Bangpii, guki kaleipii tei pum-pei taisii zyii gamto zyiisii hangkapii kamagesii bam takle.”
7Jisunii mpou dakii tamle, “Inii gong mpougo tii mbipyii tangle.” 8Nlenii saryiimei mei hai phyiiryii kasatpii teinii Mpougo khekalatle, “Bangpii, Inii n-go guki kalung gong- matu kajyii makle; nlenii samkang tei roinii tamsei leponii, guki kaleipii tei biwo buile. 9Kadapokii I-do teimaham kajum mei kangto kalei mei hangniniile sateichii gu kangto saryiimei leile, sateichii Inii mei hangninii dakii, ‘tat tulo’ sek-kii mpounii tatle; kakimei hangninii dakii ‘patlo’, sek-kii, patle; sateichii guki kaleimei dakii, ‘ai tiilo,’ sek-kii tiile.”
10Jisunii teitei shii wosek-kii mpounii sung gasii, Mpou tai swikalei mei hangdakii tamle, “Inii gonyii dakii kasangpii tam leile, Isrelmei kak kitodo ai takumpiinii kamalum mei hangninii kado Inii ngoumakle. 11Inii gonyii dakii tamleile, leimik kapat lamto sateichii leimik kaliit lamto mei hangkii gongsii Abraham, Isak ninado Jakob go kaswisii takbai kitei bam tangle sating gam sazyii kito; 12Nlenii Sagong sazyiiki gongliit kajyiimeigo saba mah kamyii kiteikii toikai aitangle, teibam kiteito hatsii, ghii kagetsii bam tangle.” 13Sateichii saryiimei mei hai phyiiryii kasatpii dakii Jisunii tamle, “Tat tulo, nangnii kamalum taiswisii gojangpiinii tiipyii tangle.” Teisek-kii mpouki kaleipii tei biwo takle.
Jisunii mei hangkago tii mbi kapyii
(Mrk 1.29-34; Luk 4.38-41)
14Jisunii Pitar ki kagong kak, mpou-hnei riirhiisii zyiikalei tei ngou wosii, 15Mpounii mpoupei bah tei deng sek-kii, kariirhii tei gatakle; sateichii mpoupeinii gungtu wosii Mpougo nga ngatu takle.
16Sateichii tingkhiilam liit sek-kii, sara kashyii kaswi kaleimei hang- kago ahnyiinii mpouda pang gong takle sateichii samkang hangninii piinii sara kashyii hang gotei baatoi pyiisii rakanimei hang gotei tii mbipyii takle. 17Lungkakalingpii Isaiyago tam matu katu, “Mpounii nyii mah katchii kanhii poitoi pyiile ninado nyiimah rakashyii hang kito mpatpyiile” katu ai gong matwi matu tang karam jangpiile.
Jisutai kaswimei tiitang karam
(Luk 9.56-62)
18Aitoinii Jisunii mpougo magui kalei meimoi tei ngou wosii, mpounii mpou-bou meigo dwijai lugang kaa majupat matutang karam jangpii mwija pyiitakle. 19Sateichii Ajaiting- shang kati ojamei hangninanii mpouda gongsii tamle, “Madhii kapyiipii, Nangnii katat lyii hangki Inii gotai switangle.”
20Jisunii mpou dakii tamle, “Sa- ramii kounah mah ki kachet bamle, sateichii sating gam ruinah hang mah mathiit leile; nlenii meinah sapfii mpou mah phyii nkum tang karamni gale.”
21Sateichii boumei kak kiteito kaki hangninanii mpou dakii tamle, “Bangpii, n-gu maasii gu pfiigo tiigoi rei maleilo.”
22Nlenii Jisunii mpou dakii tamle, “Gutai swi wolo, sateichii kataimei teinii ahnyiimah katai gotei tiigoi matulo.”
Jisunii tingkai tingrot go kanam
(Mrk 4.35-41; Luk 8.22-25)
23Jisunii malyii lung liit-to takle, sateichii mpou boumeinii mpougo kaswisii tat tutakle. 24Sateichii julo, dwijai kitei tingkai tingrot gongsii, malyii tei tingkaigo kaswisii n-now kapi dwi teipiinii gomnei wotakle; nlenii Jisunii zyiisii bamle. 25Teito ahnyiinii patsii mpougo makeng matusii tamle, “Bangpii, nyiinii gane leitakle.”
26Teito mpounii ahnyii dakii tamle, “He kamalum kagamei, gonyii dajangpii hing leipo?” Teito Mpounii gungtu tingkai ninado dwijai gotei ntak tulo sii kakhat takle; teito manoi majung takle.
27Sateichii meihang teinii sung gasii tamle, “Tingkai ninado dwijai katangpiinado mpougo katam swikalei ai kada kakum meipo?”
Sara kashyii kaswi kalei mei hangnago Jisunii tii mbi kapyii
(Mrk 5.1-20; Luk 8.26-39)
28Sateichii mpounii Gadara sa- zyiiki dwijai lugang tei gong sek-kii, roubam kito kapat sara kashyiinii chyiitat kalei mei hangnanii mpougo kadou wotakle. Ai mei hangna aigo hangkapiinii ngoukahing jangpii teiki pwidi tei mei kaniido tat hing takle. 29Sateichii julo, ahnyiinii saa mpatle, “He Saraa nah Sapfii mpou, nangnii nyiigo kaswisii kadapei tiitang karam leipo? Tinglang tei gong kasunakii nangnii nyiigo tiimagapyii lesii aiki gonglei takpo?”
30Ahnyii dato chengniikii dhii- haisii Bak koi hangninii thok-chiisii leile, 31sateichii sara kashyii hang- teinii mpou dato khangle, “Nangnii nyiigo baa mpat leponii, bak koi dateikii nyiigo lang maliit seilo.”
32Sateichii mpounii ahnyii dakii tamle, “Tat tulo,” teipiinii ahnyiinii pat tosii bak koi datei liit to-takle. Sateichii julo, bak hangtei pangchot kiteito dwijai kitei kachot liitsii dwi kito tai takle.
33Sateichii bak kakoimei teinii pakmaa namdi kitei liitsii, pat kalei hang ninado sara kashyiinii chyii- tatsii kalei mei mah kaang kito tam mangou takle. 34Teito julo, namdi kito kalei mei hangteinii Jisugo ka- doutang karam jangpii tatpat takle; sateichii ahnyiinii mpougo ngou wosek-kii, ahnyiinii mpougo ahnyii mah sazyii kiteito tat tuseilosii khang takle.
നിലവിൽ തിരഞ്ഞെടുത്തിരിക്കുന്നു:
METIU 8: NAG2
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Maram Naga, KARANU KABI SAMTAM © Bible Society of India, 2007.
