METIU 7
7
Meigo samtak katii
(Luk 6.37-38, 41-43)
1“Gonyiigo Samtak tiikasu tiisii meigo samtak tiisulo. 2Kada- pokii gonyiinii meigo samtak katii takumpiinii Saraanii gonyiigo samtak tiitangle sateichii gonyiinii meigo kapyii zhiikii nangnii doutangle. 3Gomik ki tinglong kadi kalei tei tisupiinii, gosanapii mik ki kara kalei tei dajangpii juleipo? 4Gomik ki tinglong kadi leibangpiinii, gosa- namei dakii ‘gomik ki kara kalei tei Inii poitoi seile, sii kada takumpii nangnii tam wotangpo? 5Kabijai katiimei, nangnii gomik kito kalei tinglong kadi tei reipii poitoilo, teito nangnii gosanamei mik kito kalei kara tei poitoi sei tang karam jangpii matei sagaisii ngou tangle.
6“Kamatei pot tei Achyiigo pyiisulo sateichii mai kating sana kangtei bak doikii toikai pyiisulo, ahnyiinii pipii kapiidiit tangle satei- chii nryiigong n-go deng aitangle.
Khanglo, fiilo ninado kakhiilo
(Luk 11.9-13)
7“Khanglo, gonyii dakii pyii tangle; fiilo gonyiinii doutangle; sa- teichii takam kakhiilo, gonyiigo laat- pyii tangle. 8Kadapokii kakhangmei hang dakii pyiile, kafiimei hangnii doule sateichii kakhiisii kalei mei hang dakii laatpyii tangle. 9Gonyii kak kito tapiinii, Mpou nah sapfii mpounii tiirok kakhang kak mpou dakii kuitu pyii leipo? 10Mak-kii Mpounii kaa khang dinchii mpou dakii sanhii pyii leipo? 11Teipiinii gonyiinii shyiisii lei kido gonyii nahmei dakii luha kabi pyiiti lepo- dinchiinii, sating gamto kalei gonyii Pfii teinii Mpou dato khangsii kalei ahnyii hang dateikii kadaziikapii kisii kabi pot hangtei pyiitangpo?
12“Teijangpii mei kakimeinii gonyii dakii tiisei matu kanyii hang- tei gonyiinado ahnyii dakii tiipyiilo; kadapokii Moses mah ajaitingshang ninado Lungkakalingmei mah ralikapyii akaang tei aile.
Pwidi kamarum
(Luk 13.24)
13“Pwidi kamarum kiteito liitlo, kadapokii Mibamki pangliit tang karam takam teinii majale sateichii pwidi teinii malahle; sateichii teikito kaliitmei teinii hangkiile. 14Kada- pokii karing bamki pangliit tang karam takam teinii marumle, sateichii pwidi teinii hungle sateichii teitei kadoumei moimakle.
Ruibang ninado ahmah riiti
(Luk 6.43-44)
15“Jao natkai kakai, nlenii lung- tonii sanyii lung pungsii gonyiida kagong Lungkakalingmei dateito sakai wolo. 16Gonyiinii ahnyiimah riiti kiteito ahnyiigo titangle; tubang gamto darkhati sateichii tiiratbang gamto kadiit ti rikai leipo? 17Teipiinii ruibang kabi hangteinii riiti kabi mati leile, nlenii rwibang kashyii hangteinii riiti kashyii mati leile. 18Rwibang kabinii riiti kashyii sateichii ruibang kashyiinii riiti kabi matipei wolakle. 19Riiti kabi mati kasu ruibang hang gotei bitoi aisii mi kikii toikai aitangle. 20Teipiinii ahnyii mah riiti kiteito gonyiinii ahnyiigo titangle.
Inii gonyiigo tisang timakle
(Luk 13.25-27)
21“N-gu Bangpii, Bangpii sii kalat mei hangteinii sating gam sazyiiki liit lakle, nlenii sating gamto kalei gu pfiinii kamaning kamazhii tiisii kalei mei teinii liit tangle. 22Teipiinei leimik mei hangkanii gudakii tam tangle, Bangpii, Bangpii, nyiinii gozei kito Saraa sam saa mpat makde, go zei kito sara kashyii go baatoi makde, sateichii go zei kito mei tiikalak sung kaga tha hangkii tiimakde? 23Sateichii teitinglang kak Inii ahnyii dakii madupii tam tangle, Inii gonyiigo tisang timakle, he kashyii kahong tha katiimei, gudato tat tulo.
Ki katiimei hangna
(Luk 6.47-49)
24“Teipiinii gumah samkang hang ai shii wosii katam swikalu meihang teinii kasakaimei hangninanii kuitu kadi gamkii mpou-ki tiimakhii kalu takumle. 25Sating ryii takle sateichii dwidigong takle, tingkai gwigong takle sateichii ki gotei rot takle, nlenii kuitu kadi phyiiryiikii kitei tiikabam jangpiinii kousutakle.
26“Sateichii Gu mah samkang hang ai shii wosii katam swikasu meihang teinii swi kagamei hangni- nanii kangneng phyiiryiikii mpou-ki tiimakhii kalu takumle. 27Sateichii sating ryiigong takle, dwidigong takle, tingkai gwigong takle sateichii ki gotei rot takle; sateichii teitei koutakle ninado teimah kakou tei akou kashyii koutakle!”
Jisumah pumtei
28Jisunii ai tamsang ai sek-kii, mpounii ralikapyii kiteito shii wosii meimoi teinii sung gatkle; 29Kadapokii Mpounii ajaitingshang kati ojamei takum supiinii teimaham kajum mei takumpiinii ralipyiile.
നിലവിൽ തിരഞ്ഞെടുത്തിരിക്കുന്നു:
METIU 7: NAG2
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Maram Naga, KARANU KABI SAMTAM © Bible Society of India, 2007.
