लूका 4-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

थेरू चुक सिन टिबा ओताने सासीन “प्रभु परमेश्‍वरगी ङाला थे खोरोङ आत्‍मा बिन्‍दा ओत। थेकी ङाला छ्याःङ मेताते मिओनला गा लाङच्‍येते बात लोपाला खटे खाबाते ईन। दोस्‍यिककामा मेन, थेकी ङाला जेलदु देता ओत्‍कानला था थेरूकी थेन्‍दा ङेत्‍क्‍यो सिन सि, अन्‍धओनला थोङा थुप्‍च्‍या जो, ज्‍येनगी अन्‍याय खाईन दुक्‍पा ङेताते मिओनला दुक्‍पादुकी ठोल थेमे प्रभु परमेश्‍वरगी मिओनला पापताङ दुक्‍पादुकी टाल्‍ला लेमु खित्‍च्‍येते बेला लेप्‍सुङ सिन सिराला ताङाते ईन,” सिन टिबा ओतान।

थेकी थोक सिरजीन येशूकी “परमेश्‍वर बातला ‘प्रभु परमेश्‍वरला माने खिओ सिन से खि। थेमे थेलाकामा माने खिता फाप्‍क्‍यो,’ सिन साबा ओत,” सिन सिदुक।

थोक सिरजीन येशूकी “ङा दोक मिक्‍किओ। च्‍यिला सासीन परमेश्‍वर बातला ‘मि जुनीला गाङे भन्‍दा छ्येते बात साच्‍या थुङच्‍येते मेन,’ सिन साबा ओत,” सिन सिदुक।

परमेश्‍वर आत्‍मा ङेत्‍कीन येशू परमेश्‍वर आत्‍मेकी खाङाते मि ओङा ओतान। थोक ओङनामेई परमेश्‍वर आत्‍मेकी थेला यर्दन चाङबोदुकी रीला टीकीन खेरसुङ।

थोक सिरजीनोङ येशूकी थेला “ ‘प्रभु परमेश्‍वरगी साबा च्‍योकराङ खित्‍च्‍या ईन्‍दाकाना मेन्‍दाका सिन नोमुङ थे सेम ता मेङगो,’ सिनोङ परमेश्‍वर बातला टिबा ओत,” सिन थेकी खि साबाते छ्याःङ माङेन्‍सुङ।

थोक खाईन जस्‍तो खाला लुजीनोङ येशूला थे खोरोङ छ्य्‌वापा लै खित ज्‍युता माथुपेकी शैतानगी टिक्‍पी दिन थेला ल्‍वापराङ ताङसुङ।

थेमे शैतानगी थेला आउदी थोम्‍बोज्‍यीक बोमदु खेरगीन च्‍याकीन रकस्‍यिकला दि सा लुङबा खाङ ओताते जोदाते टेक्‍टेते लुङबा गाङे तेन्‍सुङ। थेमे थेकी “ङा खोल्‍ला ङे थाल्‍ला तेन्‍दाते लुङबा गाङेला राज्‍य खित ज्‍युत्‍क्‍यो। थेमे दि लुङबा लुङबाला ओताते सम्‍पत्ति गाङे खोल्‍ला तेरग्‍यो। दिबा गाङे ङाला बिन्‍दाते ईन। दि गाङे ङाराङला सुला तेरा सेम लाङगीका ङा थेलाराङ तेरग्‍यो। थोगी खुई ङाला माने खिओ सिन से खासीन खुई थाल्‍ला थोङाते जति गाङे खुईतेराङ ओङगो,” सिन सिदुक। थेकी थोक सिरजीन येशूकी “परमेश्‍वर बातला ‘प्रभु परमेश्‍वरला माने खिओ सिन से खि। थेमे थेलाकामा माने खिता फाप्‍क्‍यो,’ सिन साबा ओत,” सिन सिदुक।

याङराङ थेकी येशूला यरूशलेमपा खेरगीन परमेश्‍वर मन्‍दिर टुप्‍पो लाक्‍तु जेत्‍कीन “खो परमेश्‍वर फुज्‍युङ मेनरो? लो दुरूकी फाल ग्‍योप। च्‍यिला सासीन खोल्‍ला छ्याःङ मेलेबा मेङगो सिन परमेश्‍वर बातला दोक सिन टिबा ओत। चुक सासीन ‘खोल्‍ला जोए खिताला परमेश्‍वरगी थे खोरोङ दूतओन तोङगो। खुई काम्‍बा दोई लाक्‍तु माफाप्‍स्‍यीत थेमे खोल्‍ला माज्‍यीगोङ मोथोत्‍स्‍यीत सिन परमेश्‍वर दूतओनगी लाक्‍पा सेत्‍ला खोल्‍ला जिन्‍ग्‍यो,’ सिन टिबा ओत,” सिन सिदुक। थोक सिरजीनोङ येशूकी थेला “ ‘प्रभु परमेश्‍वरगी साबा च्‍योकराङ खित्‍च्‍या ईन्‍दाकाना मेन्‍दाका सिन नोमुङ थे सेम ता मेङगो,’ सिनोङ परमेश्‍वर बातला टिबा ओत,” सिन थेकी खि साबाते छ्याःङ माङेन्‍सुङ।