लूका 3-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

थे खोरोङला जेलला लुबा भन्‍दा गोमा बप्‍तिस्‍मा नाङ सिन ओङकान्‍ते मि गाङेला यूहन्‍नेकी छ्युला लुगीन बप्‍तिस्‍मा बिन्‍सुङ। थेमे येशूङ बप्‍तिस्‍मा लिन्‍दाला वानामेई थेकी थेलाङ बप्‍तिस्‍मा बिन्‍सुङ। बप्‍तिस्‍मा लानामेई येशूकी परमेश्‍वरला प्रार्थना खिते बेलाला स्‍वर्गे गो फेत्‍सुङ। थेमे थेनेकी परमेश्‍वर आत्‍मा गन्‍दीमा च्‍य्‌वाबेई गाल्‍गीन वाकीन येशू लाक्‍तु फाप्‍सुङ। थेमे स्‍वर्गनेकी “फुज्‍यो, ङा खोल्‍ला आउदी ङिङज्‍ये खिओ। ङा खोत्ताङ आउदी खुशी ओत,” सिन परमेश्‍वरगी साबाते बात थोसुङ।

थे बात छ्या स्‍येकीन यूहन्‍नेकी “ङानी ख्रीष्‍ट मेन। थेनी थाका ओङगीन ओत। थेचेन ङा भन्‍दा खापान खापान छ्ये ईन। सिइराङ सासीन ङानी थे योक्‍पो ओङला काचाप टोल्‍ला तेरालाङ सोई मिक्‍किओ। ङा खालि ख्‍योकोनला छ्युलाकामा लुक्‍ला बप्‍तिस्‍मा तेरग्‍यो। थेकीचेन ख्‍योकोनला परमेश्‍वर आत्‍मा तेरच्‍येतेताङ मेला लुक्‍ला न्‍याय खित्‍च्‍येते काम ङिकाराङ खिओ।

ख्‍योकोनगी खेराङ पापी दुका सिन छ्या स्‍येकीन परमेश्‍वर छ्य्‌वापा लै खाबाते बात थेकी खि साबाते ङेन्‍ला कामगीराङ खाला तेन्‍दा फाप्‍क्‍यो। ख्‍योकोनबरीचेन ङ्योकोननी अब्राहाम सन्‍तान ईन्‍देकी सजाय भोगेराङ खिता माफाबो सिराच्‍योक खाला छ्ये खिदुक। दि बात ङेन। परमेश्‍वरगी खिता चाल्‍सीन ख्‍योकोन साटोलानी उदेङला ओताते दोईतेराङ अब्राहाम सन्‍तान ज्‍वा थुप्‍क्‍यो।

बरू च्‍याङबो खि, फलफूल मोगोन्‍च्‍येते दोङबो चाप्रेनपाराङ टिलाला था परमेश्‍वरगी तरी मच्‍चे खाईन सिन्‍दा ओत। होथोक्‍ते दोङबो था गाङे टिल्‍ला स्‍येइओ,” सिन सिदुक।

यूहन्‍नेकी थोक खित्‍जीन थाङबो परमेश्‍वर बात खित्‍कान्‍ते यशैयेकी टिबाते बात साबा च्‍योकराङ ओङसुङ। यशैयेकीचेन परमेश्‍वर बातला चुक सिन टिबा ओताने सासीन “रीला मिज्‍यीगी छेरा खिनकामा ‘था प्रभु परमेश्‍वर ओङे बेला लेप्‍सुङ। थोगी मिवे, थे ओङगो सिन लेमु खाला लाम जो। थे ख्‍याम्‍बाला लाम सम्‍म जो। डाँराताङ डालुमतेबा पुरे खि। गाङे बोमताङ ठाःकओनोङ राम्‍ला सम्‍म जो। अप्‍ठेरोते लामओनोङ ख्‍याम्‍बा थुप्‍च्‍या जो। थेमे परमेश्‍वरगी पापताङ दुक्‍पादुकी चुक खाला डेल्‍च्‍या ईन्‍दाका सिन सा लुङबा खाङगी मि गाङेकी छ्या स्‍येक्‍यो,’ सिन सिओ,” सिन टिबा ओतान।