DUUCA 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

—Mönaatata she’coto’cä ai owoomomöödöcoomo encano’tätääcä. Yääje wä’döa äwwäiñe, jooje naato’de töwoomomö’sa’como; omomjai’chaane.

Yäätä cönä’jaacä wodi juujatonnoto de’wä aaudwaawä wedu odo’sha woije chäädäicha’jödö. Tommodhe töwämmannä’e cönä’jaacä, esa’duminchajai’cha. Ñäädä eneea’jäcä Jesuuquidiito wwä, töwö cöna’dejjai; cönä’döaacä chäwwä: —Amäädä wodi, töwääjichö’tä ma eduuwa; quee cönä’döaacä.

Yaawä töwö Jesuuquidiito tamäädö cönnöi ye’wä. Yaawä dea mma ñäädä wodi cöneesa’duminchai. Aashicha Wanaadi jäcä cöna’deuwöi yaawä.

Yaawä ema’jödööje naatoodö dhantai täneejuque naato’de. Ñanno eduuwa täneejuque naatoodö mmaane dhantai ema’jödööje naato’de; quee cönä’döaacä Jesuuquidiito soto wwäiñe.

Maa edhaajä wwä mönaatata a’dua’jäcä änwanno jödo’na määdantaato’de yaawä, mönaatata a’ducaajodööje. “Cajiichaana, ñaa wwä a’ducaacä;” quee mä’döaato’de. Yaawä töwö adheccujä’aato’de: “Yoowanääcä’da maato, äshancomo ca änwannodö jääcä;” quee nä’döa’de.

Ng’jn, yääje’daane. Chäänönge yääje wä’döa äwwäiñe, tameedä änwanno mmaja, ätö’tajäätödööcomo änsa’dumincha’da aweiya’comjäcä, chäänöngeiñe mmaja männanö’ato’dede; que cönä’döaacä Jesuuquidiito.

Töwö adheccujä’ato’de yaawä: “Yoowanääcä’da maato, äshancomo ca änwannodö jääcä. Ojoncomo jonno, änwanno conemjönö dönnamo;” quee maa edhaajä nä’döa’de äwwäiñe.

Yaawä Jesuuquidiito cönä’döaacä: —¿Ane’cäämö nönge Wanaadi cajiichaanaje yeichö nai, quee ’ja? ¿Ane’cäämö yö’seenoje ecammato’me nai, quee ’ja? Wishu adöödö töweiye naichöje na, dhanwa niñaatö’tä’jödö tönaudä’jödö aca. Yää a’tajai ña yaawä adai’jä tödööene, dee wa’cä. Tadiiñaamo taiñamöichomo amääjai yaawä dhajäädö jäcä; quee cönä’döaacä Jesuuquidiito.