DUUCA 12-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Chäänönge mmaja änwanno, äädai’chätääcä; Soto nnedö ne’a’de ätö’tajäätödööcomo ’nawä; quee cönä’döaacä Jesuuquidiito.

Wanaadi acaajichaanaichomooje tödöödö jäcääne ätäncano’tätääcä. Tameedä yääcomo äwwäiñe nä’tua’dede yaawä.

Edääje mmaja Jesuuquidiito cönä’döa’dea: —Odhoowadäädäiñe eichäcä. Äädai’chätääcä tönsomaaque töwei’she weiña jäcä. Töweichö eneetojoojönö yää tönsomaaque weiñä; quee cönä’döaacä.

Tönsomaadö weichö dö’tä tö’tajä’nä töweiye nai.

¿Änääcö adhantawäiñe tötö’tajäätödö woije mma tooni meetodo annai aatö’nä’jai ñai?

Yää ’jeje Jesuuquidiito cönä’döa’dea tönoowanoomadö wwäiñe: —Yääje yeijäcä yääje wä’döa äwwäiñe, eetä aweicho’como jäcä mma mätäncano’tätäi, yää adheewanshiñööcomo ejoodödö jäcä, owoomöcoomo ejoodödö jäcä mmaja.

Wanaadi dhowaanäcä tameedä aweichöcoomo, äju’jädööcomo jadä’jödöödä töme’cu’tä na chäwwä. Yääje yeijäcä tösaade’da eichäcä; änwanno tujunne’cä maato Wanaadi wwä, jooje tadiiñaamo e’jodhe’cä.

“Tösaade’daane eichäcä, änwanno sootoi, oweeja nönga’como. Wanna’da aweichaameiñe Oomotoncomo acaajichaanaichomooje na.

Jiyau’cwa naatoodö naane’, tönaichöque’da, äämichö’da mmaja, äwanshi shoomadö jäcä etaadawa’cajo’da mmaja, tuduucomo ñeecauto’como ’je’da jadä’jödöödä. Yääje yeichaame Wanaadi töneewashinchä weneeneto ñanno. Änwanno tujunne’cä jeene maato chäwwä, tadiiñaamo e’jodhe’cä jeene.

Yääje yeijäcä maaquiñu’tätäi’che adheewanshiñööcomo ejoodödö jäcä, owoocödööcomo ejoodödö jäcä mmaja.

Jötaadi o’nä tödhau’cwaamöje mma yeichaame Wanaadi woi töniiñataama weneene. Töwaacö’je änwanno owontäjaiñe na, änwanno aneecanö’jöncomoiche.

Tameedä tacaademjönö töweecataamöje na. Tameedä etoone’taajä töwääcatu’nacaamöje na dea.