7 работи што Библијата ги вели за неспокојПримерок

Во животот, ќе се соочиш со многу тешки ситуации. Освен ако не се подготвиш однапред за таква реалност, може да доживееш стрес кога ќе се појават. Еден начин на кој можеш да го победиш неспокојот е да се опкружиш со вистински луѓе - оние кои можат да ти помогнат во таа борба. Ако некој предизвик се чини тежок за да се надмине, можноста да го споделиш твојот товар со некого може да ти помогне, па дури и да го реши проблемот.

Исус ти дава мир на едно друго ниво. Тој е секогаш со тебе, кога и каде да ти треба. Кога животот ти носи предизвици, удобно е да знаеш дека Исус е токму таму со тебе за да ти помогне да ја надминеш секоја пречка. Како што Му се приближуваш, така ќе почнеш сè повеќе да чувствуваш мир - дури и во тешки ситуации…дури и во сред борба со вознемиреноста.

Кога увереноста и надежта ти се во Господ наместо во себе (или во твоите околности), тешкотиите во животот нема да изгледаат толку тешки. Ќе имаш помалку неспокој и ќе имаш повеќе мир затоа што знаеш дека Исус е со тебе без разлика низ што поминуваш. Исто како што зголемувањето на твоето знаење ти помага при испити или проекти, така и зголемувањето на верата ти помага да се потпираш на Исус.

Не мора сам/а да поминуваш низ ова. Исус е тука за тебе. Доведи ги твоите вознемирени мисли пред Него затоа што Тој се грижи за тебе.

Рајан Акерман
Програмер за iOS во YouVersion