7 работи што Библијата ги вели за неспокојПримерок

Во книгата на Римјаните, Павле вели дека во моментот кога ќе исповедаш дека Исус е твој Господ и Спасител, ти стануваш дел од семејството на Бог, и Тој станува твојот Татко. Бог не е обичен татко. Твојот земски татко е човек и грешник. Што значи дека тој те изневерил во минатото…и веројатно ќе те изневери во иднина.

Бог е совршен и добар. Никогаш нема да те изневери. Софонија 3:17 ја опишува неверојатната љубов на небесениот Татко за тебе, велејќи: „Тој е со тебе, ти се радува и воскликнува радосно над тебе.“ Софонија исто така вели дека Бог е твојот заштитник и утешител. „Со својата љубов Тој ќе ги смири твоите стравови.“

Псалм 139 вели дека Бог бил со тебе уште од почетокот на твоето растење во мајчината утроба и ќе биде со тебе каде и да одиш. Ти си ремек-дело на Неговото создавање и Тој е твојата најголема поддршка во патувањето да откриваш и живееш за сѐ за што те создал.

Замисли го ова: бебето лежи во кревет во длабок сон додека бурата расте со интензитет, а ноќта минува. Ненадејно, молња и грмотевици го будат од сон и по плачот за помош, татко полн со љубов трча и ги витка рацете околу бебето. Исто како тој татко, Бог е секогаш достапен за тебе. Со Неговата љубов, Тој ќе ги смири сите твои стравови.

Килин Херсак
Инженер за Android во YouVersion