Исчекор кон ЦелтаПримерок

Истрајност во Вера 

Постојат многу неверојатни херои кои пред нас исчекориле кон целта за да направат разлика, оформувајќи го светот во она што е денес. 

Некои имиња како Нелсон Мандела, Мајка Тереза, дури и Бетани Хамилтон (која покрај нејзиниот инвалидитет никогаш не ги напушти нејзиниот повик и нејзината цел). 

Сите ние можеме да учиме од овие неверојатни лидери, во кои можеме да видиме многу карактеристики што ги истакнуваат како херои. Сепак, сакам да се фокусирам на една карактеристика, која е основна за ‘Исчекор кон твојата Цел’, - а тоа е истрајност во вера! 

Истрајноста може да биде тешка задача во свет полн со негативност - посебно спрема Христијанството и Бог. Но, можеш да бидеш сигурен во едно нешто, дека Бог е на твоја страна! Ако нашиот создател те повикал и ја креирал твојата цел, тој има намера да ја постигнеш. Можеби изгледа поголема од тебе во моментов... и да знаеш дека си во право! Ама дозволи да те охрабрам со приказната за тоа како настана пророкот Еремија и како Бог го повика. 

Преку Еремија глава 1 (на кратко), гледаме како Бог го повикува Еремија да биде пророк не само на неговиот народ, туку на НАЦИИТЕ - страшна задача, нели? Но, Бог поминува преку сѐ за да се осигура и да го опреми Еремија за да ја постигне неговата цел. (Ере. 1:9-14). Искрено, на Еремија му беше зададена тешка цел, но Бог му вети дека никогаш нема да го напушти или заборави.

Преку оваа порака можеме да добиеме осигурување дека Бог има намера да ја постигнеш твојата цел, иако можеби задачата ти изгледа тешка. Може да земеме пример од истрајноста на Еремија, за тоа како да се успее со помош на Бог! Непријателот не може да го допре она што Бог го назначил за нас, освен ако ние му дозволиме. Бог те повикува да успееш во твојата цел бидејки Тој верува во тебе и те створил за таа специфична работа. Тој е со тебе и целиот рај те поддржува! Па, соочи ја играта, продолжи понатаму и не ги слушај лагите и обезхрабрувањата на непријателот. Истрајноста е клучот за остварување на целта што ти е дадена од Бог! 

Ти, личноста што го чита ова, можеш и ќе бидеш херојот кој му е потребен на овој свет, па, охрабри се и слушај го ветувањето што Бог му го даде на Еремија - "„Ќе војуваат против тебе, но нема да те победат, зашто јас сум со тебе и ќе те избавувам“, вели Господ. (Ере. 1:19)

Напишано од Ешли Мејер