Започни од тука | Првите чекори со ИсусПримерок

Mарко 2-3 глава | Избран и опростен

Добредојде пак. Денес ќе ја читаме Марко 2 глава во која се раскажува за една од моите омилени приказни од Библијата, во која Исус дава сериозни изјави, толку сериозни што се доволни да го испровоцираат неговото убиство. Реално секој може да изјави било што, но прашањето е дали Исус ги потврдува своите изјави со докази? Во Марко 2-ра глава, гледаме како Исус поучува во нечиј дом во Капернаум и веста се раширила наоколу. Стих 2:

“И се собраа мнозина, така што немаше веќе место пред вратата; и им го проповедаше Словото.”

Додека Исус поучувал од Словото - Библијата, мноштво од народ се собирало околу Него. Исус секогаш се фокусирал на Божјиот Збор и покрај поучувањето Тој правеше чуда кои ги нарекувал знаци, а знаците не насочуваат кон нешто друго. Совршен пример за ова е денешната приказна. Стиховите 3-5:

“И дојдоа при Него носејќи фатен, кого го носеа четворица. И како не можеа да го донесат до Него, заради народот, го открија покривот над местото каде што беше, и го пробија и ја спуштија постелата, на која лежеше фатениот. А Исус, кога ја виде нивната вера, му рече на фатениот: „Синко, ти се опростуваат гревовите.””

Почекај малку, дали Тој кажа: „Синко, ти се опростуваат гревовите.”?Човекот дојде за да биде исцелен а не за прошка, но Исус знаеше дека нема поголем проблем од гревот и опростувањето. После ова следи делот во кој некои од израелските учители кои биле присутни се шокирале од Неговата изјава.

”Што зборува Овој вака? Тој хули! Кој може да опростува гревови, освен Еден Бог?”(Марко 2:7).

За последниот дел од стихот се во право. Да изјавиш дека можеш да опростуваш гревови значи дека кажуваш дека го имаш авторитетот на Бог што во овој случај би претставувало хулење кога би било лага, што е многу сериозен грев, но Исус знаеше што тие мислат и затоа во стих 9 гледаме дека ги прашува:

“Што е полесно да му се рече на фатениот: ‘Ти се опростуваат гревовите,’ или да му се рече: ‘Стани и земи ја својата постела, и оди!’”

Го обожавам ова прашање. Размисли и ти за ова, што би ти било полесно да кажеш? Лесно е да се каже “Твоите гревови се простени” бидејќи не може да се види кога ти се опростени гревовите, но е невозможно човек да го направи бидејки само Бог може да простува гревови, а да се каже на парализиран човек да “Стане и да си ја земе својата постела и да оди” - е потешко бидејки оваа изјава на сите им го одвлекува вниманието, сите гледаат дали ќе се случи тоа. Во стиховите 10-12 Исус продолжува:

“Но за да знаете дека Човечкиот Син има власт да ги опростува гревовите на земјата, му рече на фатениот: ”Тебе ти зборувам - стани, подигни ја својата постела и оди си дома!” И стана, веднаш ја подигна постелата, и излезе пред сите, така што сите се восхитуваа…

Чудото кое Исус го направи пред сите е прекрасно бидејки парализираниот човек прооде, но да не ја занемариме и поентата која укажува на Неговиот авторитет. Исус го има Божјиот авторитет да простува гревови и тука го докажува тоа. Авторитетот го користи и во наредната приказна за која читаме од стих 13, каде Исус кој поучува покрај езерото го здогледува Левија кој работи како цариник и му пристапува. Цариниците биле корумпирани луѓе кои повеќе си ставале во џеб отколку што предавале на власта, едноставно биле алчни.

Исус му вели: „Врви по Мене!” И тој стана и тргна по Него.”(2:14).

Повторно истите зборови, истата покана, но овој пат Исус поканува грешник - многу лоша личност, а Левиј почнува да го следи! Левиј го кани Исус и Неговите ученици на вечера со уште повеќе грешници. Оваа слика навистина е неразбирлива за фарисеите, кои се религиозните водачи што осудуваат и се самоправедни и едноставно не можеле да разберат што Исус прави со грешниците. Ако Исус е добар учител - раби,

„Зошто јаде и пие заедно со цариниците и грешниците?”

Исус како одговор во стих 17 кажува една длабока изјава: