Дади и значење на твојата работаПримерок

Бог ја употребува нашата работа за Негова цел

Јосифовите соништа се исполнија после многу време поминато во проблеми. Фараонот му го довери на Јосиф управувањето на Египет, а Јосифовите браќа дојдоа да бараат храна од него и да му се поклонуваат за време на гладот незнаејки дека го бараат тоа од нивниот брат. Господ ги употреби седумте години поминати во изобилие и другите седум поминати во глад за да го донесе својот народ во Египет за да побараат помош. Господ ја употреби ситуација во која Јосиф се најде моментално за да го исполни Својот план.

Браќата на Јосиф се плашеа дека тој ќе сака да ѝм се одмазди откако татко ѝм Јаков почина, но Јосиф во тие моменти остана фокусиран на Божјата цел и ѝм кажа, „Вие смисливте зло за мене, но Бог го сврте тоа за добро […] за да се зачува животот на многу луѓе” (Создавање 50:20). Јосиф можеше да види само мал дел од тоа како тој се вклопува во големата слика на Бог што денес ние можеме да ја видиме преку Библијата. Еден ден, тој ќе дознае колкав бил неговиот придонес за спасување на човечките животи. 

Јаков 1:2-3 кажува, “Радувајте се, браќа мои, кога ќе паднете во разни искушенија, знаејќи дека проверката на вашата вера создава трпеливост”. Ние создаваме можност за Бог да направи неверојатни нешта преку нас кога покажуваме вера додека поминуваме низ тешките периоди. Важно е да веруваме дека Бог може и ќе ја употреби ситуацијата во која се наоѓаме за да го изгради нашиот карактер, да нѐ зацврсти и да даде резултати кои самостојно немаше да можеме да ги постигнеме. 

Кога го одржуваме нашиот фокус на Христос, може со сигурност да кажеме дека Бог нѐ употребува за поголеми нешта од што можеме да замислиме. Слично како Јосиф и ние можеби гледаме само малку од начинот на кој што Бог нѐ употребува, но еден ден сите ќе видиме каква улога имала нашата верност во целокупниот Божји план.

Нека ти биде предизвик да Му дозволиш на Бог да те усовршува преку тешките моменти и да го зголеми значењето на тоа што го правиш за Негова слава и исполнување на Неговата цел.

Молитва

Господе Боже, јас знам дека ти постојано работиш во мојот живот преку сѐ што правам и сѐ што ми се случува и те молам да ми помогнеш да го видам начинот на кој мојата работа се вклопува и нејзината важност за во вечноста. Зголеми ја мојата вера и давај ми мудрост за да можам сѐ што правам да биде на најдобар начин употребено за Твоја цел. Во името на Исус. Амин.

За понатамошно истражување

Погледни ги другите посвети во врска со работата од Воркматерс.