Inona no tena maha ianao anao?

Tadidinao ve ilay hira efa taloha hoe “Who Are You”? (Iza moa ianao?)

Io hira io dia mampametraka fanontaniana lehibe izay tsy vitan’ny ankamaroantsika valiana eo no eo. Maro amin'ireo mila tolo-tsaina aty amiko no namaly ny anaram-boninahitra, ny asany, ny diplaoma, na ny fiaviana ara-poko, saingy tsy izany no izy. Jesosy dia nanontany ireo mpianany indray mandeha hoe iza marina Izy :”Ary hoy Jesosy taminy: “Fa ianareo kosa manao Ahy ho iza?”” (Matio 16 : 15)

Marina ny navalin’i Petera, ilay mpanjono be saina sy be fihetseham-po: “Ary namaly Simona Petera ka nanao hoe: “Hianao no Kristy, Zanak'Andriamanitra velona.”” (Matio 16 : 16)

Tsy nifehy izay fiheveran’ny olona Azy I Jesosy. Fantany tsara ny Tenany sy izay tsy maintsy tanterahiny. Tahaka izany rehefa fantatrao ny maha ianao anao–Fantatrao ny antom-pisiana sy anjara voatendrinao.

Fantatrao ve hoe iza ianao? Efa fantatrao koa ve ny adidinao masina? Ny Salamo 139, araka ny ambaran’i Davida mpanjaka: ”Ny masonao efa nahita ahy na dia fony tsy mbola ary fady aza aho; Voasoratra teo amin'ny bokinao avokoa ny andro voatendry, Fony tsy mbola nisy na dia iray akory aza.” (Salamo 139 : 16)

Fotoana izao amantaranao ny tenanao, sy izay antony nokolokoloin’Andriamanitra anao tamin’ny fomba miavaka, sy ireo adidy masina isan-karazany. Te hanome anao marika famantarana lehibe vitsivitsy anao aho:

1. Noforonin’Andriamanitra tao an-kibon-dreninao ianao. Tsy hadisoana ianao.

2. Asa-tanan’Andriamanitra ianao “Hidera Anao aho; fa mahatahotra sy mahatalanjona ny nanaovana ahy; Mahagaga ny asanao; Ary fantatry ny fanahiko marimarina izany.” (Salamo 139 : 14)

3. “Mahay ny zavatra rehetra aho ao amin'ilay mampahery ahy.” (Filipiana 4 : 13)

4. Notolorana fanomezam-pahasoavana sy hery ianao afaka ampiasainao amin’izay asa mitondra fifaliana ho anao. Aza variana mandany vola fotsiny– tandremo ny ADN ao anaty.

Fantatr'i Jesosy fa mitaky olo-mendrika ny fanaovana ny mety. Ao amin’ny Jaona 11 : 25 dia manamafy Izy hoe: “ Izaho no fananganana ny maty sy fiainana; izay mino Ahy, na dia maty aza, dia ho velona indray.” Nitsangana tamin’ny maty Izy satria Izy no fitsanganana amin’ny maty.

Mahomby amin’ny fiainana ianao satria nomena talenta, voahosotra ary tahian’Andriamanitra.

Fahagagana ianao.