Haka ny appMahafantatra Misimisy Kokoa Ny Amin'ny PaskaSantionany
Arahabaina nahatratra ny Andro Fitsanganana amin’ny maty!
Tokony niteny aho hoe Arahabaina nahatratra ny Paska, saingy toa lasan’ny bitro sy sôkôla izany andro izany. Anio no tokony manamarika ny nitsanganan’I Jesosy Kristy tamin’ny maty. I Josh McDowell nilaza hoe Jesosy dia na olona mpandrevirevy, na mpandainga, na Ilay tena Zanak’Andriamanitra tokoa. Ny nitsanganany tamin’ny maty no namaly izany fanontaniana izany.
Niasa tao amina ivo-toerana mitsabo areti-tsaina iray aho taona maro lasa izay, ary nanana fahafahana hihaonana tamina Napoleon sy Mesia iray na roa. Sady nampalahelo no nampihomehy izany. Onena an’ireo fanahy ory izay very saina sy ny maha izy azy marina ireo aho. Jesosy avy any Nazareta koa tokony nanatevin-daharana an’ireo olona adala sy mpisoloky ireo, saingy notoheriny avokoa izay fanendrikendrehana rehetra tamin’ny nanaovany fahagagana. Ilay fahagagana goavana indrindra tamin’ireny dia ny Fitsanganana tamin’ny maty.
Ny Apostoly Paoly dia nilaza fa ny fitsanganana tamin’ny maty no fototry ny filazantsara manontolo: “Ary raha tsy natsangana Kristy, dia foana ny toriteninay, ary foana koa ny finoanareo.” (I Korintiana 15 : 14). Noalalininy bebe kokoa izany tamin’ny nilazany hoe : “ary raha tsy natsangana Kristy, dia foana ny finoanareo; ary mbola ao amin'ny fahotanareo ihany ianareo.” (I Korintiana 15 : 17)
Namoy ny reniko aho, dia na dia misaona aza aho, dia mino ny fitsanganana amin’ny maty. Noho izany dia tsy misaona tahaka ny tsy mpino ny tenako : “ Fa tsy tianay tsy ho fantatrareo, ry rahalahy, ny amin'izay modi-mandry, mba tsy hahalahelovanareo tahaka ny sasany izay tsy manana fanantenana.” (I Tesaloniana 4 : 13). Afaka milaza am-pahatsorana aho hoe :”Ry fahafatesana ô, aiza ny fandresenao? Ry fahafatesana ô, aiza ny fanindronanao?” (I Korintiana 15 : 55
Miatrika fahaverezana na fitsapana ve ianao? Ndao hiaraka hampiasa ny herin’ny fitsanganana amin’ny maty ho anao. Zarao aminay mba afahanay mivavaka ho anao. Mino ny herin’ny vavaka isika noho ny fitsanganana amin’ny maty.
Mahereza.
Velona Jesosy, ary ianao koa satria ianao dia Fahagagany.
Mombamomba ity Planina ity
Fantatr’i Jesosy fa Izy no Mesia nandrasan’ny Jiosy. Ary fantatsika fa Jesosy no fanantenantsika. Ao amin'ity planina ity dia hianatra bebe kokoa momba ny fon'Andriamanitra ho antsika isika. Isaorana manokana ny Jesus.net izay nanome ity drafitra ity.
More
Misaotra an'i mg.Jesus.net izahay nanome ity drafitra ity. Raha mila fanazavana fanampiny dia tsidiho azafady: https://jesus.net/
Planina mifandraika
Mifandray amin’Andriamanitra amin’ny alalan’ny vavaka
Fantaro Ny Herin'ny Vavaka
NY HARENAN’NY SALAMO 23
Paska - Fandresena Amin'ny Fahafatesana
An-Dalana Ho Amin’ny Paska
Ny Baiboly Ho An’ny Ankizy
Mahafantatra Misimisy Kokoa Ny Amin'ny Paska
Mandray Fanapahan-Kevitra Araka Ny Fitarihan'Andriamanitra
The Chosen - Voafidy ho tonga Fahagagana
