Inona no nataon’I Jesosy tao am-pasana?

Efa nanontany tena ve ianao hoe inona no nataon’I Jesosy tamin’Izy tao am-pasana? Na dia tsy naharitra ela tao aza Izy, mino aho fa zava-dehibe kosa ny fikatsahana ny valin’izany fanontaniana izany. Niakatra ho any an-danitra ve Jesosy teo anilan’ny Rainy? Sa natory tao am-pasana hanovozany hery vaovao noho ireo vono sy ratra nahazo Azy? Misy olona sasany mino fa tsy tena maty Izy tamin’izay. Raha ny eritreriny dia naka aina noho ny amin’ny feriny Izy ary nivoaka avy tao am-pasana, nampian’ireo mpianany.

Izaho mino fa Jesosy nanohy ny adiny goavana tamin’ny fahavalo. Ny Baiboly dia manambara mavaza fa “Koa raha nahita rahateo izy, dia nilaza ny fitsanganan'I Kristy, fa tsy nafoy ho any amin'ny fiainan-tsy hita Izy, ary ny nofony tsy tratry ny lo.” (Asan'ny Apostoly 2 : 31). Jesosy dia nankany amin’ny fiainan-tsy hita (Hadesy) ary naka ny fanalahidin’ny fahafatesana sy ny fasana. Ny Apokalypsy 1 : 18, Jesosy dia nilaza mihitsy fa “efa maty Aho, nefa, indro, velona mandrakizay mandrakizay sady manana ny fanalahidin'ny fahafatesana sy ny fiainan-tsy hita.” (Apokalypsy 1 : 18)

Mila teny fampaherezana ve ianao? Izaho mila. Namoy ny reniko, any an-tany lavitra dia lavitra any aho ny fotoana hanoratako izao. Tsy mba afaka nahita azy akory aho, na namihina azy, na nanoroka azy ho amin'ny lalam-pahafatesany. Nanakana ahy tsy afaka hanao izany ny fanapahan-kevitry ny Fanjakana ny amin'ny COVID 19. Mety izay tokoa angamba no mahasoa mba hanalefahana ny fanaparitahana, saingy naharary ahy foana izany.

Mahatsiaro ny fanomezan-toky nataon’I Jesosy aho hoe “Izaho no fananganana ny maty sy fiainana; izay mino Ahy, na dia maty aza, dia ho velona indray.” (Jaona 11 : 25)

Nitsahatra nitempo ny fon-dreniko teto an-tany, fa izaho resy lahatra fa marina ny nolazain’I Jesosy. Mbola velon’aina soa aman-tsara ny reniko any amin'ny fiainana mandrakizay. Fantatro fa notsenain’ny raiko sy ireo mpianakavin’ny finoana izy. Tsy malemy na jamba kely intsony izy. Handray ny valisoa tsara indrindra izy, mihoatra lavitra noho ny ahy.

Ka dia misaona ny amin'ny fahalasanan’ny reniko aho, kanefa ampionon’ny fanomezan-toky nataon’i Jesosy. Raha toa ka namoy olona akaiky koa ianao, mamangy amin'ny fahoriana. Tsapako ny mahazo anao. Raha mila fanampiana ianao dia aza misalasala mizara izany aminay.

Satria tena fahagagana tokoa ianao.