Fijery ara-Baiboly ny Fiovana ara-tSosialySantionany

Fandresena

Tsy mamela ny vahoaka sahirana fotsiny i Jesoa. Hitantsika izany rehefa mamaky ny Filazantsara an'i Marka isika. Mangoraka ary te hanome sakafo mahafapo azy ireo Izy. Ny fomba fanaovaNy izany anefa dia amin’ny alalan’ny fiaraha-miasa amin’ireo mpianatra. Manana anjara toerana lehibe izy ireo amin'ny fitadiavana ny hanina, izay ho ampitomboina avy eo, ary amin'ny fizarana izany sakafo izany amin’ny vahoaka.

Tian'i Jesoa isika hamantatra ireo fananana efa nomen'Andriamanitra antsika sy an'ny hafa, na dia toa tsy ampy aza, ary hampiasa izany mba hanome fahafaham-po an'ireo rehetra mila fanampiana.

“Ilain'i Jesoa izay azontsika entina ho Azy. Mety hoe tsy betsaka izany fa ilaiNy. Noho isika tsy manatitra izay ananantsika sy izay maha-izy azy antsika eo amin’i Jesoa no mety tsy hahazoan'izao tontolo izao fahagagana misesy sy fandresena maro misesy. Raha toa ka hiroso eo amin’ny alitaran’ny fanompoana Azy isika, dia tsy hisy hahampafantatra mialoha antsika izay ho ataoNy miaraka amintsika sy amin'ny alalantsika akory rehefa ho eo. Mety malahelo sy menatra isika fa zara fa manana ho atolotra – ary rariny izany; fa tsy antony tsy hanolorana izay ananantsika anefa izany. Rehefa eo am-pelatanan’i Kristy dia be dia be foana ny kely.”
-William Barclay

Saintsaino:

Ahoana no tian’i Jesoa itondrana ny fiarahantsika miasa Aminy mba hanasoavana ny hafa? Inona avy ireo dingana manokana mety angatahiNy amintsika mba hahazo arak'izay ilainy ny manodidina antsika?