Fijery ara-Baiboly ny Fiovana ara-tSosialySantionany

Vatsy

Azonao atao ve ny mieritreritra fotoana iray nahatsapanao hoe tena tototry ny habe sy ny hangezan'ny fanamby napetraka na ny asanao ianao? Inona no tsapanao tamin'izany? Inona no nataonao?

Nahatsapa izany i Maria, namako. Mafy taminy ny fiainana tany Oganda. Nanjavona ny vadiny, ka navelany niaraka tamin'ny zanany kely efatra izy. Tao anaty trano vita avy tamin'ny feta sy tafo bozaka no nipetraka izy ireo ary nanana osy iray izy. Niasa i Maria rehefa nanam-potoana ary nahazo vola kely ihany, fa tsy ampy azy ireo mihitsy anefa izany ary noana foana ny ankohonany. Azo antoka ny milaza fa tsy nisy na inona na inona tavela natao ho saram-pianarana ho an'ny zanany tamin'izany.

Indray andro dia nahare momba ny fampianarana Baiboly tany amina fiangonana tany an-toerana i Maria. Tonga izy nanatrika na dia tsy mpino aza izy. Rehefa nandre momba ilay tantara nanomezan'i Jesoa hanina olona dimy arivo tao anatin'ny iray andro izy, dia tsapany ary fa niahy ny vahoaka noana Andriamanitra! Ilay fampianarana dia nandalina nikasika ny fomba nampirisihan'i Jesoa ny mpianany hiara-hiasa mba ho azo antoka fa hahazo hanina daholo ny rehetra. Niaraka tamin'ny hafa, dia nahazo aingam-panahy i Maria izay nanombohany nandrafitra ho avy hafa niaraka tamin'ny zanany.

Nanomboka namboly zava-maniry izay namidiny i Maria sy ny ankohonany ka nahavita nanangona vola nividianany akoho vitsivitsy izy, avy eo kisoa, ary farany ombivavy roa. Lehibe ny fiatraikan'ireo tao amin'ny fiainan'izy mianaka: sakafo ara-pahasalamana, fitafiana, saram-pianarana, fihatsaran'ny trano ipetrahana, ary fanafody hitsaboana aretina.

Mamirapiratra i Maria ankehitriny. Akaiky amin'ny Tompo izy ary miara-dia Aminy ary hitany ny nanomezaNy azy sy ny ankohonany izay ilainy.

Saintsaino:

Rehefa mandinika ireo sedra atrehan'ny vondrom-piarahamonintsika sy ny tsy fisian'ny loharanon-karena isika, inona no fampaherezana manokana ho raisintsika avy amin'ity tantara ity?