Fijery ara-Baiboly ny Fiovana ara-tSosialySantionany

Atolory Ny Tenantsika

Ao amin'ny andalan-tsoratra masina anio (Marka 6:35-36), ny toerana misy ireo mpianatra dia tena mitovy amin'ny atrehan'ny ankamaroantsika amin'ny fanarandian-tsika an'i Kristy.

Reraky ny fitakiana ny amin'ny fanarahana an’i Jesoa sy ny fanompoana ny hafa ny mpianatra, ka naniry hiala sasatra. Ary avy eo, tapaka ny fialan-tsasatra fohy nataon'izy ireo noho ny fahatongavan'ny vahoaka marobe, izay tsy nisy fisalasalana, no manana fitakiana maro.

Nony hariva ny andro dia taitra ny mpianatra fa tsy nisy famantarana ny hialan'ireo vahoaka na dia tany lao sy tsy nisy sakafo aza ilay toerana. Ny fanirian’izy ireo dia ny hangataka an’i Jesoa handefa azy ireo, satria tsy misy azo atao.

Matetika isika no te hanao toy izany koa amin’ireo izay manana filàna ka ananantsika fahefana ny manome izany. Ny fironantsika dia mifantoka amin'ny olana fa tsy ny zavatra azo atao. Toy izany koa, tahaka ny mpianatra, isika dia mazàna manosika tanteraka ny olana amin'i Jesoa mba ho vahana, fa tsy manontany Azy ny fomba hiarahantsika miasa Aminy. Ny ankamaroan'ny vavaka ataontsika dia mitovy amin'ny fangatahan'ny mpianatra—Jesoa ô, azafady, esory eo am-pelatananay io andraikitra io!

Saintsaino:

Raha tsy misy ny fahatokian’Andriamanitra, dia ho sahirana isika amin'ny fivelomana raha tsy misy fanantenana ny hisian'ny fiovana eo amin'ny fiainantsika. Fa ny tenin'Andriamanitra kosa dia nambolena tao anatin'ny fon'ireo izay mino, ary manome antsika hetaheta hiara-miasa mba ahitana ilay heriny manova.

Voafetra ny loharanon-karenan'ireo mpianatra fa nampian'i Jesoa izany mba hamahanana vahoaka maro. Inona ny loharanon-karena hananao ka afahan'Andriamanitra manatombo izany ary hampiasa izany ho fitahiana ho an'ny mpiara-monina aminao? Tsy voatery zavatra ara-materialy izany, fa mety ho fahalalana na fotoana.