Mietry eo ambany Tana-maherinao aho: Fampaherezam-panahy avy amin'ireo voafonjaSantionany

ETO JESOA

“Ary hoy izy taminy: Tompoko, vonona hanaraka Anao aho, na ho ao an-tranomaizina, na dia ho amin'ny fahafatesana aza.”—Lioka 22:33

Nisy fotoana Petera nanao fanekena miezinezina hanaraka an'i Jesoa. Hoy mihitsy ary izy hoe vonona ny hanaraka Azy hatrany an-tranomaizina sy ho amin'ny fahafatesana izy. Tsy nandainga akory i Petera, fa lavo kosa nefa izy rehefa nandalo ny fakam-panahy sy ny fizahan-toetra! Nivavaka ho azy nefa Jesoa ary tsy mba namela azy.

Lavo ihany koa ve ianao? Nandà ny Tompo ihany koa ve isika, na nanome lamosina Azy na namela Azy tanteraka mihitsy ve? Manàna fanantenana. Banjino Jesoa. Mbola eo Jesoa. Mbola tia anao hatrany Izy. Nivavaka ho antsika Izy, ary na dia teo aza ny fahadisoantsika dia mbola vonona ny hampitraka antsika sy hamafa ny ranomasontsika ary hanasitrana ny fontsika maratra Izy.

Afaka ny ho tonga ilay lehilahy sy vehivavin'Andriamanitra izay mahatazona ny fanekena nataony tamin'i Jesoa foana isika. Na aiza na aiza toerana misy antsika amin'izao fotoana izao, eny fa na dia anaty tranomaizina aza isika; ary na inona na inona toe-javatra lalovantsika dia mbola eo foana Jesoa. Afaka ny hahazo hery indray isika ary afaka milaza Aminy hoe, “Tompoko, vonona hanaraka Anao aho, na ho ao an-tranomaizina, na dia ho amin'ny fahafatesana aza!”

—Javier

VAVAKA: Misaotra Tompo o, fa na dia lavo aza izahay dia tsy mba namela anay na nadao anay izany Ianao. Amena.