Mombamomba ny Fandaharana

Mietry eo ambany Tana-maherinao aho: Fampaherezam-panahy avy amin'ireo voafonjaSantionany

I Surrender: Inspirational Devotions Written by Prisoners

ANDRO FAHA-1 AMIN'NY 4 ANDRO

JAMBA AHO TALOHA, MAHITA AHO ANKEHITRINY

”Nefa hoy Izy tamiko; Ampy ho anao ny fahasoavako; fa ny heriko. dia tanterahina amin'ny fahalemena. Koa mainka sitrako ny hirehareha amin'ny fahalemeko, mba hitoeran'ny herin'i Kristy amiko.” —2 KORINTIANA 12:9

Tantaran'ny olona tena tafita amin'ny fiainana raha ny fiainako - ilay nofinofy Amerikanina irian'olona maro. Fa tamin'indray mipi-maso monja dia tonga saina aho fa tsy iny fahombiazako iny no nampiasain'Andriamanitra mba hanampiana ireo mpifatotra any am-pigadrana. Tsy nisy dikany teo amin'ny toe-karen'Andriamanitra akory ireny zava-bitako ireny. Ny tena lova napetrako tamin'ny fiainako dia ny tsy fahombiazako - ilay izaho nigadra tany am-ponja. Ny fahafahako baraka lehibe indrindra - dia ilay nalefa tany am-ponja - no fiandohan'ny asan'Andriamanitra lehibe indrindra tamin'ny fiainako. Nosafidiany ilay tantarako tsy nananako voninahitra indrindra hanehoana ny Voninahiny.

Rehefa tojo an'izay fahamarinana nampivarahontsana ahy izay aho dia tsinjoko fa nivadika ambony ambany 'kay ny fiainako. Nandona mafy ahy ny fahafantarana fa hay diso tanteraka ny fahitako ny fiainana. Izay vao hitako: Tamin'ny fotoana nahavery tanteraka an'ireo zavatra rehetra izay noheveriko fa naha-olo-manan-kaja an'i Chuck Colson no nahitako ilay tena maha-izy azy izay naharian'Andriamanitra ahy sy ny Antsony amin'ny fiainako.

Tsy ny zava-bitantsika no zava-dehibe fa ny Asan'Andriamanitra izay safidiany atao amin'ny alalantsika. Paradoksa tokoa raha ny Fanjakan'Andriamanitra, eo aminy dia azo avy amin'ny faharesena ny fandresena, avy amin'ny fandravana ny fanasitranana ary avy amin'ny fahaverezan'ny tena ny fahafantarana ny tena maha-izy azy naharian'Andriamanitra anao. Izay no zavatra niainako. Raha toa ka mandalo ny lohasahan'ny tsy fahombiazana ihany koa ianao dia mivavaka mba ho marina aminao ihany koa anie izany

—Chuck Colson

VAVAKA: Tompo o, misaotra fa ampy ho anay ny Fahasoavanao. Aoka ho hitanay ao Aminao ny maha-izy azy anay sy ny antsonay anio ary ho mandrakizay. Amena.

Soratra Masina

2 Kôrintianina 12:9

Andro 2

Mombamomba ity Planina ity

Ny Baiboly dia boky misy fanarenana, fanafahana sy fanantenana. Voarakitra ao ny tantaran'ireo olona be herim-po- Lehilahy sy vehivavy ravan'ny fiainana ary mikatsaka sy mitady vahaolana amin'izany. Amin'ny lafiny iray dia misy itovizana amin'ny tantaran'ireo gadra izay ho vakianao eto amin'ity fampaherezam-panahy ity ny tantaran'izy ireo. Manantena izahay fa hahazo fampaherezana indray ianao amin'ny alalan'ny feon'ny fiangonana ambadikin'ny fonja vy ireto. Hanafaka antsika anie ny fijoroan'izy ireo vavolombelona.

Misaotra an'i Prison Fellowship nanome an'ity planina ity. Raha mila fanazavana misimisy kokoa dia tsidiho ny https://www.prisonfellowship.org/resources/subscribe

Mikasika ny Mpanonta