Mombamomba ny Fandaharana

Mietry eo ambany Tana-maherinao aho: Fampaherezam-panahy avy amin'ireo voafonjaSantionany

I Surrender: Inspirational Devotions Written by Prisoners

ANDRO FAHA-2 AMIN'NY 4 ANDRO

TIA AHY ANDRIAMANITRA

”Ny ondriko mihaino ny feoko, ary Izaho mahalala azy, ary izy manaraka Ahy, ary Izaho manome azy fiainana mandrakizay, ka tsy ho very izy mandrakizay, ary tsy hisy handrombaka azy amin'ny tanako. ”. — Jaona 10:27-28

Kristianina ihany aho taloha, saingy nivily niala lavitra ny fahamarinana avy eo. Nandritry ny taona maro dia nidikizo aho, tsapako tato anatiko ihany nefa fa tena mangetaheta ny Tompo aho saingy nampanginiko izay feo izay satria natahotra Azy aho. Fanoharana tsotra kely nefa no nampiasain'Andriamanitra hampahatsiahivana ahy fa miantso ahy miverina amin'ny valan'ondry Izy. Tsy mba nilaza tamin'ny zanako izay nahazo ahy mihitsy aho tamin'ny mbola nigadra. Isaky ny miantso na manoratra amin'izy ireo aho dia mbola "lasa lavitra" ary "milamina tsara avokoa ny zava-drehetra" no ambarako aminy. Tamin'izay nefa no nisy vehivavy kristianina namako izay nandrisika ahy hilaza ny marina amin'ny zanako.

Notsoriko tamin'izy ireo ary ny marina ary niandry valin-teny tam-pahatahorana nandritry ny 2 volana aho. Farany dia nahazo fitahiana lehibe aho- naharay taratasy avy tamin'ny zanako vavy aho. Tery an-tendron'ny taratasy dia nanoratra tamin'ny soram-baventy izy hoe, “AZA ELA VAO MAMALY” ary koa hoe “NENY O, TIAKO FOANA ARY TIAKO MANDRAKIZAY IANAO”

Nampahatsiahy ahy fahamarinana lehibe ny tenin-janako: TIA AHY FOANA ARY HO TIA AHY MANDRAKIZAY ANDRIAMANITRA. Mivavaka aho mba ho tonga olo-mahatoky Aminy ary ho tonga ilay olona izay tadiaviny amiko.

—Nina

VAVAKA: Tompo o, ampio aho hiaina ilay fiainana izay irianao ho ahy manomboka androany ary ho mandrakizay. Misaotra amin'ny faharetana izay asehonao amiko. Ampio ihany koa aho hanana faharetana ho an'ny hafa. Amen.

Soratra Masina

Jôhany 10:27-28

Andro 1Andro 3

Mombamomba ity Planina ity

Ny Baiboly dia boky misy fanarenana, fanafahana sy fanantenana. Voarakitra ao ny tantaran'ireo olona be herim-po- Lehilahy sy vehivavy ravan'ny fiainana ary mikatsaka sy mitady vahaolana amin'izany. Amin'ny lafiny iray dia misy itovizana amin'ny tantaran'ireo gadra izay ho vakianao eto amin'ity fampaherezam-panahy ity ny tantaran'izy ireo. Manantena izahay fa hahazo fampaherezana indray ianao amin'ny alalan'ny feon'ny fiangonana ambadikin'ny fonja vy ireto. Hanafaka antsika anie ny fijoroan'izy ireo vavolombelona.

Misaotra an'i Prison Fellowship nanome an'ity planina ity. Raha mila fanazavana misimisy kokoa dia tsidiho ny https://www.prisonfellowship.org/resources/subscribe

Mikasika ny Mpanonta