Rehefa tsy mahomby ny finoana: 10 andro hahitana an'Andriamanitra ao anatin'ny aloky ny fisalasalanaSantionany

Tahaka ireo mpianatr'i Jesosy voalohany, nantsoina ho amin'ny fiainana mihoatra lavitra noho izay iainanao ankehitriny izao ihany ianao. Ny fiainanao dia misy tanjona. Nohariana hahalala sy hanaraka Azy ianao. Maniry mafy izany ny fonao. Ary asaina mandray anjara avokoa isika na manam-pinoana be isika na mbola feno fisalasalana.

Niantso ireo mpianatra izay toa nanam-pinoana tsy azo hozongozonina mihitsy Izy. Tahaka ny hoe nino foana izany izy ireo, nihira Hillsong hatrao an-kibon-dreniny, ary tsy mba solafaka mihitsy teo amin'ny diany. Saingy niantso ireo misalasala ihany koa nefa Izy. . . . Ireo izay mitady fatratra fifandraisana manokana Aminy satria tsy mahazaka finoana izay tsy azy izy ireo.

Jesosy dia mandray azy roa tonta ireo. Samy antsoiny. Samy irahiny. Samy tena manan-danja amin'ny revolisiona izay natombony izy ireo.

Ary na aiza na aiza misy anao amin’ny dianao amin’ny finoana, dia miantso anao koa Izy.

Mety lavitra Azy ianao, ary tsy fantatrao hoe inona no inoanao na tena mbola mino ary ve ianao. Na angamba efa niaina fijaliana ianao ary amin' izao dia manitsaka ny faritry ny fisalasalana ianao, mametraka fanontaniana lalina sy sarotra valiana amin'ny fiainana ianao. Na angamba efa an-dalana hody ianao. Hafa noho ny teo aloha ny fifandraisanao amin’Andriamanitra, saingy tsara kokoa izany. Lalindalina kokoa. Velona kokoa.

Na aiza na aiza misy anao, na inona na inona eritreretinao momba an'Andriamanitra, dia eo anoloanao ny fahafahana tsy manam-petra. Ny tenin’i Jesosy voarakitra voalohany tamin’ny mpianany dia ny hoe: “Avia, manaraha Ahy”, ary ny teniny farany dia tsy miova. Koa dia mandrosoa hatrany ary. Tohizo ny fikarohana ny Fahamarinana.

Ny loza lehibe indrindra dia tsy hoe very finoana isika fa mionona amin'ny fombafomba fivavahana andavan'andro. Isan'andro dia manana fahafahana manontany, mitady, mandondòna nefa isika. Be dia be ny zavatra azo trandrahana. Mbola betsaka ny tokony hianarana. Be dia be ny mbola azo alalinina. Misy tendrombohitra mikitoantoana hiakarana, fanamby tsy maintsy tratrarina, vina horaisina, hatsaram-piainana hiainana. Andriamanitra no mahalala.

Vao manomboka ianao.

Ary raha mihozongozona ny fonareo, na mihorohoro ny lohalikareo, ary rehefa ketraka ny finoanareo, dia tsarovy fa manana izao fanantenana izao ianareo:

I Jesoa no manana ny teny farany.

Te hahafantatra misimisy kokoa? Manafara ny bokin'i Dominic Rehefa tsy mahomby ny finoana hahitanao bebe kokoa momba ny fisalasalana sy ny finoana.