Mamerina indray ny hafalianaoSantionany

Ny fankatoavana no tsiambaratelon'ny fifaliana

Vakio ny Fitomaniana 3:40.

Ny fifaliana dia zavatra mora very, nefa mora ihany koa ny mamerina azy indray. Rehefa avy niaiky ianao fa very ny fifalianao, dia mila hadihadianao ny antony. Mila mijery ny fiainanao ianao ary manontany tena, "Ahoana no nahavery ny fifaliako? Inona no maka ny fifaliako?"

Imbetsaka ny Baiboly no milaza amintsika ao amin'ny Soratra Masina mba handinika ny fiainantsika. Ny Fitomaniana 3:40 dia milaza hoe "Aoka isika handinika sy hamantatra ny alehantsika ka hiverina indray amin’i Jehovah." (MBP).

An-jatony ireo mpamono ny fifaliana eo amin'ny fiainana, fa ny roa mahazatra indrindra hitako amin'ny fiainan'ny olona dia ny fandaharam-potoana tsy voalanjalanja sy ny talenta tsy ampiasaina. Tsy maintsy mahay mandajalanja ny fialan-tsasatra sy asa ianao, ny fidirana sy ny vokatra. Ary ianao dia mila mampiasa ny talenta manokana nomen'Andriamanitra anao ianao, raha tsy izany dia ho kivy. Alaivo izay isan-jaton'ny talentanao izay tsy ampiasainao amin'ny asanao dia ampiasao amin'ny asa fanompoana. Raha mampiasa ny latsaky ny 25 isanjaton'ny talentanao ny asanao, dia mialà.

Rehefa fantatrao hoe ahoana no nahavery ny fifalianao, dia mila ahitsinao izay tsy mety.

Fantatrao ve hoe inona no hangalatra ny hafalianao haingana noho ny zavatra rehetra? Rehefa fantatrao ny zavatra tokony atao nefa tsy ataonao.

Ny Baiboly dia milaza ao amin'ny Jakoba 4:17, "Koa izay mahalala hanao soa, nefa tsy manao, dia heloka ho azy izany."

Koa mamelà ahy hanontany anao: Inona no fantatrao fa tokony ataonao kanefa tsy ataonao? Inona no zavatra nasain'Andriamanitra nataonao nefa tsy mbola natombokao?

Ny tsiambaretelon'ny fifaliana maharitra, be dia be, ary mihoa-pampana dia ny fankatoavana. Izany dia ny fanaovana izay asian'Andriamanitra ataonao. Isaky ny manao izay asian'Andriamanitra ataonao ianao, dia ho feno fifaliana ny fiainanao.

Ho feno fifaliana koa ny fiainanao rehefa mieritreritra izay zavatra tsara eo amin'ny fiainanao. I Davida dia milaza ao amin'ny Salamo 126:3, "Eny, zava-dehibe no nataon’i Jehovah ho antsika, Ka dia faly isika."(MBP). Arakaraky ny ifantohanao amin'izay nataon'Andriamanitra taminao no hanananao fifaliana bebe kokoa amin'ny fiainanao. Nahoana? Satria izany dia miteraka fankasitrahana. Ary ny toe-tsaina feno fankasitrahana no fihetseham-pon'olombelona mahasalama indrindra.

Raha te hahazo ny fifalianao indray ianao dia mila miaiky ny fahaverezan'izany ary avy eo ianao dia manadihady ny antony. Ahitsio izay tsy mety ary manàna toe-tsaina feno fankasitrahana. Rahampitso isika hiresaka momba ny dingana telo farany ho famerenana indray ny fifalianao.