Mamerina indray ny hafalianaoSantionany

Hahita indray ny fifalianao izay very

Vakio ny Romana 14:17.

Inona ny zavatra mora very eny aminao? Ny solomasonao? Ny fanalahidinao? Ny sainao?

Ny zavatra tena mora very indrindra dia ny fifalianao. Mety antso na mailaka, taratasy na resaka ifanaovana iray fotsiny dia efa mety hahavery izany aminao. Mety mijery dokam-barotra amin'ny haino aman-jery ianao dia very ny fifalianao. Io no zavatra mora very indrindra eto amin'izao tontolo izao. Ary betsaka ny olona no manao izay hakana izany eny aminao amin'ny fomba maro samihafa.

Rehefa tsy fenon'ny fifaliana ny zanak'Andriamanitra dia maneho an'Andrandriamanitra ho ratsy izany. Ny Kristiana soso-dava dia vavolombelona ratsy. Toy ny hoe natao batisa tamin'ny vinaigitra satria tsy mba mirana mihitsy. Ary maneho an'Andriamanitra ho toy ny ratsy izany.

Satria nahoana? Satria tian'Andriamanitra ho vavolombelona amin'ny endritsika isika.

Ny Baiboly dia milaza amintsika fa ny fiainan'ny Kristiana dia afaka fintinina amin'ny teny telo hoe: fahamarinana, fiadanana ary fifaliana. Hoy ny Romana 14:17 hoe: "Fa ny fanjakan’Andriamanitra dia tsy amin’ny fihinanana sy ny fisotroana, fa fahamarinana sy fiadanana ary fifaliana ao amin’ny Fanahy Masina".

Ny zava-misy anefa dia mety hahavery ny fifaliana malaky ianao ary amin'ny fomba maro be no hahavery izany. Misy olona mpamimba fifaliana an'arivony eo amin'ny fiainana te hanaisotra ny fifalinao eny aminao, na dia olona toa an'i Jeremia aza, izay mpaminanin'Andriamanitra, ka nilazany ao amin'ny Fitomaniana 5:15 manao hoe: "Ny hafalian’ny fonay dia nitsahatra, Ary ny dihinay niova ho fitomaniana."

Tsy haiko na miaina izany koa ianao amin'izao fotoana izao, fa raha efa nandalo izany fotoana izany ianao, izay ahatsapanao ho toy ny very fanantenana sy alavitra an'Andraminanitra tsy toy ny mahazatra ka manara-drenirano fotsiny ny onjan'ny fiainana, dia mila mahafantatra ianao fa mora kokoa ny mamerina aminao indray ny fifaliana.

Koa, ahoana àry ny hamerenana indray ny fifalianao?

Ny dingana voalohany tokony ataonao dia ny miaiky fa nahavery izany ianao.

Mijery ny lasa fotsiny ianao ary manetraha fanontaniana vitsivitsy amin'ny tenanao: Efa nisy fotoana ve teo amin'ny fiainanao nahaakaiky kokoa anao amin'Andriamanitra noho ny amin'izao? Efa nisy fotoana ve teo amin'ny fiainanao nahafy anao kokoa tao amin'ny Tompo noho ny amin'izao fotoana izao?

Fotoana izao hihavaozana. Saingy mila manomboka izany amin'ny fanekena fa nahavery izay nanananao teo aloha ianao. Afaka mangataka an'izany amin'Andriamanitra ianao, miandry ny hanampiany anao Izy. Nivavaka ny momba izany Davida ao amin'ny Salamo 51:12: Ampodio amiko ny fifaliana amin’ny famonjenao; Ary tohàny fanahy mazoto aho".